Omina ya Kombat ota yi landithwa po

EHANGANO lya South Africa lyedhina Cubenco 192 olya pewa ompito okulanda po omina ya Kombat ndjoka yi li miikaha yehangano lya Weatherly Mining Namibia pethimbo ndika.

Ehangano ndika lya hala okulanda ko omina yongopolo ya Kombat ota li gandja oodola oomiliona 24.Weatherly okwa tseyitha kutya Kombat ita yi kala we oshitopolwa shehangano ndika pamushangwa hokololo gwehangano ndika gwonuumvo.Cubenco, ehangano lya South Africa olya mwena ina li hala okutya sha kombinga yomathaneko galyo sho oThe Namibian ya pula kombinga yoshinima shika, nolya gwedha po ashike kutya olili pOkombata oku tala iinima ayihe kutya oyi li ngiini.Shika oshe ya kutha konyala oodola omiliona yimwe okukonakona.’Dhengela ndje konima yiiwike ihamano kombinga yomathaneko getu,’osho Cas van der Berg gwa Cubenco a lombwele oThe Namibian.Cubenco okwa pewa omasiku 42 okutala kutya oya panda shoka yahala okulanda.Ngele oya panda oshilandomwa shawo nena ota ya futu oodola dhAmerica 600 000 ku Weatherly. Shika ota shi ya pe ompito yokuya mehala lyomina ya Kombat mbala. Mu Maalitsa 2010 ngele Weatherly nepangelo lya Namibia oya koleke euvathano ndika nena Cubenco ota futu omwaalu gwa hupa gwoodola dhAmerika oomiliona 2,24.Oonzo miikwamina ota dhi ti Cubenco ota kala nokukutha ongopolo mehala moka mwa li ha mu ekelwahi evi ndyoka lya kuthwa ongopolo poShomeya. Na iimaliwa mbika ta mono mpoka ote ke yi longitha mokwoopaleka omina ya Kombat ndjoka ya li yina omeya ogendji okuza mo mayuvi 2005.Konima sho Weatherly a landa omina ya Kombat okwa li a kambadhala okupomba mo omeya ngaka ndele okwa nyengwa , unene tuu sho ehangano lya kala nuupyakadhi wolusheno nolya tokola okuhulitha iilonga yalyo mpoka. Aaniilonga 230 mboka ya li ta ya longo mpoka oya topolelwa omahala gamwe giilonga mehangano ndyoka.Onkunda yelando po lyoKombat oya londeke ondando yiipambuliko ya Weatherly moLondon nooperesenda 5,8.Ehangano lyekwashilipaleko lyAmbrian ota li ti, Weatherly oku li natango ehangano li na uukolele.Weatherly oku li nawa oshoka oku na iilonga yokugandja iikwamina nomahangano galwe sigo okomumvo 2014, mbika oya tegelelwa oku lelepekwa ishewe.Weatherly okwa ti iimaliwa mbyoka ya gandjwa otayi ka longithwa okufuta oongunga dhehangano dhoodola dhAmerica oomiliona 12 noshowo okufutila iilonga yoomina moNamibia naBurkina Faso.’Konima yomvula ya nika uudhigu onda nyanyukwa kwaashoka ehangano li na, na onda tala komeho okuli tungulula mokulongulula omathaneko getu, osho omuwiliki gwa Weatherly International, Rob Webster a ti.Mu Septemba okwa landithile iipambuliko ye yooperesenda 50,1 kehangano lyokoChina lyedhina, Mineral Exploration and Development Bureau.Euvathano ndyoka lya tegelelwa li manithwe mu Januali 2010 ota li pitike Weatherly opo a egulule omina ya Tjihase na Matchless.Omuwiliki gwa Weatherly Namibia ,Hans Nolte okwa ti iilonga mbika oya tegelelwa yi ka tameke moshikako oshititatu shomumvo tagu ya.Shika ota shi ka pa aaniilonga omathele ga hamano iilonga.Ota shi pe woo ehangano ndika ompito opo li edeleleke omina yoshilambo sha eguluka ya Tschudi yi eguluke noshowo okukoleka ohite ya Tsumeb.