Omonamati gwomunandiplomaate ku Kiina okwa taalela eso

O TASHI vulika omonamati gwOmunandiplomaate gwa Namibia ngoka a kala koBeijing sha Kiina sigo omathimbo ga zi ko, a kale Omunamibia gwotango ta taalele egeelo loyedhipago okuza sho Namibia lya manguluka.

Omonamati gwe otaku popiwa a kwatelwa moshipotha shimwe nOmuzambia, shoka sha eta eso lyokakadhona okaRussia mu Beijing sha ningilwe mu Juni omumvo gwa zi ko, Uuministeli wOmauyelele osho wa koleke ngaaka mEtine lyoshiwike sha zi ko. “Eeno, opu na shili oshinima sha tya ngaaka,” Amushanga Omukuluntu mUuministeli wOmauyelele Veiccoh Nghiwete ta popi ngaaka.Okwa holola ngeyi kutya inaya tseya naanaa pethimbo ndika kutya oshipotha shika otashi ka pangulwa unake mu Kiina, ashike okwa koleke kutya iihokolola yopetameko oya ningwa nale hoka.Nghiwete okwa popi ngeyi kutya omonamati gwomunandiplomaate omukuluntu Sackey Shikwambi, ngoka taku popiwa kutya oye Nelson Shikwambi, gwomimvo dhi li po 23 no 24 lwaampoka pamwe nakuume ke Omuzambia gwepipi lye, oya li ya dhitikwa mu Mei na Juni omumvo gwa zi ko, ashike Epangelo lya Namibia olya ka tseyithilwa owala oshinima shika omathimbo ga zi ko.”Pauyelele mboka twa mona po, oshinima shoka osha tameka nuufuthi gwoselula yoTango, nokuza mpoka oshu uka kuuwinayi,” Nghiwete ta popi.Pauyelele mboka a mona po kombinga yoshipotha shika, eso lyokanona hoka (okaRussia) olya holoka konima sho ka soloteipwa komulungu nosho wo komayulu sigo otaka si oshimpwininika.Oshinima shika osha eta nee oshipotha shonkonga nosho wo shedhipago yi gwedhwe momapeko gawo, ta popi ishewe.Oshinimangwa nimshika osha ninwga nale mu Mei omumvo gwa zi ko, ashike sigo okonena ndjika, kapu na naanaa ngoka e shi kutya olye a longa shike moshipotha shika pokati kaamentu mboka yaali, Nghiwete ta popi.”Ngashiingeyi otwa tegelela oveta yi ninge etokolo lyayo, opo tu tsee okuzilila kOmpangu kutya olye a longa shike na olye ta tamanekelwa shike, na olye a eta eso lyokakadhona,” Nghiwete ta popi.Pethimbo Nelson Shikwambi a dhitikwa, Shikwambi ka li a kutha po uuwanawa wegameno lyomumati gwe ngoka pethimbo kwa li wka popiwa kutya okwa valwa komumwayinakadhona gwatatekulu Shikwambi.Oshinima oshikwawo, Shikwambi ka li nando a tseyithila uuministeli wOmauyelele mOvenduka kombinga yoshiningwanima shika pethimbo ndyoka, Nghiwete ta popi.Shikwambi okwa galukila ku Namibia e li ngashiingeyi mopenzela, ashike ina vula okumonika opo a gandje komenda ye.Omugandjimulombo mombelewa yomukalelipo gwa Kiina mOvenduka, Mrs Li, okwa li a popi oshiwike sha zi ko kutya oya pewa uuyelele kombinga yopotha shika okuzilila kuuministeli wIikwapondje ya Namibia, ashike kali ta vulu okugandja uuyelele womuule kombinga yoshipotha shika.”Inatu tseya oshiningwanima shika, sigo opethimbo twa pewa uuyelele kombinga yoshipotha shika okuzilila kuuministeli wa Namibia wIikwapondje omathimbo ga zi ko,” Li ta popi ngaaka.”Otwa pula wo epangelo lyetu opo li tu pe uuyelele kombinga yoshipotha shika, ashike pethimbo katu na uuyelele owindji.”Oshinima shika osha talika ko kutya eshongo enene momilandu dhiikwapondje dha Namibia nosho wo dha Kiina, unene tuu kombinga yokusimaneka uuthemba womuntu nosho wo okwaaidhopa miinima yaanandiplomaate, oveta ya simanekwa unene mu Afrika yi na sha niikwandiplomaate yaKiina mu Afrika.Namibia okwa ekelehi egeelo lyeso konima owala yemanguluko lyoshilongo okuza momumvo 1990, ashike Kiina okwa kala nokugandja omageelo geso kookiliminola, nomathimbo gamwe oonakuyona muunima uushona ohaya dhipagwa, mwakwatelwa uufuthi wiimunaomayugo kwahomatiwa, okupititha iingangamithi nosho tuu.Ehangano lyuuthemba womuntu lyedhina Amnersty International ndyoka li li mu London olya kala noku kambadhala opo omulanduveta gwa Kiina gwedhina ‘Yanda’ gu talululwe, ashike kemanya ku za wo ontsi.Omupresidende gwa Kiina Hu Jintao pethimbo a li Amushanga gwOkomitiye yedhina Standing Committee of the Chinise Communist Party’s Central Bureau, okwa li a tothwa mo mo 1996 ta popi nokwiindila oompangu moshilongo dhi dhiginine ku gandja omageelo geso pwaa na okutala konima.”Uukiliminola kehe mboka oveta yi wete kutya owa nyika oshiponga nau geelwe shi ikwatelela koveta, nuukiliminola wa longwa mboka tashi vulika u geelwe pageelo lyedhipago nashi nningwe pwaa na omalimbililo,” osho a li a tothwa mo ta popi ngaaka koshikundaneki shedhina Chinese Legal Daily meti 4 Me 1996.Oveta yuukiliminola mu Kiina otayi popi kutya omuntu ngele okwa yaka oshimaliwa shoondola 20 000 sigo 30 000 miimaliwa ya Kiina (shoka shi thike poN$17 000 sigo N$25 000 miimaliwa ya Namibia), ota vulu okupewa egeelo lyeso.”Eeno, opu na shili oshinima sha tya ngaaka,” Amushanga Omukuluntu mUuministeli wOmauyelele Veiccoh Nghiwete ta popi ngaaka.Okwa holola ngeyi kutya inaya tseya naanaa pethimbo ndika kutya oshipotha shika otashi ka pangulwa unake mu Kiina, ashike okwa koleke kutya iihokolola yopetameko oya ningwa nale hoka.Nghiwete okwa popi ngeyi kutya omonamati gwomunandiplomaate omukuluntu Sackey Shikwambi, ngoka taku popiwa kutya oye Nelson Shikwambi, gwomimvo dhi li po 23 no 24 lwaampoka pamwe nakuume ke Omuzambia gwepipi lye, oya li ya dhitikwa mu Mei na Juni omumvo gwa zi ko, ashike Epangelo lya Namibia olya ka tseyithilwa owala oshinima shika omathimbo ga zi ko.”Pauyelele mboka twa mona po, oshinima shoka osha tameka nuufuthi gwoselula yoTango, nokuza mpoka oshu uka kuuwinayi,” Nghiwete ta popi.Pauyelele mboka a mona po kombinga yoshipotha shika, eso lyokanona hoka (okaRussia) olya holoka konima sho ka soloteipwa komulungu nosho wo komayulu sigo otaka si oshimpwininika.Oshinima shika osha eta nee oshipotha shonkonga nosho wo shedhipago yi gwedhwe momapeko gawo, ta popi ishewe.Oshinimangwa nimshika osha ninwga nale mu Mei omumvo gwa zi ko, ashike sigo okonena ndjika, kapu na naanaa ngoka e shi kutya olye a longa shike moshipotha shika pokati kaamentu mboka yaali, Nghiwete ta popi.”Ngashiingeyi otwa tegelela oveta yi ninge etokolo lyayo, opo tu tsee okuzilila kOmpangu kutya olye a longa shike na olye ta tamanekelwa shike, na olye a eta eso lyokakadhona,” Nghiwete ta popi.Pethimbo Nelson Shikwambi a dhitikwa, Shikwambi ka li a kutha po uuwanawa wegameno lyomumati gwe ngoka pethimbo kwa li wka popiwa kutya okwa valwa komumwayinakadhona gwatatekulu Shikwambi.Oshinima oshikwawo, Shikwambi ka li nando a tseyithila uuministeli wOmauyelele mOvenduka kombinga yoshiningwanima shika pethimbo ndyoka, Nghiwete ta popi.Shikwambi okwa galukila ku Namibia e li ngashiingeyi mopenzela, ashike ina vula okumonika opo a gandje komenda ye.Omugandjimulombo mombelewa yomukalelipo gwa Kiina mOvenduka, Mrs Li, okwa li a popi oshiwike sha zi ko kutya oya pewa uuyelele kombinga yopotha shika okuzilila kuuministeli wIikwapondje ya Namibia, ashike kali ta vulu okugandja uuyelele womuule kombinga yoshipotha shika.”Inatu tseya oshiningwanima shika, sigo opethimbo twa pewa uuyelele kombinga yoshipotha shika okuzilila kuuministeli wa Namibia wIikwapondje omathimbo ga zi ko,” Li ta popi ngaaka.”Otwa pula wo epangelo lyetu opo li tu pe uuyelele kombinga yoshipotha shika, ashike pethimbo katu na uuyelele owindji.”Oshinima shika osha talika ko kutya eshongo enene momilandu dhiikwapondje dha Namibia nosho wo dha Kiina, unene tuu kombinga yokusimaneka uuthemba womuntu nosho wo okwaaidhopa miinima yaanandiplomaate, oveta ya simanekwa unene mu Afrika yi na sha niikwandiplomaate yaKiina mu Afrika.Namibia okwa ekelehi egeelo lyeso konima owala yemanguluko lyoshilongo okuza momumvo 1990, ashike Kiina okwa kala nokugandja omageelo geso kookiliminola, nomathimbo gamwe oonakuyona muunima uushona ohaya dhipagwa, mwakwatelwa uufuthi wiimunaomayugo kwahomatiwa, okupititha iingangamithi nosho tuu.Ehangano lyuuthemba womuntu lyedhina Amnersty International ndyoka li li mu London olya kala noku kambadhala opo omulanduveta gwa Kiina gwedhina ‘Yanda’ gu talululwe, ashike kemanya ku za wo ontsi.Omupresidende gwa Kiina Hu Jintao pethimbo a li Amushanga gwOkomitiye yedhina Standing Committee of the Chinise Communist Party’s Central Bureau, okwa li a tothwa mo mo 1996 ta popi nokwiindila oompangu moshilongo dhi dhiginine ku gandja omageelo geso pwaa na okutala konima.”Uukiliminola kehe mboka oveta yi wete kutya owa nyika oshiponga nau geelwe shi ikwatelela koveta, nuukiliminola wa longwa mboka tashi vulika u geelwe pageelo lyedhipago nashi nningwe pwaa na omalimbililo,” osho a li a tothwa mo ta popi ngaaka koshikundaneki shedhina Chinese Legal Daily meti 4 Me 1996.Oveta yuukiliminola mu Kiina otayi popi kutya omuntu ngele okwa yaka oshimaliwa shoondola 20 000 sigo 30 000 miimaliwa ya Kiina (shoka shi thike poN$17 000 sigo N$25 000 miimaliwa ya Namibia), ota vulu okupewa egeelo lyeso.