Ompango omakwatathano ya pitithwa owina

AANIILONGA yOmegumbo etiyali lyokutota oompango oya ti epititho lyompango yOmakwatathano olya ningwa owina. Aanambelewa oya lombwele oshifo shika kutya ompango ndjika oya pitithwa owina kaatotimpango ndele ha molwaashoka aniwa yo ya dhimbwa okunyola omalundululo muyo.

Kuyele okwa li kwa tseyithwa kutya aatotimpango oya zimine ompango kaa yi na omalundululo aniwa molwaashoka aanambelewa oya dhimbwa okuganyola.Oshinima shika osha tula ompango ndjika yi tsikile noku kala ta yi konenenwa koyendji.Konima sho ya pitithwa kOshigongi shOpashigwana inaa yi lundululwa , ompango ndjika oya pitithwa ishewe mEgumbo Etiyali lyopashigwana inaa yi lundululwa. Shika osha ningwa nonando egumbo etiyali lyoku tota oompango olya li lya ningi epulakeno lyopashigwana kombinga yontotwampango ndjika.Aaniilonga kaa ye na ombili, yEgumbo Etiyali lyopashigwana oya dhengele oThe Namibian ta ya ti ka sha li epuko lyawo sho ompango ndjika ya pitithwa kegumbo ndyoka pwaana malunduluko gasha.Oya ti epititho ndika olya ningwa owina kaatotimpango, nonando oya li ye shi shi kutya opu na omathaneko opo yi ziminwe nomalundululo.Ontotwampango ndjika sho ya tumwa kegumbo etiyali lyopashigwana, oya li ya falwa komeho goshigwana opo aatotimpango mbaka ya pulakene omagwedhelepo ta ga zi moshigwana, kombinga yiinima yimwe mompango ndjika.Pethimbo etokolo ndika lya ningwa mboka ya li kaa ya uvite ombili kombinga yontompolwa yiilonga yomonanguwi oya li ya nyanyukilwa etokolo ndika. Oya li ya pupula kombunda Egumbo Etiyali lyopashigwana molwetokolo ndika.Petameko lyaSeptemba ongundu yegameno,iikwapondje, nepopilo lyoshilongo oya li ya ningi oshigongi sho ku pulakena oshigwana shuule womasiku ga tatu moVenduka.Ooamushanga yiifo, aakalelipo yomahangano gopamakwatathano elongo noshowo ooministeili dhimwe oya gandja omathaneko gawo pamishangwa noshowo pakana.Etiyali lya ziko omunashipundi gwongundu ndjika omutotimpango, Hakaye okwa gandja omushangwahokololo gwe. Mo mu shangwa hokololo muka omwa li muna omathaneko gokulundulula iitopolwa yimwe yompango ndjika.Mokati komalunduluko ga thanekwa , ongaashi okatokolwa ko 70(8) ke na sha nuuthemba wopaumwene womuntu kehe.Elundululo olya pula kutya omupanguli peresidende oye a kale nuuthemba nenge omupanguli a ulikwa kuye oye awike ta gandja elombwelo opo omakatwathano ga kale ta ga tsakanekwa. Shika osha ningwa opo shi tse kumwe nekotampango.Okangundu oka londodha kutya ngele shika ina shi ningwa ota shi vulika ompangu yi ka tendemo okatendo haka,.Okangundu oka li woo ka thaneke kutya , etsakaneko lyomakwatathano nali ningwe ashike ngele ope na uuyelele kutya olye iindile shika shiningwe, na ota shi ningwa pamakwatathano go lu dhi luni po, nopehala mpoka tashi ningilwa.Ontotwampango sho ya pitithwa ngeyi pwaana omalunduluko, osha fa sha hala okutya ayehe mboka ya gandja omathaneko nomagwedhelepo oya hepeke ethimbo lyawo.Omuntu gumwe, gwopopepi nEgumbo etiyali lyopashigwana okwa ti a niwa minsita Joel Kaapanda okwa li inaa hala ompango ndjika yipite nomalundululo, na ota ku tiwa okwa tsakanene naatotimpango yomegumbo ndika oku ya indila opo ya pitithe ompango ndjika pwaa na malunduluko gasha.Metine oshiwike sha yi omutotimpango, Johny Hakaye okwa gandjele ethaneko kutya ontotwampango ndjika na yi ziminwe, inaa tya ko sha komalunduluko.Oshifo shika osha li sha nyola metitano kutya ezimino lyompango pwaana omalunduluko osha li epuko lya ningwa kegumbo etiyali lyoompango.Kaapanda okwa tindi omapopyo ngoka taga ti okwa indile aatotimpango opo ya pitithe ompango pwaana omalundulo.Ta ti ye okwa li a ithanwa ku Hakaye koshigongi sha li ko metitatu, ndele shika ina ningwa we.Hakaye ka li ta vulu oku monika opo a tye ko sha kwaa shika.