Omauvaneko goongundu kombinga yomiyonena negameno

OOMVULA ntano dha piti Namibia okwa mono elunduluko miilonga yiimbuluma. Elunduluko ndika olye ya sho omiyonena dha tameke okuningwa koongundu dha longekidhwa okuyeleka nomiyonena ndhoka dha li hadhi longwa koohandimwe.

Ngashingeyi omiyonena dhaaniilonga yomoombelewa odha londa pombanda oshowo iilonga yokulanditha iingangamithi, omanga edhipago, ekwatonkonga, eyugo kwa homatiwa ayihe mbika oya tsikila okukala oshiponga kaantu oohandimwe.Ethimbo ta li talululwa olyo ndyoka aakiintu ya li muumbanda sho pwa li pwa adhika iitopolwa yomalutu gaakiintu ya umbilwa pomahala gi ili no gi ili momudhingoloko gwaVenduka pokati ka Septemba 2005 na July 2007. Mbika oya li iilonga yomuntu gumwe awike ngoka a ka tseyika nedhina omudhipagi gwa B1, nguka okwa tegelelwa okukwatwa nenge okumonikwa kutya oye olye.Oku monika kwiintimbu huka, ekano lyiimaliwa yoomiliona odhindji ngaashi mbyoka ya kanithwa kOffshore Development Company, Social Security nosho tuu. Oodola oomiliona 100 dha ODC odha kana, oodola oomiliona 30 odha kanithwa kuAvid.Epangelo olya fa kaali wete we kutya ota li mono we tuu iimaliwa mbika ya pungulwa kaapunguli ta ya endelele.Pethimbo omuperesidende Hifikepunje Pohamba a yi koshipundi okwa li a ningi euvaneko lyakola kutya oshilongo ota shi ekelehi eiuvo lyasho lyokomwenyo. Moshipopiwa she Pohamba okwa tile ota ka kondjitha iilonga yuulingilingi miilonga yepangelo pwaana omaongaongo.Oomvula ntano komeho ngashingeyi iilonga yomuyonena oya tana, ta yi piyaganeke nokuli oshilongo naakalimo yasho noshowo okutilitha mboka ya hala okuya ya pungule muka.Ongundu yoSwapo ota yi ngeyi kombinga yomiyonena momanifesto yayo, ota yi uvaneke okutsikila okutunga oshilongo shakankamekelwa kompango nookoompangu dhiithikamena.Oya uvaneke tayi koleke aakalekipo yompango , paku ya longa nawa ya kale aaneyithano miilonga yawo.Swapo okwa hala woo okulongitha oomvula ntano ta dhi landula okuiindjipaleka oompangu, itaasi yopolisi, noshowo oondholongo opo uuyuki wu pewe kehe gumwe.Oongundu dhompilameno ota dhi ti ngeyi kombinga yomiyonena oRDP ota yi ti ota yi ka tula po omageelo ga yaga kegonga kwaamboka ta ya taaguluka ompango. Unene taa ningi omiyonena dhinyanyalitha.Ota yi ka kwatelamo aakwashigwana miilonga yokukondjitha omiyonena, noshowo okupa aapolisi iiyakulitho oyindji opo ya vule okulonga iilonga yawo nawa noneendelelo.DTA kombinga ye ota ti okwa uvithwa nayi komuthika gwegandjo lyuuyuki na ota ka kambadhala a kandulepo omukundu nguka nokulundulula egandjo lyuuyuki okuli ninga ta li longo nawa nota li adhika ku kehe gumwe.DTA ota yi ka longitha oshimaliwa oshindji okuhogolola aalumentu naakiintu mboka ta ya kalongwa uupolisi mboka ye na eitulemo okulongela oshigwana meyakulo. DTA ota yi ti ota yi ka hwepopeka oondjambi dhaapolisi opo dhi thike piilonga mbyoka yo haya longo nokugwanitha po monkalamwenyo noshowo okushitalela moshiponga shoka ya taalela esiku kehe.OCOD kombinga yawo ota yi ti ngele oya pewa oonkondo okukwatela komeho oshilongo shika, yo ota yi ka ninga okulongela epangelo oshinima oshiwanawa, mpoka kehe gumwe ta longo neitulemo nokwaayuga aakwashigwana ngaashi osho tashi ningwa ngashingeyi mepangelo lyoSwapo.COD okwa ti ota ka yelutha egeelo lyaangoka a kwatwa ta longo uulingilingi opo shika shikale ta shi tilitha mboka taya dhiladhila okuninga iilonga yatya ngaaka. Oongundu adhihe ndhika inadhi popya kutya ota dhi ka futa ngiini omalunduluko ngaka.UDF ota ti ngele okwa yi koshipundi otapa kala okupatolola kwomahala ta ku ningwa kaapolisi eyuvi limwe mboka opo ya dheulwa, otaka eta po woo ompango kutya hamugundjuka gwoomvula 18 ta kala momapandaanda uusiku.Osho aapolisi oye na okukala mpoka pena aantu ndele haku kuutumba moombelewa.Oya uvaneke woo kutya oondjembo ita dhi ka monika we nuupu kohi yepangelo lyo UDF.Ongundu yo APP oya ti ngele oya yi koshipundi ota yi eta po elunduluko miilonga yopolisi noyegameno okusoshimpwiyu kutya ewiliko lyomatanga oli na aantu ya za moshilongo ashihe.Omanga Nudo kombinga ye ota ti Swapo okwa kondjitha uulingilingi nohenda onkene yo ota yi ka tunga ompangu moshikandjohogololo kehe shomwambyoka 107.