Omishigakano dhokoombila momawendo ga Haushombo dha dhikulwa ko koombila

POHAUSHOMBO O SHINIMA oshikumithi noshitilithi osha ningwa momukunda Ohaushombo popepi nOngwediva mOukwanyama mOshitopolwa sha Shana sho momawendo gomomukunda moka mwiiyakele omukolokoshi gwontumba nenge aakolokoshi yontumba ndele taya dhikula ko omamanya nomishikakano koombila dhimwe momawendo moka noku dhi ekela pehala limwe nosho wo ekwawo momawendo tuu moka pamukalo gwa vundakana.

Aakalimo yomomukunda ngoka otaya lombwele Oshifo shika kutya oshinima shika shokudhikula ko omamanya nomishigakano koombila, ye shi dhidhilike omasiku ga zi ko, oye shi lopota kumwene gwomukunda gwawo ngoka wo tashi vulika e shi lopota kOpolisi noshi li tashi konaakonwa. “Omuntu nenge aantu yatya ngeyi , aakolokoshi lela, katu shi shoka ya hala na katu shi kutya onelalakano lini taya ningi ngeyi, ano taya longo iilonga yi thike mpoka.Otwa hala ya kwatwe kOpolisi ndele taye ya komukunda oko ya pangulwe, tuuve kutya otaye shi ningile shike.Twa hala tu uve kutya ooyene yoombila ndhoka oye ya lila shike.Ngele oya lilwa sha kuyo, omolwashike inaye shi popya na omolwashike itaye shi popi.Nange osho shi futwe kaakwanezimo yawo mboka ye li ko,” yamwe yomomukunda moka taya ti ngawo ya geela oshinima shika noonkondo.Omathimbo ga zi ko Oshifo shika osha lopotele wo ombila yimwe yomOmawendo gElelo lya Ngwediva mOngwediva ya yakwa iitopolwa yemanya ndjoka lya tulilwe ko nokuthiga iitopolwa yimwe ye yi yonagula po.Oshifo shika osha li wo sha lopota omamanya gokomawendo gamwe muushimba nago ga yonagulwa ko koombila nokuteyagulwa.Oyendji otaya ti kutya oshinima shika osha pumbwa okukonaakonwa muule kOpolisi, kOogavena, kOokaansela noshowo kAaleli yOpamuthigululwakalo yOongeleka nokoshigwana ashihe, ku monike kutya omolwashike, opo shi kundathanwe muule noshi kandulwe po.Yamwe ya limbililwa noonkondo, otaya ti wo kutya ngele aantu oya tameka okukutha ko omamanya nomishigakano koombila noku dhi yonagula, nani otashi vulika niiketha yomidhimba tayi ka yakwa mo nenge yimwe ya yakwa mo nale moombila nokuli.”Omuntu nenge aantu yatya ngeyi , aakolokoshi lela, katu shi shoka ya hala na katu shi kutya onelalakano lini taya ningi ngeyi, ano taya longo iilonga yi thike mpoka.Otwa hala ya kwatwe kOpolisi ndele taye ya komukunda oko ya pangulwe, tuuve kutya otaye shi ningile shike.Twa hala tu uve kutya ooyene yoombila ndhoka oye ya lila shike.Ngele oya lilwa sha kuyo, omolwashike inaye shi popya na omolwashike itaye shi popi.Nange osho shi futwe kaakwanezimo yawo mboka ye li ko,” yamwe yomomukunda moka taya ti ngawo ya geela oshinima shika noonkondo.Omathimbo ga zi ko Oshifo shika osha lopotele wo ombila yimwe yomOmawendo gElelo lya Ngwediva mOngwediva ya yakwa iitopolwa yemanya ndjoka lya tulilwe ko nokuthiga iitopolwa yimwe ye yi yonagula po.Oshifo shika osha li wo sha lopota omamanya gokomawendo gamwe muushimba nago ga yonagulwa ko koombila nokuteyagulwa.Oyendji otaya ti kutya oshinima shika osha pumbwa okukonaakonwa muule kOpolisi, kOogavena, kOokaansela noshowo kAaleli yOpamuthigululwakalo yOongeleka nokoshigwana ashihe, ku monike kutya omolwashike, opo shi kundathanwe muule noshi kandulwe po.Yamwe ya limbililwa noonkondo, otaya ti wo kutya ngele aantu oya tameka okukutha ko omamanya nomishigakano koombila noku dhi yonagula, nani otashi vulika niiketha yomidhimba tayi ka yakwa mo nenge yimwe ya yakwa mo nale moombila nokuli.