Ombinga ompe moshipotha shaAvid-SSC

Ombinga ompe moshipotha shaAvid-SSC

KAKELE komushangwa gwomapandja ge vulithe peyovi ngoka gwa pulakenwa pethimbo lyopapulapulo mOmpangu yOpombanda kombinga yekano lyoshimaliwa shoomiliyuna omilongo ndatu dha Social Security Commission (SSC) shoka sha kanene mu Avid Investments Corporation, oshiwike sha zi ko, opwa monika ishewe uuyelele uupe mboka inau fatululwa natango.

Ombapila ndjoka inayi hololwa puuyelele kwali pethimbo lyomapulapulo mOmpangu yOpombanda kombinga yekano lyoomiliyuna 30 dha Avd-SSC, oya hololwa puuyelele mEtine lya zi ko. Aniwa ombapila oyi na omutse gwaSSC.Ombapila oya hololwa puuyelele nokudhana onkandangala pethimbo lyeindilo lyeifutilemo (lyobooloha) ya Nico Josea mEtine lya zi ko mOmpangu ya Mengestrata gwaVenduka.Ngele ombapila ndjika oyoshili, otayi vulu okutula Namangol Investments posenda mpoka pwa kala Avid Investments pethimbo lyomapulapulo ngoka ga kala nokupulakenwa komupanguli Raymond Heathcote.Ombapila ndjika oya fa naanaa ndjoka ya shangelwa Avid Investments tayi mu tseyithile ngeyi kutya SSC okwa zimine okugandja oshimaliwa shi ka pungulwe mu Avid Investments muule woomwedhi ne kiishoshela yoopelesenda 14, 65 komumvo.Eyooloko pokati koombapila ndhika mbali olyo ndyoka kutya yimwe oya shangelwa kOmunashipundi gwa Avid, Inez Gases, omanga onkwawo ya shengelwa ku Namangol Investments noya shangwa ya ukithwa ku Josea.Oombapila adhihe ndhika mbali odha shangwa momasiku 21 gaJanuali 2005 notadhi popi konyala oshinima sha faathana.Konima owala sho SSC a gandja oomiliyuna 30 ku Avid, Avid okwa gandja oomiliyuna 29,5 ku Namangol Investments.Konima sho Josea a pewa oshimaliwa shoka okwa gandja ishewe oomiliyuna 20 ku Alan Rosenberg gwokuSouth Afrika ngoka a li e na okupungula aniwa oshimaliwa shoka.Nando ongaaka, Rosenberg okwa li ishewe a gandja oshimaliwa shoondola oomiliyuna omulongo nantano (N$15 million) ku Josea mwene lwomokati ka Maalitsa.Pahokololo lyaSSC, ewilikongundu lyaSSC olya li lya zimine okupungula oshimaliwa shoka mu Avid Investments mu Januali nuumvo.Josea ngoka oye owala a taalela etamaneko lyopaukiliminola moshinima shika okwa lombwele Mengestrata Sarel Jacobs kutya ye shivalelwe a mone nomushangwa ngoka.Okwa popi ngeyi nokuli kutya okwa talako ombapila ndjoka kutya oya ningwa okukakeka edhina lye nokumukwatitha yemwene nokampani ye Namangol koshinima shepungulo lyoshimaliwa sha Avid-SSC.Menindjela gwiinewe mu SSC pethimbo ndyoka Gideon Mulder okwa popi naye mEtine moka kutya ina tseya wo ombapila ndjoka, naishewe ineyi shaina.Omuntu ngoka a tseya sha kombinga yombapila ndjoka oye hahende gwaSSC, Rocco Kauta – ihe naye okwa popi kutya okwe yi pewa kOpolisi, ihe ina tseya kutya Opolisi oye yi kutha pevi.Inspekta Omukuluntu gwOpolisi Willie Bampton ngoka oye a kwatela omakonakono komeho mekano lyoshimaliwa shoomiliyuna dha SSC, ina gandja wo uuyelele wa sha kombinga yombapila ndjika.Okwa lombwele Ompangu ya Mengestrata mEtitano lya zi ko kutya okwa adha owala ombapila ndjoka mepeko lyOpolisi sho a tameke nomakonakono ngoka mu Septemba.Omunambelewa gwaSSC ngoka edhina lya gandja kutya oye ta vulu okuningwa naye omakwatathano ngele opu na epulo lya sha, okwa lombwele Opolisi kutya ke na ontseyo yasha kombinga yombapila ndjoka, Bampton ta popi.Kapu na we mpoka tayi adhika, meshina lyokomupiutera ya Josea ndjoka ya kwatwa ko kOpolisi inayi adhika mo, ta popi ishewe.Efatululo ndyoka a gandja kombinga yombapila ndjoka, Josea okwa popi owala kutya, omuntu gwontumba ngiika ngoka a hala okumuningila oshipotha shoka.Euvathanotsokumwe kombinga yepungulo lyoshimaliwa shika shoomiliyuna 30 olya li owala pokati ka SSC na Avid, ihe Namangol ka li mo, Mulder ta popi.”Kombinga yombapila puleni Opolisi kutya oye yi kiutha pevi,” Kauta ta popi.Okupitila mu Bampton, opolisi oyali ya pulwa mEtitano loya zi ko, ihe epulo olya kala inaloi yamukulwa sig onena ndjika.Aniwa ombapila oyi na omutse gwaSSC.Ombapila oya hololwa puuyelele nokudhana onkandangala pethimbo lyeindilo lyeifutilemo (lyobooloha) ya Nico Josea mEtine lya zi ko mOmpangu ya Mengestrata gwaVenduka.Ngele ombapila ndjika oyoshili, otayi vulu okutula Namangol Investments posenda mpoka pwa kala Avid Investments pethimbo lyomapulapulo ngoka ga kala nokupulakenwa komupanguli Raymond Heathcote.Ombapila ndjika oya fa naanaa ndjoka ya shangelwa Avid Investments tayi mu tseyithile ngeyi kutya SSC okwa zimine okugandja oshimaliwa shi ka pungulwe mu Avid Investments muule woomwedhi ne kiishoshela yoopelesenda 14, 65 komumvo.Eyooloko pokati koombapila ndhika mbali olyo ndyoka kutya yimwe oya shangelwa kOmunashipundi gwa Avid, Inez Gases, omanga onkwawo ya shengelwa ku Namangol Investments noya shangwa ya ukithwa ku Josea.Oombapila adhihe ndhika mbali odha shangwa momasiku 21 gaJanuali 2005 notadhi popi konyala oshinima sha faathana.Konima owala sho SSC a gandja oomiliyuna 30 ku Avid, Avid okwa gandja oomiliyuna 29,5 ku Namangol Investments.Konima sho Josea a pewa oshimaliwa shoka okwa gandja ishewe oomiliyuna 20 ku Alan Rosenberg gwokuSouth Afrika ngoka a li e na okupungula aniwa oshimaliwa shoka.Nando ongaaka, Rosenberg okwa li ishewe a gandja oshimaliwa shoondola oomiliyuna omulongo nantano (N$15 million) ku Josea mwene lwomokati ka Maalitsa.Pahokololo lyaSSC, ewilikongundu lyaSSC olya li lya zimine okupungula oshimaliwa shoka mu Avid Investments mu Januali nuumvo.Josea ngoka oye owala a taalela etamaneko lyopaukiliminola moshinima shika okwa lombwele Mengestrata Sarel Jacobs kutya ye shivalelwe a mone nomushangwa ngoka.Okwa popi ngeyi nokuli kutya okwa talako ombapila ndjoka kutya oya ningwa okukakeka edhina lye nokumukwatitha yemwene nokampani ye Namangol koshinima shepungulo lyoshimaliwa sha Avid-SSC.Menindjela gwiinewe mu SSC pethimbo ndyoka Gideon Mulder okwa popi naye mEtine moka kutya ina tseya wo ombapila ndjoka, naishewe ineyi shaina.Omuntu ngoka a tseya sha kombinga yombapila ndjoka oye hahende gwaSSC, Rocco Kauta – ihe naye okwa popi kutya okwe yi pewa kOpolisi, ihe ina tseya kutya Opolisi oye yi kutha pevi.Inspekta Omukuluntu gwOpolisi Willie Bampton ngoka oye a kwatela omakonakono komeho mekano lyoshimaliwa shoomiliyuna dha SSC, ina gandja wo uuyelele wa sha kombinga yombapila ndjika.Okwa lombwele Ompangu ya Mengestrata mEtitano lya zi ko kutya okwa adha owala ombapila ndjoka mepeko lyOpolisi sho a tameke nomakonakono ngoka mu Septemba.Omunambelewa gwaSSC ngoka edhina lya gandja kutya oye ta vulu okuningwa naye omakwatathano ngele opu na epulo lya sha, okwa lombwele Opolisi kutya ke na ontseyo yasha kombinga yombapila ndjoka, Bampton ta popi.Kapu na we mpoka tayi adhika, meshina lyokomupiutera ya Josea ndjoka ya kwatwa ko kOpolisi inayi adhika mo, ta popi ishewe.Efatululo ndyoka a gandja kombinga yombapila ndjoka, Josea okwa popi owala kutya, omuntu gwontumba ngiika ngoka a hala okumuningila oshipotha shoka.Euvathanotsokumwe kombinga yepungulo lyoshimaliwa shika shoomiliyuna 30 olya li owala pokati ka SSC na Avid, ihe Namangol ka li mo, Mulder ta popi.”Kombinga yombapila puleni Opolisi kutya oye yi kiutha pevi,” Kauta ta popi.Okupitila mu Bampton, opolisi oyali ya pulwa mEtitano loya zi ko, ihe epulo olya kala inaloi yamukulwa sig onena ndjika.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News