Omaulikilo pOdangwa ga etelela oshindji

Omaulikilo pOdangwa ga etelela oshindji

O MAULIKILO gOpaipindi ga Ndangwa ngoka ga li ko pehulilo lya Apilili nuumvo ga etelela iinima oyindji nuupyakadhi mElelo lya Ndangwa, mOkomitiye ndjoka ya li tayi longekidha Omaulikilo ngaka noshowo mAanangeshefa yamwe mboka ya kutha ombinga meyambidhidho lyOmaulikilo ngaka.

Gumwe gwomaalongekidhi yOmaulikilo ngaka ta lombwele The Namibian kutya Omaulikilo oga enda nawa ashike omwa ningwa omaulingilingi ogendji kAakuluntu yamwe mboka ya li taya wilike Omaulikilo ngaka. Otaku tiwa kutya omanga Omaulikilo ngaka inaga ningwa okwa li kwa longekidhwa Osumina onene ya ningilwa mOsikola ya Heroes Primary, moka aniwa mwa zi iimaliwa oyindji lela yokulongekidha Omaulikilo ngaka, ndele inayi ka longithwa nawa.Omalongekidho oga li ngeno nawa, shaashi nokuli aanangeshefa yamwe aniwa oya futu oshimaliwa pamukalo gwOosheya.Sha fa kehe gumwe ngoka a kuthile ombinga a futu OoN$1500.Ehangano lya Coca Cola olya gandja Ootenda mbali oonene nOofriza, ano ookila dhokutalaleka iikunuwa dhi li omilongondatu (30) noshowo Okamobikana, ano okatembandoroma heyaka ha ka kala iikunuwa noku yi talaleka.Mbika ayihe oya Coca Cola ye mwene noya shuna sho Omaulikilo ga pu.Ashike nee Coca Cola oye tuu ngoka okwa gandja omagano goN$19,000 kOmaulikilo ngaka nOkapalakata hoka kwa shangwa Ondangwa Trade Fair.Sho nee pwa kala iinima ayihe mbika noshimaliwa shokulongekidha Omaulikilo ngaka, Okomitiye ndjoka ya ulikwa po yi ungaunge nomalongekidho gOmaulikilo ngaka oya yi miipundi nokutameka oonkundathana dhomalongekidho gOmaulikilo ngaka.Molwashoka momaulikilo moka ohamu kala oongundu dhomaudhano goondaanisa, moshigongi shomalongekidho omwa etwa aniwa edhilaadhilo lyokukutha Aadhani ya simana, the Dog na Sunny Boy.The Dog aniwa ngeno ota futwa N$19 000 moominute 45 ye Sunny Boy ta futwa N$17 000 moominute tuu ndhoka.Ashike aniwa oshigongi inashi taamba ko aahiki mbaka nosha gandja elombwelo koshilyo shimwe shomOkomitiye ndjoka, tate Sigo Amunyela, a ka konge aahiki yalwe.Amunyela okwa ka konga aniwa Boetie, Dolo Six na 065.Botie okwa ti ye ota futwa N$5 000, omanga Dolo Six na 065, kehe gumwe a pula a futwe N$1 200 (N$2 400 kumwe).Okomitiye yomalongekidho aniwa oya tokola wo kutya olusheno ndoka talu ka longithwa mehala lyomaulikilo moka nali tulwe mo kEhangano lya Amwele Electric, ndjoka lya itaala kutya oshi li nawa otali lu tula mo kOoN$29 000 ndele niikwaniipangitho mbyoka tayi tulithwa mo nayo olusheno, otayi ningi yOsenda yOmaulikilo ga Ndangwa ndjoka.Otaku popiwa nee kwa landwa wo Oopaala ndhoka dha longithwa mOmaulikilo moka, okuninga uutala nosho tuu, ndhoka dhi na okukala eliko lyOmaulikilo gOpaipindi gokomumvo ga Ndangwa.Onzo otayi ti kutya omanga kuliwe metifa lyomaulikilo ngaka, ohaluka iilyo yOkomitiye yi wete The Dog naye ta dhana momaulikilo moka pamwe nOoBoetie, Dolo Six nOo065, nonando ye, The Dog, ka li a taambiwa ko kOkomitiyelongekidhi.Oshinima shimwe ishewe okwa kapapaliwa wo Omundoishi gwedhina Frans, oye ta tula mo omalusheno ngoka ga li ga pewa Amwele Electric, na Frans nguno aniwa okwe ga tula mo kOoN$33 850, omanga Amwele a li e na oku ga tula mo kOoN$29 000 ashike, yo wo iikwaniipangitho tayi ningi yOsenda yOmaulikilo.Frans, iikwaniipangitho oye mwene nokwa shuna wo nayo aniwa sho Omaulikilo ga pu.Shi na sha nEshangitho lyOmaulikilo ngaka, osha li aniwa shi na okukala ngeyi kutya, Elelo lyaNdangwa oli na mo Oosheya Operesenda 55%, omanga Ooperesenda 45% dhi na okukala dhaakuthimbinga moka yalwe yi ili noyi ili.Ashike konima yomakonaakono, osha ka monika mo aniwa kutya mpoka pwa shangwa Oosheya ooperesenda ndhoka 55% dhElelo lyOndangwa, opwa shangwa edhina lya Meya gwOndoolopa ya Ndangwa, meme Priskila Nashandi, ngoka wo naye a li oshilyo shOkomitiyelongekidhi.Kepulo, kutya, The Dog, ye a li a kuthwa mo kOkomitiye, okwa ka dhana ngiini, tate Amunyela okwa ti kutya sho a kundana, uuthemba mboka the Dog okwe wu pewa aniwa ku Meya gwaNdangwa na oye wo e mu futu aniwa OoN$30,600, okuza miimaliwa yOmaulikilo gIipindi.The Dog aniwa okwa li a pewa ehala pontumba pongandi mpoka a li a lala nokwa pulilwe a fute N$400, ashike aniwa pakasilepa hoka ka monika po, hoka a futilwa kugumwe gwomOkomitiye tuu ndjoka, oka shangwa a futa OoN$1400.Pa tate Amunyela, Boetie, Dolo Six na 065, sigo oompaka inaya futwa sha kOkomitiye yOmalongekidho gOmaulikilo, nonando ya dhana ngashi ya li ya pulwa, noye li nee taya pula ya futwe iimaliwa yawo ngashi sha li sha uvathanwa.Ngashiingeyi opu newe oombata mpoka, aniwa, molwashoka iimaliwa oya futwa po the Dog.Amunyela ota ti wo kutya oopaala ndhiyaka dha longithilwe mOsenda yOmaulikilo, dha landwa niimaliwa yOmaulikilo, odha kuthwa po aniwa ku Meya gwa Ndangwa meme Nashandi nokwe dhi fala aniwa kegumbo lyawo.The Namibian okwa lombwelwa kutya aniwa iinima ayihe mbika oya lopotwa kOkomisi ndjoka tayi ungaunga nuulingilingi moshilongo notayi konaakona oshinima shika.Pethimbo oshinyolwa shika tashi yi komanyanyangidho inatu vula okumona meme Nashandi ashike otatu ke mu mona a gandje uuyelele kombinga ye.Otaku tiwa kutya omanga Omaulikilo ngaka inaga ningwa okwa li kwa longekidhwa Osumina onene ya ningilwa mOsikola ya Heroes Primary, moka aniwa mwa zi iimaliwa oyindji lela yokulongekidha Omaulikilo ngaka, ndele inayi ka longithwa nawa.Omalongekidho oga li ngeno nawa, shaashi nokuli aanangeshefa yamwe aniwa oya futu oshimaliwa pamukalo gwOosheya.Sha fa kehe gumwe ngoka a kuthile ombinga a futu OoN$1500.Ehangano lya Coca Cola olya gandja Ootenda mbali oonene nOofriza, ano ookila dhokutalaleka iikunuwa dhi li omilongondatu (30) noshowo Okamobikana, ano okatembandoroma heyaka ha ka kala iikunuwa noku yi talaleka.Mbika ayihe oya Coca Cola ye mwene noya shuna sho Omaulikilo ga pu.Ashike nee Coca Cola oye tuu ngoka okwa gandja omagano goN$19,000 kOmaulikilo ngaka nOkapalakata hoka kwa shangwa Ondangwa Trade Fair.Sho nee pwa kala iinima ayihe mbika noshimaliwa shokulongekidha Omaulikilo ngaka, Okomitiye ndjoka ya ulikwa po yi ungaunge nomalongekidho gOmaulikilo ngaka oya yi miipundi nokutameka oonkundathana dhomalongekidho gOmaulikilo ngaka.Molwashoka momaulikilo moka ohamu kala oongundu dhomaudhano goondaanisa, moshigongi shomalongekidho omwa etwa aniwa edhilaadhilo lyokukutha Aadhani ya simana, the Dog na Sunny Boy.The Dog aniwa ngeno ota futwa N$19 000 moominute 45 ye Sunny Boy ta futwa N$17 000 moominute tuu ndhoka.Ashike aniwa oshigongi inashi taamba ko aahiki mbaka nosha gandja elombwelo koshilyo shimwe shomOkomitiye ndjoka, tate Sigo Amunyela, a ka konge aahiki yalwe.Amunyela okwa ka konga aniwa Boetie, Dolo Six na 065.Botie okwa ti ye ota futwa N$5 000, omanga Dolo Six na 065, kehe gumwe a pula a futwe N$1 200 (N$2 400 kumwe).Okomitiye yomalongekidho aniwa oya tokola wo kutya olusheno ndoka talu ka longithwa mehala lyomaulikilo moka nali tulwe mo kEhangano lya Amwele Electric, ndjoka lya itaala kutya oshi li nawa otali lu tula mo kOoN$29 000 ndele niikwaniipangitho mbyoka tayi tulithwa mo nayo olusheno, otayi ningi yOsenda yOmaulikilo ga Ndangwa ndjoka.Otaku popiwa nee kwa landwa wo Oopaala ndhoka dha longithwa mOmaulikilo moka, okuninga uutala nosho tuu, ndhoka dhi na okukala eliko lyOmaulikilo gOpaipindi gokomumvo ga Ndangwa.Onzo otayi ti kutya omanga kuliwe metifa lyomaulikilo ngaka, ohaluka iilyo yOkomitiye yi wete The Dog naye ta dhana momaulikilo moka pamwe nOoBoetie, Dolo Six nOo065, nonando ye, The Dog, ka li a taambiwa ko kOkomitiyelongekidhi.Oshinima shimwe ishewe okwa kapapaliwa wo Omundoishi gwedhina Frans, oye ta tula mo omalusheno ngoka ga li ga pewa Amwele Electric, na Frans nguno aniwa okwe ga tula mo kOoN$33 850, omanga Amwele a li e na oku ga tula mo kOoN$29 000 ashike, yo wo iikwaniipangitho tayi ningi yOsenda yOmaulikilo.Frans, iikwaniipangitho oye mwene nokwa shuna wo nayo aniwa sho Omaulikilo ga pu.Shi na sha nEshangitho lyOmaulikilo ngaka, osha li aniwa shi na okukala ngeyi kutya, Elelo lyaNdangwa oli na mo Oosheya Operesenda 55%, omanga Ooperesenda 45% dhi na okukala dhaakuthimbinga moka yalwe yi ili noyi ili.Ashike konima yomakonaakono, osha ka monika mo aniwa kutya mpoka pwa shangwa Oosheya ooperesenda ndhoka 55% dhElelo lyOndangwa, opwa shangwa edhina lya Meya gw
Ondoolopa ya Ndangwa, meme Priskila Nashandi, ngoka wo naye a li oshilyo shOkomitiyelongekidhi. Kepulo, kutya, The Dog, ye a li a kuthwa mo kOkomitiye, okwa ka dhana ngiini, tate Amunyela okwa ti kutya sho a kundana, uuthemba mboka the Dog okwe wu pewa aniwa ku Meya gwaNdangwa na oye wo e mu futu aniwa OoN$30,600, okuza miimaliwa yOmaulikilo gIipindi.The Dog aniwa okwa li a pewa ehala pontumba pongandi mpoka a li a lala nokwa pulilwe a fute N$400, ashike aniwa pakasilepa hoka ka monika po, hoka a futilwa kugumwe gwomOkomitiye tuu ndjoka, oka shangwa a futa OoN$1400.Pa tate Amunyela, Boetie, Dolo Six na 065, sigo oompaka inaya futwa sha kOkomitiye yOmalongekidho gOmaulikilo, nonando ya dhana ngashi ya li ya pulwa, noye li nee taya pula ya futwe iimaliwa yawo ngashi sha li sha uvathanwa.Ngashiingeyi opu newe oombata mpoka, aniwa, molwashoka iimaliwa oya futwa po the Dog.Amunyela ota ti wo kutya oopaala ndhiyaka dha longithilwe mOsenda yOmaulikilo, dha landwa niimaliwa yOmaulikilo, odha kuthwa po aniwa ku Meya gwa Ndangwa meme Nashandi nokwe dhi fala aniwa kegumbo lyawo.The Namibian okwa lombwelwa kutya aniwa iinima ayihe mbika oya lopotwa kOkomisi ndjoka tayi ungaunga nuulingilingi moshilongo notayi konaakona oshinima shika.Pethimbo oshinyolwa shika tashi yi komanyanyangidho inatu vula okumona meme Nashandi ashike otatu ke mu mona a gandje uuyelele kombinga ye.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News