Omawendo gopaukumwe omape mOshakati: Shimbulu ta ti

M EYA gwondoolopa ya Shakati me Katrina Shimbulu okwa tseyitha kutya mOshakati otamu ka kala ashike omawendo gamwe, ngoka taga ka kala komukunda Othingo muuninginino wOshakati.

Pethimbo ndika mOshakati omu na omawendo ge li pane, patano lwaampoka. Omu na ga Holomende noshowo gOngeleka ya Elcin, gOngeleka ya Katoolika noshowo ngoka gOongeleka dhilwe, ngashi ya Baptist, Pentekost nosho tuu.Omu na wo ngoka omakulukulu, ngoka konima yemanguluko, inaga longithwa we, ge li konima y0mahooli ga tate Mbulu, ano muuningininombugantu womahooli ga tate Mbulu nenge muuningininombangalantu womahooli ga Nyungu.Momawendo ngaka gokonima ya tate Mbulu omo mwa fumvikwa omunangeshefa a tseyika nawa kwali tatekulu Martin Nambili, mwene gwehala kwali mpoka pu na Pelicana pethimbo ndika.Omo wo mwa fumvikwa aamati ye mboka ya sile mOshiponga shohauto lwopoPelicana yawo mpoka petameko lela lyomimvo dhomilongoheyali lwaampoka.Ngashiingeyi nokuli, pehala mpoka aakalimo yomOshakati oya tameka nale okutunga po omagumbo gawo.Oshinima shomawendo ogendjigendji ngeyi mondoolopa yimwe, meme Shimbulu ota ti kutya, inashi ikoha nawa nElelo lya Shakati olye shi dhilaadhila muule nokuninga etokolo kutya mOshakati, ongondoolopa, namu kale ashike omawendo gamwe, ano mu kale ashike ehala limwe lyomawendo gaakalimo ayehe yomOshakati, tali silwa oshimpwiyu nokukondololwa kElelo lya Shakati lyolyene.Pethimbo ndika, Oongeleka oonene ndhoka, dha tumbulwa metetekelo, kehe yimwe otayi sile ehala lyomawendo galyo oshimpwiyu noku li kondolola nonando li li mehala lya Muni.Onkalo ombwinayi oyomawendo ngoka haku tiwa kutya oga Holomende, ngoka ge li monkalo ombwinayi noonkondo.Mehala lyomawendo ngaka ga Holomende omo wo mu na eendo ndjoka enene lya fumvikilwe oonakudhipagwa miita yesiku lyotango lya Apilili mo 1989 komatanga gomukolonyeke.Oyendji yomuyo iilyo yEtanga lyOkakulumbwati koSwapo, Plan.Omwa fumvikilwe aantu oyendji lela yomathele gontumba.Ya fumvikilwe mo omalutu gowala nokuli.Efumviko lya li lya nyanyaleka oyendji mboka ya li po nokumona sho oonakulwa mbaka taya ekelwa mo ashike ngawo okuza mOmatraka gOmakasipeli.Eendo ndjoka, pokati mpoka, olya tulwa emanya komunangeshefa a tseyika nawa Omundohotola Frans Aupa Iindongo.Ashike okuza mpoka ehala ndjoka inali silwa we nande oshimpwiyu noli li monkalo ya nyaika noyuuvitha nayi noonkondo.Oshi li nee ngeyi kutya mboka yOongeleka oonene, ngashi Elcin nOkatoolika, oyuuvite kutya, ngele nani Muni, ota toto po ehala limwe lyomawendo moka tamu kala hamu fumvikwa aakalimo ayehe, oshi li nawa, ashike nee Muni na kale ta sile nawa ehala ndjoka oshimpwiyu, ngashi yo (yOongeleka) ya kala taya sile omawendo gawo nawa oshimpwiyu.Taya ti kutya Muni gwa Shakati okwa ndopa kwali okuwapaleka nokusila oshimpwiyu omawendo ge, ngoka hakutiwa kutya oga Holomende na inaka ndopa nee okutonatela ngoka omape.Omu na ga Holomende noshowo gOngeleka ya Elcin, gOngeleka ya Katoolika noshowo ngoka gOongeleka dhilwe, ngashi ya Baptist, Pentekost nosho tuu.Omu na wo ngoka omakulukulu, ngoka konima yemanguluko, inaga longithwa we, ge li konima y0mahooli ga tate Mbulu, ano muuningininombugantu womahooli ga tate Mbulu nenge muuningininombangalantu womahooli ga Nyungu.Momawendo ngaka gokonima ya tate Mbulu omo mwa fumvikwa omunangeshefa a tseyika nawa kwali tatekulu Martin Nambili, mwene gwehala kwali mpoka pu na Pelicana pethimbo ndika.Omo wo mwa fumvikwa aamati ye mboka ya sile mOshiponga shohauto lwopoPelicana yawo mpoka petameko lela lyomimvo dhomilongoheyali lwaampoka.Ngashiingeyi nokuli, pehala mpoka aakalimo yomOshakati oya tameka nale okutunga po omagumbo gawo.Oshinima shomawendo ogendjigendji ngeyi mondoolopa yimwe, meme Shimbulu ota ti kutya, inashi ikoha nawa nElelo lya Shakati olye shi dhilaadhila muule nokuninga etokolo kutya mOshakati, ongondoolopa, namu kale ashike omawendo gamwe, ano mu kale ashike ehala limwe lyomawendo gaakalimo ayehe yomOshakati, tali silwa oshimpwiyu nokukondololwa kElelo lya Shakati lyolyene.Pethimbo ndika, Oongeleka oonene ndhoka, dha tumbulwa metetekelo, kehe yimwe otayi sile ehala lyomawendo galyo oshimpwiyu noku li kondolola nonando li li mehala lya Muni.Onkalo ombwinayi oyomawendo ngoka haku tiwa kutya oga Holomende, ngoka ge li monkalo ombwinayi noonkondo.Mehala lyomawendo ngaka ga Holomende omo wo mu na eendo ndjoka enene lya fumvikilwe oonakudhipagwa miita yesiku lyotango lya Apilili mo 1989 komatanga gomukolonyeke.Oyendji yomuyo iilyo yEtanga lyOkakulumbwati koSwapo, Plan.Omwa fumvikilwe aantu oyendji lela yomathele gontumba.Ya fumvikilwe mo omalutu gowala nokuli.Efumviko lya li lya nyanyaleka oyendji mboka ya li po nokumona sho oonakulwa mbaka taya ekelwa mo ashike ngawo okuza mOmatraka gOmakasipeli.Eendo ndjoka, pokati mpoka, olya tulwa emanya komunangeshefa a tseyika nawa Omundohotola Frans Aupa Iindongo.Ashike okuza mpoka ehala ndjoka inali silwa we nande oshimpwiyu noli li monkalo ya nyaika noyuuvitha nayi noonkondo.Oshi li nee ngeyi kutya mboka yOongeleka oonene, ngashi Elcin nOkatoolika, oyuuvite kutya, ngele nani Muni, ota toto po ehala limwe lyomawendo moka tamu kala hamu fumvikwa aakalimo ayehe, oshi li nawa, ashike nee Muni na kale ta sile nawa ehala ndjoka oshimpwiyu, ngashi yo (yOongeleka) ya kala taya sile omawendo gawo nawa oshimpwiyu.Taya ti kutya Muni gwa Shakati okwa ndopa kwali okuwapaleka nokusila oshimpwiyu omawendo ge, ngoka hakutiwa kutya oga Holomende na inaka ndopa nee okutonatela ngoka omape.