ETOKOLO lyamuni gwa Venduka kombinga yelanditho lyolusheno lwokakalata olya eta epiyagano enene moshilando.
Aakalimo yomoshilandopangelo mboka haya landa olusheno lwokakalata oya li ya thiminikwa okuthikama momikweyo omile nodhavundakana oshiwike shayi, opo yi ilandele olusheno ndoka lwa li ashike talu monika poombelewa dha muni moVenduka ndele hapoongalashe dhomahooli noositola oonene noombelewa dhoNampost ngaashi sha kala shito.Aalongithi yolusheno nduka oya li ya geya noonkondo unene tuu sho muni gwa Venduka inaa londodha kutya ota ka hulithapo egandjo lyolusheno okupitila mu NEPT. Omulongithi gumwe okwa ti ngele mbaka oyena ehilathano kombinga yokondalaka ndjoka, mbaka oya li yena oku kondja olugodhi lwawo inaalu kwatelamo aayakulwa yawo. Okwa tsikile a ti etokolo lyawo olya ulike kutya kayeshi shoka taya longo unene tuu sho naanambelewa yawo yoku yakula oshigwana ya li inaa ilongekidhila egongalo nengundumano enene lithike mpoka lyaantu taya landa olusheno pethimbo limwe. Aakalimo oyendji oya kala ootundi odhindji momikweyo taya kambadhala okulanda olusheno nenge taya landa uukalata wolusheno. Ethimbo olindji oyendji oya thikama momikweyo dhapuka , noku lombwelwa kutya omukweyo nguka ogwa puka sho omuntu a thiki kehulilo lyagwo, shika osha li sha geyeke oyendji. Aanambelewa yamwe ya muni nayo oya luku etokolo ndyoka lya ningwa komuhona gwayo oshinima shuugoya.Omunambelewa omukuluntupitithi gwa Muni gwa Venduka, Niilo Taapopi okwa ti etokolo ndyoka inaali pandika olya li lina okuningwa opo ashike oshikumungu pokati ka NEPT nalyo shikandulwepo.Okwa tsikile a ti etokolo ndyoka lya gumu aalongithi yolusheno nayi olya ningwa omolwa uuwanawa wawo. Okwa ti aakalimo ota ya ka uvako omatompelo uuna ngaka ga gandjwa kutya omolwashike euvathano lya tewapo ngaaka pwaana elondodho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
