Omayakulo gombaanga yuunamapya

KONYALA omikuli dhi li lwo pomayovi 2 000 miimpungu itatu moka ombaanga yuunamapya ya Namibia ya gandja odhi li konima mokufutwa kwadho noodola oomiliona 40 pehulilo lyembo lyokomumvo 2008.

Pamushangwahokololo gwomumvo 2008 ngoka gwa pelwe oparliamende omathimbo ga piti. Omayakulo gepangelo gokukwathela aalongimapya ya lande oombakumbaku oga li konima noomiliona 28. Shika osha ya pombanda nooperesenda 40 okuyeleka noongunga dhomumvo 2007.Oskema ndjika yokulanda oombakumbaku oya hulithwa ngashingeyi omolwa okwaafuta kwa a indili yomikuli ndhoka.Omushangwahokololo ogwa ti onkalo yoskema ndjoka ota yi ulike kutya ita yi longo ngaashi sha dhiladhilwa. Oskema ndjika oya tamekelwe omumvo 2000 sho Uuministeli wuunamapya nuuniimuna wa li wu uvathana nombaanga yuunamapya opo ndjika yi wilike egandjo lyomikuli dhomambakumbaku pehala lya holomende. Pambaanga yuunamapya aayakulwa omathele 227 oya nyengwa okushunitha omikuli dhawo oshoka oonakuhinga omambakumbaku oyo ya piyaganeke iilonga na ishewe oha pa piti ethimbo ele ngele omambakumbaku oga ka pangelwa noshowo iipumbiwa yiitenda yomambakumbaku ka ya li ta yi monika nuupu na ishewe oyi na ondilo. Ombaanga oya gandja ombedhi kombinga yoongunga sha ziilile metendo lyuunene womapya noshowo sho aanafaalama oyendji ya li yaana iimaliwa okulongitha noshowo omambakumbaku gaali mondjila okulongithwa miitopolwa mbyoka.Omushangwa hokololo ogwa ti aanafaalama yopaumwene yeli 419 oya manitha omadheulo no ya li ya pewa oombakumbaku moskema ndjoka moma2000.
Oshimpungu oshikwawo shi na uudhigu noku galulako omikuli dhasho ooshoka sho mikuli dhiilonga yuunamapya shika ohashi gandja omikuli dhiilonga ngaashi okulanda oombuto,, okulanda iimuna noshowo okwopaleka omahala guunamapya. Pehulilo lya Maalitsa aayakulwa yeli 1572 oya li konima mokufuta omayalulo gawo noodola oomiliona 10,8. Omanga oongunga koskema ndjika adhihe odha thikama poodola oomiliona 45,6. Oshimpungu oshikwawo shoka shi li konima nomafutilo ooshoka shokulanda iimuna yokunana iipululo, shika oshi na iimaliwa yoodola omayovi 408 123 inaa yi futwa natango kaaindili yeli 281 mboka itaa ya vulu okufuta omikuli ndhoka .Moshimpungu shika ombaanga yuunamapya oha yi gandja iimaliwa kaaheheli opo ya lande iinamwenyo yoku longitha noshowo ya kande iipululo opo ya vule okulonga omapya nawa niikulya yagwana..Sho a popi kombinga yiilonga yombaanga omukuluntu gwombaanga ndjika, Leonard Iipumbu okwa ti ombaanga ngashingeyi ohayi taamba iimaliwa ta yi galuka kwaamboka yena omikuli yoodola oomiliona 14 komwedhi kehe, naashika otashi etitha oonkondo okushitalela monkalo yomahupilo ga nyaika.Iipumbu okwa ti ombaanga oya ulike elongo ewanawa konima sho ya lundulula omutungilo gwayo sho ya zimine omikuli dhi 348 dhongushu yoodola oomiliona 82,3. Omikuli odhindji ndhika odha ziminwa okulanda iinamwenyo konyala oopersenda 29 dhiimaliwa mbyoka. Omikuli dhokulongitha odha yi pombanda nooperesenda 2 000 okuyeleka nomumvo 2007 molwaashoka opwa ziminwa omikuli dhiikunino ta yi tekelwa kOmulonga gwaRange.