OMISIUMA yopakwiita ndjoka ya tungilwe omimvo heyali dha piti natango ina yi egulukila oshigwana nonando Uuministeli wEgameno owa li wa uvaneke kutya ndjika ota yi ka egululilwa oshigwana omumvo 2009.
Omisiuma oyi li megameno enene lyaakwiita, opo oshigwana kaashi ethelwemo. Onkambadhala oku mona eyamukulo okuza kUuministeli, tashi pitile mwamushanga omukuluntu kutya uunake omisiuma ta yi eguluka inadhi pondola sha. Omuniilonga gwegameno gumwe pOkahandja okwa ti omisiuma ita yi ka egululwa nuumvo, kakele iinima ayihe yopaukwiita mbyoka yi na okuulikwa omo yili nale mehala moka.Okwa ti kehe oshuulikwa omo shili mehala ndika shoka sha pumbiwa osho owala okweegulula ehala ndyoka, a gwedhapo tati omutoolinkundana ngele okwa hala oshindji na kwatathane noshikondo shuuyelele poombelewa oonene dhegameno moshilanpangelo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
