Omaulikilo gOpaipindi ga Ngwediva otaga ende nawa, Egumbo na Ndevashiya taya ti

O MUNASHIPUNDI gwOkOmitiye Olongekidhi yOmaulikilo gOpaipindi gokomumvo ga Ngwediva, tate Damian Egumbo, okwa ti kutya Omaulikilo ngaka ga tamekele meti 26 Auguste nuumvo notaga hulu ngula mOlyomakaya oga enda nawa unene nAanangeshefa oyendji kumwe nEpangelo nOmahangano gOpaumwene oya ulika iilikolomwa niilandithomwa yawo nawa, omanga Omauministeli nOmahangano gOpaumwene ngoka ga kala taga gandja omauyelele paigongi ya yooloka, ya kala taye shi ningi nawa lela.

Tate Egumbo ta ti kutya opwa kala ashike ngaa uunyenyeto uushona ngashi womashina gokutalaleka mIinyanga iinene, unene tuu mwaashoka shOmunyekadhi. Ashike Egumbo okwa ti kutya okuza mpaka shampa Omaulikilo ngaka ga pu, otaya ka kaatumba nokutala kutya otapu endwa ngiini opo mOsala moka mu tulwe omashina gombepo yokutalaleka mo.Ashike nee Egumbo okwa ti kutya omashina ngoka oge na ondilo.”Otatu ka tala ngaa ngele tatu ga vulu.”Omusamane Damian Egumbo, ngoka wo e li Omunambelewa Omukuluntu gwElelo lya Ngwediva, ta ti ngawo.Omupopiliko gwOmaulikilo gokOmumvo ga Ngwediva tate Walde Ndevashiya moonkundathana dhe noThe Namibian, naye okwa ti kutya Omaulikolo gOpaipindi gokomumvo ga Ngwediva gonuumvo, ngoka ga egululilwe pambelewa kOmupresidende Hifikepunye Pohamba meti 29 Auguste nuumvo, oga kala taga ende nawa noga li wo ga dhengambanda shi vulithe pwaangoka gomimvo dha zi ko.Ta ti kutya oga mona oonakuulika iinima yawo ye li oyendji lela, ano ye vulithe pomathele gatano, omanga mboka ya zile pondje ya li ye li pomilongone nayatatu okuyeleka nomulongo nayatatu mboka ye yile ko omvula ya zi ko.Omahangano ngashi ndjoka lyOmalusheno lya NamPower noshowo, Omauministeli gi ili nogi ili, unene tuu mboka wUunamapya, Iimuna, Omeya nIihwa noshowo Oshikondo shIiponga yomOondjila, oya ningile Osemina dha dhenga mbanda dhokufatulula mo iilonga yawo.Unene tuu Nampower, pa Muwiliki gwayo Omundohotola Leake Hangala, okwa gandja uuyelele wa pumbiwa koshigwana shi na sha negandjo lyolusheno naashoka sha thanekwa po tashi ka ningwa po mekwatathano lya Nampower nOoNORED noshowo egandjo lyolusheno pokati kIitopolwa ya SADC.Kombinga yOprojeka ya Kudu noyEpupa noshowo olusheno ndoka talu ka za koZambia nokuya koNamibia.(yimwe otatu ke yi fatulula mo nawa miifo tayi landula).Oministeli yUunamapya, Uuniimuna, Omeya nIihwa Omundohotola Nicky Iyambo, moshigongi shoka a ningi moTrade Fair moka mEtiyali ndika lya zi ko, okwa lombwele aalimimapya naanafaalama ayehe kutya Okabinete okatokola Omahangu ga kale oshilandithomwa shokolela ngashi naanaa epungu nuusila walyo.Ta ti otaku ka gandjwa nee elombwelo kutya ngashi mIipangelo, mOokamba dhEtanga lyEgameno, mOpolisi, mOondholongo, mOosikola nosho tuu mu kale wo hamu liwa unene iithima yomahangu nosho tuu sha za momahangu.pethimbo olyo tuu ndjoka, Oministeli oya gandja wo omaganopandulo kAanamapya mboka ya limine iilya oyindji omvula ndjika, moka tate Theodor Shambalula gwokOnavivi mOmbalantun mOshitopolwa sha Musati e ya gwotango nokuoma Ekopi nosho tuu eshisha, oshipululo nosho tuu.Omunambelewa Omukuluntu gwEhangano ndjoka li na sha nIiponga yomOondjila, tate Jeremia Mwadinohamba, mOsemina yawo ndjoka a ningila oshigwana moshigongi shawo mEtitatu lya zi ko mo Trade Fair moka, okwa ti kutya Ehangano lyawo ndika otali talulula omukalo gwokufuta mboka ya monena iiponga moondjila nenge ano ya thigwa po kaantu yawo omolwiiponga yomoondjila.Ta ti kutya sigo oompaka oshimaliwa osha kwatwa nawa mEhangano lyawo ndika noshigwana nashi yambidhidhe ashike omilandu ndhoka ya tula po pethimbo ndika.Olutu lwOkutendera nalo wo olwa li lu na okuninga Osemina moTrade Fair moka mEtitatu lya zi ko, ashike inalu ke shi ninga we molwashoka inakuya aantu koshigongi.Nande ongaaka inashi kala moshipala okweendanawa kwOmaulikilo ngaka, nAanambelewa yago oya ti kutya ayihe oya enda nawa.Aantu ye li pomayovi omilongontano nasha lwaampoka oya talela po omaulikilo ngaka muule womasiku ngoka omugoyi gOmaulikilo ngaka.Ashike Egumbo okwa ti kutya okuza mpaka shampa Omaulikilo ngaka ga pu, otaya ka kaatumba nokutala kutya otapu endwa ngiini opo mOsala moka mu tulwe omashina gombepo yokutalaleka mo.Ashike nee Egumbo okwa ti kutya omashina ngoka oge na ondilo.”Otatu ka tala ngaa ngele tatu ga vulu.”Omusamane Damian Egumbo, ngoka wo e li Omunambelewa Omukuluntu gwElelo lya Ngwediva, ta ti ngawo.Omupopiliko gwOmaulikilo gokOmumvo ga Ngwediva tate Walde Ndevashiya moonkundathana dhe noThe Namibian, naye okwa ti kutya Omaulikolo gOpaipindi gokomumvo ga Ngwediva gonuumvo, ngoka ga egululilwe pambelewa kOmupresidende Hifikepunye Pohamba meti 29 Auguste nuumvo, oga kala taga ende nawa noga li wo ga dhengambanda shi vulithe pwaangoka gomimvo dha zi ko.Ta ti kutya oga mona oonakuulika iinima yawo ye li oyendji lela, ano ye vulithe pomathele gatano, omanga mboka ya zile pondje ya li ye li pomilongone nayatatu okuyeleka nomulongo nayatatu mboka ye yile ko omvula ya zi ko.Omahangano ngashi ndjoka lyOmalusheno lya NamPower noshowo, Omauministeli gi ili nogi ili, unene tuu mboka wUunamapya, Iimuna, Omeya nIihwa noshowo Oshikondo shIiponga yomOondjila, oya ningile Osemina dha dhenga mbanda dhokufatulula mo iilonga yawo.Unene tuu Nampower, pa Muwiliki gwayo Omundohotola Leake Hangala, okwa gandja uuyelele wa pumbiwa koshigwana shi na sha negandjo lyolusheno naashoka sha thanekwa po tashi ka ningwa po mekwatathano lya Nampower nOoNORED noshowo egandjo lyolusheno pokati kIitopolwa ya SADC.Kombinga yOprojeka ya Kudu noyEpupa noshowo olusheno ndoka talu ka za koZambia nokuya koNamibia.(yimwe otatu ke yi fatulula mo nawa miifo tayi landula).Oministeli yUunamapya, Uuniimuna, Omeya nIihwa Omundohotola Nicky Iyambo, moshigongi shoka a ningi moTrade Fair moka mEtiyali ndika lya zi ko, okwa lombwele aalimimapya naanafaalama ayehe kutya Okabinete okatokola Omahangu ga kale oshilandithomwa shokolela ngashi naanaa epungu nuusila walyo.Ta ti otaku ka gandjwa nee elombwelo kutya ngashi mIipangelo, mOokamba dhEtanga lyEgameno, mOpolisi, mOondholongo, mOosikola nosho tuu mu kale wo hamu liwa unene iithima yomahangu nosho tuu sha za momahangu.pethimbo olyo tuu ndjoka, Oministeli oya gandja wo omaganopandulo kAanamapya mboka ya limine iilya oyindji omvula ndjika, moka tate Theodor Shambalula gwokOnavivi mOmbalantun mOshitopolwa sha Musati e ya gwotango nokuoma Ekopi nosho tuu eshisha, oshipululo nosho tuu.Omunambelewa Omukuluntu gwEhangano ndjoka li na sha nIiponga yomOondjila, tate Jeremia Mwadinohamba, mOsemina yawo ndjoka a ningila oshigwana moshigongi shawo mEtitatu lya zi ko mo Trade Fair moka, okwa ti kutya Ehangano lyawo ndika otali talulula omukalo gwokufuta mboka ya monena iiponga moondjila nenge ano ya thigwa po kaantu yawo omolwiiponga yomoondjila.Ta ti kutya sigo oompaka oshimaliwa osha kwatwa nawa mEhangano lyawo ndika noshigwana nashi yambidhidhe ashike omilandu ndhoka ya tula po pethimbo ndika.Olutu lwOkutendera nalo wo olwa li lu na okuninga Osemina moTrade Fair moka mEtitatu lya zi ko, ashike inalu ke shi ninga we molwashoka inakuya aantu koshigongi.Nande ongaaka inashi kala moshipala okweendanawa kwOmaulikilo ngaka, nAanambelewa yago oya ti kutya ayihe oya enda nawa.Aantu ye li pomayovi omilongontano nasha lwaampoka oya talela po omaulikilo ngaka muule womasiku ngoka omugoyi gOmaulikilo ngaka.