Ombelewa yomukonaakoni woimbuluma yovakwanapangelo oya mona omanyenyeto ahapu ovapolifi

Basilius Dyakugha

Ombelewa yomukonakoni woimbuluma yovakwanapangelo oya ti oya mona oibofa i li 967 ya etwa i li ominge novapolifi, oibofa ei oya tulwa mo kovakwashiwana nokovanambelewa vopolifi.

Oibofa ei oya kwatela mo okuningila ovanailonga omahepeko noikumungu i na sha neyandjo loilonga, noikumungu yokuninga omakonakono oibofa, ngaashi omikanda da kana. Omupopiliko wombelewa yomukonakoni woimbuluma yovakwanapangelo Aurelia David okwa lombwela oThe Namibian kutya oibofa oyo kwa li ya tulilwa mo ovapolifi okwa li ya tulwa mo okudja mefiku 01 Januali 2023 fiyo omomafiku 16 mei 2024.

“Omukonakoni woimbuluma yovakwanapangelo oha mono omanyenyeto okudja kovanambelewa vopolifi ndee omanyenyeto aa ohaa kala unene kombinga yokutuminwa lonhele yoilonga shihe li pauyuki ile ovanhu inava hala okutambula ko eehelo etembu lonhele yoilonga ile shi na sha nomayelwayelwo,” David osho a ti ngaho. Okwa ti vali ovakwashiwana ohava tulile mo ovapolifi oibofa i na sha nomahepeko opalutu, omanga ovapolifi voovene hava tula mo oibofa i na sha noikumungu yoilonga yavo.

David okwa ti ombelewa yavo oya mona oibofa ihapu ya tulilwa mo odolongo yeyvulo nghalo. Okwa ti, fiyo opapa, omwaalu woibofa i fike po388 okwa li ya tulwa mo kovanadolongo ovo ve li mondolongo omo oshilongo ashishe. David okwa ti ohava mono oibofa ihapu ya yooloka okudja kodolongo yeyvula nghalo. “Ongombelewa yomukonakoni woimbuluma yovakwanapangelo, ohatu ningi omakonakono oibofa oyo ya etwa kushe.

Imwe otai monika i na ongushu, ashike ohatu yandje efimbo opo ehangano olo la lopotwa li nyamukule. Ashike nee, ovanhu vamwe ohava kufa efimbo lile opo va nyamukule, osho hashi eta opo omakonakono a kufe efimbo lile a pwe,” David osho a ti ngaho.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News