Ombelewa ya Kansola gwaKatana ya lundulukila kUukwangula

O MBELEWA ya Kansola gwOshikandjohogololo sha Katana, ngoka e li ngashiingeyi tate Klemens Kashuupulwa, ye oye wo e li Gavena yOshitopolwa sha Shana, omasiku ga zi ko oya lundulukila kUukwangula nOnangombetiikanda nomayakulo agehe ge na sha nOshikandjohogololo sha Katana oko taga adhika hoka, omusamane Kashuupulwa ta ti ngawo pethimbo ta popitha oshigwana shUukwangula mEsiku lyOmapendafule pUukwangula mpoka.

Kashuupulwa ta ti kutya ombelewa ye okwe yi lundulula okuza kOkatana nokuya kUukwangula molwashoka Uukwangula otau ka ninga ondoolopa onene methimbo twa thinda na oshoopala nee sho Ombelewa yOshikandjohogololo sha Katana kwa tokolwa yi kale mUukwangula. Gavena Kashuupulwa ta tseyitha kutya Omukuluntu gwOmbelewa ndjoka otaka ka kala tate Erastus Uutoni nedhina lya tseyika nawa Napoleon.(Erastus Uutoni nguka keshi nee Meya gwondoolopa ya Ngwediva, tate Erastus Uutoni, omadhina owala ga tsakanena).Tate Napoleon oye nee ta kala Omunambelewa Omukuluntu gwOmbelewa ndjika ya Kaansola gwOshikandjohogololo sha Katana.Ta yambidhidhwa wo kAanambelewa yalwe ye li kohi ye.Ombelewa ndjika otayi adhika meni lyOombelewa dhElelo lyOshilongo shUukwambi, mOshitopolwa shoka shOpoosa kwali noombelewa dhElongo pethimbo lyomusamane Isack Kasheeta, sho a li Omutaleli gwOosikola mOshitopolwa shoka.Gavena Kashuupulwa, ngoka Oombelewa dhe dhOpaugavena dhi li mOshakati, ota tseyithile nee aakalimo ayehe yomOshikandjohogololo she sha Katana, kutya kehe ngoka wu na sha sha pumbwa oonkundathana pamuthika gwopaShikandjohogololo, oko to yi kOmbelewa yawo kUukwangula hoka.Ngele ino mu adha ko ye mwene, molwashoka oku na iinakugwanithwa oyindji mwa kwatelwa naambyoka yUugavena, ano yUupangeli wOshitopolwa ashihe sha Shana, oto vulu lela okukundathana nomusamane Erastus Uutoni (Napoleon) note ku yakula mwaashoka wa endela.Gavena Kashuupulwa ta tseyitha kutya Omukuluntu gwOmbelewa ndjoka otaka ka kala tate Erastus Uutoni nedhina lya tseyika nawa Napoleon.(Erastus Uutoni nguka keshi nee Meya gwondoolopa ya Ngwediva, tate Erastus Uutoni, omadhina owala ga tsakanena). Tate Napoleon oye nee ta kala Omunambelewa Omukuluntu gwOmbelewa ndjika ya Kaansola gwOshikandjohogololo sha Katana.Ta yambidhidhwa wo kAanambelewa yalwe ye li kohi ye.Ombelewa ndjika otayi adhika meni lyOombelewa dhElelo lyOshilongo shUukwambi, mOshitopolwa shoka shOpoosa kwali noombelewa dhElongo pethimbo lyomusamane Isack Kasheeta, sho a li Omutaleli gwOosikola mOshitopolwa shoka.Gavena Kashuupulwa, ngoka Oombelewa dhe dhOpaugavena dhi li mOshakati, ota tseyithile nee aakalimo ayehe yomOshikandjohogololo she sha Katana, kutya kehe ngoka wu na sha sha pumbwa oonkundathana pamuthika gwopaShikandjohogololo, oko to yi kOmbelewa yawo kUukwangula hoka.Ngele ino mu adha ko ye mwene, molwashoka oku na iinakugwanithwa oyindji mwa kwatelwa naambyoka yUugavena, ano yUupangeli wOshitopolwa ashihe sha Shana, oto vulu lela okukundathana nomusamane Erastus Uutoni (Napoleon) note ku yakula mwaashoka wa endela.