Ombuulae yaNamibia otayi landitha nonando SABMiller ota dhunga

NONANDO ota shi vulika pukale ekondjithathano lyoondando sho ombuulae ya South Africa ya pewa ombapila yokuhanga omalovu moNamibia , ombuulae ya Namibia ota yi tsikile nokulanditha iilongomwa yawo ngaashi shito no ita yi tenguka.

Ekondjithathano lyakukuta noshowo eshonopalo miilikolwa oyo ta yi kala pomaipyakidhilo omanene , aatseyinawa yomalanditho Emile van Zyl na JD van Wyk ya ti.Ndele ayehe oya ti ombuulae ya Namibia ota yi tsikile no ta yi hupu momalanditho giikunwa yombiila.Ombuulae ya Namibia oya tseyitha iizemo yomalanditho gayo sha pitile mehangano lyoondjele lyaNamibia( Namibia Stock Exchange) oya ti oya tegelela iiyemo ya yo sigo opehulilo lya Juni nuumvo yi kale pokati koopelesenda 15 no showo oopelesenda 25 yi li pombanda okuyeleka nethimbo lyafaathana omumvo gwa yi.SABMiller okwa tseyitha oshiwike sha yi kutya oya tota po ehangano lyayo eNamibia melongelokumwe naaNamibia yehangano lyOnyewu Holdings ndyoka li li wo pamwe nuukumwe wa za miitopolwa Omaheke, Karas niitopolwa yokUumbangalantu. Onyewu Holdings oku na iipambuliko yoopelesenda 20 moSABMiller Namibia.Epangelo, olya pe SABMiller Namibia ombapila yokudhunga omalovu goCastle lager noshowo Black Label.Ombuulae ndjika ta yi ka kotha oodola oomiliona 250 ota yi vulu okutameka netungo lyayo mu Desemba, pOkahandja, pahapu dhomunashipundi shOnyewu, Samuel Jafet Victor sho a popi noThe Namibia.Oombulae SABMiller, Diageo na Heineken adhihe odhi li molugodhi lwokukondjela omalanditho gomalovu muAfrica, naashika osho esindano kombuulae ya SABMiller, omusamane JD van Wyk omutseyimahupilo gwehangano lya Investment House Namibia a ti.Ombuulae ndjika ota yi kala nokudhunga omalovu nokuga tula momakende haga galuka, nashika otashi ka kala shi na ombiliha kombuulae ndjika, nekalepo lyayo muka molupe lwa SABMiller Namibia ota ku ningi kutya ombuulae ndjika yi ete mo woo iilongomwa iipe mbyoka ta yi kala noku kondjithathana niilongomwa ya mbuulaye ya Namibia ngaashi Windhoek lager nosho wo Tafel lager.Oombiila dha Mbuulaye gwa Namibia odhi shiwike nawa muka nokoSouth Africa noha dhi nuwa kaanwi oyendji, osho omutseyi mahupilo gwehangano lya Simonis Storm Securities, Emile van Zyl a ti ngaaka.’Ka ndi wete kutya ombuulaye ya Namibia andola ita yi vulu oku pita moshikungulu shika. Van Wyk naye okwa tsukumwe na ye ta ti Windhoek lager oyi li natango ombiila yi holike moSouth Africa.Ishewe Diageo na Heineken sho ya tungu oombuulae dhawo moSouth Africa ota shi ti ombuulaye ya Namibia ota yi ka hupitha oshimaliwa oshindji molwaashoka ita ya ka pumbwa we okweetamo ombiila yoAmstel oku za pondje.Ndele megumbo ombuulae oyi na okulonga ya dhiginina opo yi pite mekondjo lyethigathano ndika.Van Zyl okwa ti ethigathano ota li, ka kala edhigu, na mbuulay gwa Namibia ota ka ehamekwa mushika..Ndele pa ku shitalela momwaalu ngoka ta gu longithwa oku tunga po ombuulaye yaSABMiller ota shi ulike kutya ndjika ota yi ka kala onsthona.Ihe ekalepo lyawo moshilongo ota shi ota ya kala aluhe ye li moshipala sha Mbuulaye gwa Namibia ethimbo kehe.Van Zyl ta tsikile ta ti ombuulaye yaNamibia oyi na oopelesenda 20 dhomalanditho goombiila moshilongo ngashingeyi.Van Wyk okwa ti ekalepo lyaSABMiller ota li ka guma iiyemo mbyoka ombuulaye yaNamibia ha yi mono ngele ta yi landitha oombiila dhayo.