Omayovi peegululo lyOsasiona yOmashina

A ANTU omayovi ya za koombinga adhihe moNamibia nopondje yoshilongo, mOlyomakya ngaka ga zi ko oya li ya gongala pOndangwa nokutala nkene Osasiona onene ompe yomashina tayi egululwa kOmupresidende Hifikepunye Pohamba nosho wo olutenda lwolwene okuza kOshomeya sigo opOndangwa mpoka.

Kakele kaashoka oshigwana oshindji inashi mona nale eshina lyokolutenda noshe yile wo okutala eshina ndika, unene tuu ndyoka lyokuhumbata aantu lyedhina Omugulugwombashe. Pohamba okwa li a ende pamwe nOmupresidende Omukulu, He yOshigwana, Omundohotola Sam Nujoma, Omupilima Nahas Angula, Ooministeli dhOkabinete, Aanambelewa yalwe Aakuluntu mEpangelo noshowo Aakalelipo yIilongo moNamibia.Oshituthi osha li wo sha kalwa kAanambelewa yOmahangano gaashi gOpapangelo, Oogavena yIitopolwa, Ookaansola yIitopolwa nOondoolopa, aaleli yOpamuthigululwakalo, aaleli yOpambepo taya kwatelwa komeho kOmumbiishofi gwOngeleka ya Elcin tatekulu Johannes Sindano nosho wo yalwe.Aantu mbaka yomayovi ogendji lela oya tameke okumbombolokela lwopOmwandigwakamanya mpoka, mpoka opo pu na Osasiona ndjika, ongula onene yOlyomakaya ngoka nokukala momukweyo omuleeleka molwashoka pokuma opwa li ashike okamweelo kamwe kokuya mo.Aantu oya li taya hadhwa kOpolisi oshoka mokuma omwa li omitse ominene dhoshilongo tadhi kwatelwa komeho kOmupresidende Hifikepunye Pohamba.Onkee omukweyo nenge omikweyo omileeleka odha kala dha laina mpoka sigo opethimbo Omupresidende nosheendo she ya thiki okuza kOniipa hoka ya londele Omugulugwombashe nokweetwa pOsasiona mpoka.Osheendo shOmupresidende Pohamba ngoka a li pamwe nOmukulukadhi gwe meme Penehupifo Pohamba, okuza kOniipa, osha li nee sha kwatela mo wo nOmupresidende omukulu Sam Nujoma, Omupilima Nahas Angula, Omukwaniilwa tatekulu Immanuel Kauluma Elifas nomukulukadhi gwe, Ooministeli dhEpangelo, Iilyo yOlaata yOpashigwana, Aanambelewa Aakuluntu mEpangelo nosho wo yalwe mwakwatelwa Omumbiishofi Sindano.Pokuthika pOsasiona mpoka, Omupresidende okwa adha a tegelelwa kengathithi enenenene, moka mwa kwatelwa aanenentu oyendji yomoNamibia nopondje yoshilongo.Mwa kwatelwa wo nOmuwiliki gwOngundu yOmpilameno omusamane Ben Ulenga, Aawiliki yOongundu dhOmpilameno dhilwe, Aanafaalama aakuluntu moNamibia yOoDirk Mudge nOokakukutu kIimaliwa kOoHarold Pukewitz nosho tuu.Sho ngaa ngeno Oshituthegululo shi li pokutameka, Omupresidende Pohamba naangoka omukulu Sam Nujoma, oya dhimbulula kutya opu na natango omukweyo omuleeleka gwaanashituthi ye li pondje, inaya thika natango mOsasiona noya lombwele Omuwiliki gwoshituthi shika Amushanga Omukuluntu gwuumnisteli wIilonga Shihaleni Ndjaba nOpolisi ya endelelithe omukweyo ngoka.Opolisi sho ya yululula ko ketyeko lyayo, oshigwana osha mbombolokele mOsasiona moka nOpolisi kumwe nOosekuriti oya kala lela ye na uudhigu woku shi kondolola.Mokwiiyundagula nokwiithiminika moka, oyendji yomaakwashigongi mbaka oya ehamekelwa mo.Yamwe oya falwa koshipangelo nokuli nziya ko Ambulaansa ndjoka ya li mpoka.Oshituthi osha tameke nee negalikano ndjoka lya ningwa kOmumbiishofi Johannes Sindano gwOshikandjongeleka sha Elcin shUuzilo.Gavena yOshitopolwa sha Shana Klemens Kashuupulwa ta taamba ayehe koshituthi shika.Taku landula Omukwaniilwa gwOndonga ngoka wo a taamba Omupresidende noshigwana ashihe mOndonga ya Nangolo nokutseyitha kutya Osasiona ndjika yOmashina pOndangwa otayi lukilwa Omukwaniilwa Nehale lyaMpingana.Taku landula Oministeli Onkuluntu ya Namibia tate Nahas Angula ngoka a eta po ondjokonona yomukunda gwa Ndangwa.Oministeli yIilonga, Omaenditho nOmakwatakanithokumwe tate Joel Kaapanda okwa eta po wo oshipopiwa she tashi popi kombinga yiilonga yolutenda.Okwa landula nee he yoshigwana Omupresidende omukulu Omundohotola Sam Nujoma ngoka a lombwele oshigwana noku shi tsa omukumo shi longe nuudhiginini nokwiiyambula po pamona.Taku landula nee Omupresidende gwOshilongo Hifikepunye Pohamba ngoka a tula miilonga olutenda nduka okuza kOshomeya sigo omOndangwa noku egulula nee pambelewa Osasiona ndjika pOndangwa mpoka ya Nehale lya Mpingana.Pokuma mpoka opwa li wo Oongundu dhOmaudhano gopamithigululwakalo dhi ili nodhi ili, ngashi unene dhomoNooli naandhoka dha zi kIitopolwa yilwe muushimba moka, ngashi ndjoka ya zi koHardab kOmaheke nosho tuu.Ndilimani ya Namibia oyo ya kala tayi nyenyepeke oshituthi shika niihimbo tayi tanga noonkondo Omupresidende Hifikepunye Pohamba nOmundohotola Sam Nujoma.Okuza mpoka Aanashituthi oya katyapula nee oshituthi shoka.Oongombe dhi vulithe pomilongombali odha li dha tselelwa oshituthi shika.Pohamba okwa li a ende pamwe nOmupresidende Omukulu, He yOshigwana, Omundohotola Sam Nujoma, Omupilima Nahas Angula, Ooministeli dhOkabinete, Aanambelewa yalwe Aakuluntu mEpangelo noshowo Aakalelipo yIilongo moNamibia. Oshituthi osha li wo sha kalwa kAanambelewa yOmahangano gaashi gOpapangelo, Oogavena yIitopolwa, Ookaansola yIitopolwa nOondoolopa, aaleli yOpamuthigululwakalo, aaleli yOpambepo taya kwatelwa komeho kOmumbiishofi gwOngeleka ya Elcin tatekulu Johannes Sindano nosho wo yalwe.Aantu mbaka yomayovi ogendji lela oya tameke okumbombolokela lwopOmwandigwakamanya mpoka, mpoka opo pu na Osasiona ndjika, ongula onene yOlyomakaya ngoka nokukala momukweyo omuleeleka molwashoka pokuma opwa li ashike okamweelo kamwe kokuya mo.Aantu oya li taya hadhwa kOpolisi oshoka mokuma omwa li omitse ominene dhoshilongo tadhi kwatelwa komeho kOmupresidende Hifikepunye Pohamba.Onkee omukweyo nenge omikweyo omileeleka odha kala dha laina mpoka sigo opethimbo Omupresidende nosheendo she ya thiki okuza kOniipa hoka ya londele Omugulugwombashe nokweetwa pOsasiona mpoka.Osheendo shOmupresidende Pohamba ngoka a li pamwe nOmukulukadhi gwe meme Penehupifo Pohamba, okuza kOniipa, osha li nee sha kwatela mo wo nOmupresidende omukulu Sam Nujoma, Omupilima Nahas Angula, Omukwaniilwa tatekulu Immanuel Kauluma Elifas nomukulukadhi gwe, Ooministeli dhEpangelo, Iilyo yOlaata yOpashigwana, Aanambelewa Aakuluntu mEpangelo nosho wo yalwe mwakwatelwa Omumbiishofi Sindano.Pokuthika pOsasiona mpoka, Omupresidende okwa adha a tegelelwa kengathithi enenenene, moka mwa kwatelwa aanenentu oyendji yomoNamibia nopondje yoshilongo.Mwa kwatelwa wo nOmuwiliki gwOngundu yOmpilameno omusamane Ben Ulenga, Aawiliki yOongundu dhOmpilameno dhilwe, Aanafaalama aakuluntu moNamibia yOoDirk Mudge nOokakukutu kIimaliwa kOoHarold Pukewitz nosho tuu.Sho ngaa ngeno Oshituthegululo shi li pokutameka, Omupresidende Pohamba naangoka omukulu Sam Nujoma, oya dhimbulula kutya opu na natango omukweyo omuleeleka gwaanashituthi ye li pondje, inaya thika natango mOsasiona noya lombwele Omuwiliki gwoshituthi shika Amushanga Omukuluntu gwuumnisteli wIilonga Shihaleni Ndjaba nOpolisi ya endelelithe omukweyo ngoka.Opolisi sho ya yululula ko ketyeko lyayo, oshigwana osha mbombolokele mOsasiona moka nOpolisi kumwe nOosekuriti oya kala lela ye na uudhigu woku shi kondolola.Mokwiiyundagula nokwiithiminika moka, oyendji yomaakwashigongi mbaka oya ehamekelwa mo.Yamwe oya falwa koshipangelo nokuli nziya ko Ambulaansa ndjoka ya li mpoka.Oshituthi osha tameke nee negalikano ndjoka lya ningwa kOmumbiishofi Johannes Sindano gwOshikandjongeleka sha Elcin shUuzilo.Gavena yOshitopolwa sha Shana Klemens Kashuupulwa ta taamba ayehe koshituthi shika.Taku landula Omukwaniilwa gwOndonga ngoka wo a taamba Omupresidende noshigwana ashihe mOndonga ya Nangolo nokutseyitha kutya Osasiona ndjika yOmashina pOndangwa otayi lukilwa Omukwaniilwa Nehale lyaMpingana.Taku landula Oministeli Onkuluntu ya Namibia tate Nahas Angula ngoka a eta po ondjokonona yomukunda gwa Ndangwa.Oministeli yIilonga, Omaenditho nOmakwatakanithokumwe tate Joel Kaapanda okwa eta po wo oshipopiwa she tashi popi kombinga yiilonga yolutenda.Okwa landula nee he yoshigwana Omupresidende omukulu Omundohotola Sam Nujoma ngoka a lombwele oshigwana noku shi tsa omukumo shi longe nuudhiginini nokwiiyambula po pamona.Taku landula nee Omupresidende gwOshilongo Hifikepunye Pohamba ngoka a tula miilonga olutenda nduka okuza kOshomeya sigo omOndangwa noku egulula nee pambelewa Osasiona ndjika pOndangwa mpoka ya Nehale lya Mpingana.Pokuma mpoka opwa li wo Oongundu dhOmaudhano gopamithigululwakalo dhi ili nodhi ili, ngashi unene dhomoNooli naandhoka dha zi kIitopolwa yilwe muushimba moka, ngashi ndjoka ya zi koHardab kOmaheke nosho tuu.Ndilimani ya Namibia oyo ya kala tayi nyenyepeke oshituthi shika niihimbo tayi tanga noonkondo Omupresidende Hifikepunye Pohamba nOmundohotola Sam Nujoma.Okuza mpoka Aanashituthi oya katyapula nee oshituthi shoka.Oongombe dhi vulithe pomilongombali odha li dha tselelwa oshituthi shika.