Omanyala otaga ulike kaafekelwa medhipago lya Rohe pofaalama

O MANYALA ngoka ga monika po momakonakono goshipotha shedhipago pofaalama yimwe poDordabis konyala pwa piti ngashiingeyi oomvula ntano lwaampoka, otaga tsu kumwe nogaafekelwa yaali moshipotha shika, Ompangu yopashitopolwa mOvenduka tayi tseyithilwa ngaaka oshiwike sha zile ko.

Omanyala ngoka oga li ga adhika pehala lyoshiningwanima shedhipago ndika. Enyala ndyoka lya adhika kekende lyombiila ndyoka lya adhika mohauto yoToyota mbaki ndjoka ya li ya paakingwa pegumbo lya nakudhipagwa Helmut Rohe, otali tsu kumwe naandyoka lya Moses Uirab, Walende Shikufa ngoka ta longele moshikondo shOpolisi ya Namibia shedhina Scene of Crime Unit ta lombwele ngaaka Mengestrata Sarel Jacobs pethimbo ta gandja uumbangi mepangulo lya Uirab mEtitatu lyoshiwike sha zile ko.Ta ti enyala ndika otali tsu kumwe nomunwe gwa Uirab gwopokati.Shikufa ta ti okwa mono wo enyala limwe tali tsu kumwe nomunwe gwokolulyo gwa nakutamanekwa pamwe na Uirab, Bartholomeus Immanuel.Enyala ndika olya adhika kekende lyoCoca-cola ndyoka lya adhika mohauto yoKumbi ya nakusa Rohe ndjoka ya li yi itsuwa ya paakingwa pomunkulo gwondjila ya pokati ka Venduka nOkapale kOondhila koPaigwana ka Hosea Kutako momasiku 22 Septemba 2002.Uirab na Immanuel inaya zimina ondjo yawo moshipotha shedhipago neyugo pethimbo ya holoka komeho ga Mengestrata Jacobs mu Kotoba omumvo gwa zi ko.Otaya tamanekelwa edhipago lya Rohe pokati komasiku 21sigo 22 Septemba 2002 noku mu yuga iinima yongushu yoondola/N$15 000, mwakwatelwa nee iikutu, iikwambete, oselula, iikulya, iikwaradio nethano.Iinima mbika oyali ya yakwa pofaalama ya Rohe yedhina Omukaru yi li konyala ookilometa 70 kuumbugantu-zilo wa Dordabis.Rohe okwa li nee a adhika a sa pofaalama ye momasiku 22 Septemba 2002 konima sho ohauto ye yoVolkswagen Kombi yi itsuwa komunkulo gwondjila onene yoB6 nokweetela aantu omalimbililo kutya otashi vulika pofaalama ye pu kale epuko lyontumba.Omamanya ngoka ga adhika pomudhimba gwe, otaga ulike kutya okwa dhipagwa nomamanya ngoka a dhengwa nago momutse.Rohe okwa li taka gwanitha oomvula 58 mesiku lya landula edhipago lye.Inspekta Michael Booysen ngoka a li omukonakonipolisi moshipotha shaalumentu mbaka yaali, okwa popi wo mOmpangu mEtine lya zi ko kutya uuyelele mboka wa pewa Opolisi komuntu gumwe owe mu ningi a ukilile ku Uirab ngoka a li a dhitikwa nokudhigininwa mondholongo onene ya Central Prison mOvenduka momasiku 12 Juli 2004.Okwa kutha Uirab nokumufala kombelewa ye hoka e ke mu lombwela kutya oku na uuyelele tau ulike kutya oku na sha nedhipago lya Rohe, Booysen ta lombwele ngaaka Ompangu.Pahokololo lya Booysen, Uirab okwa yamukula aniwa ta ti: “Oh, omusamane gwomukulukadhi gwomukulupe gwOmundowishi”.Omukulukadhi gwa nakusa Rohe, ano meme Evelin Rohe okwa lombwele Mengestrata Jacobs mu Kotoba omumvo gwa zi ko kutya, aalumentu yaali mboka ya li taya kongo iilonga oya thigi po Ovenduka nomusamane gwe momasiku 11 Septemba 2002.Gumwe gwomuyo ngoka a li ha ithanwa Moses okwa li ha opaleke moshikunino shawo, ta popi ngaaka.Sho nee omusamane gwe a adhika a sa pofaalama, aaniilonga mboka opo owala ya kutwa inaya monika we mpoka ya yi.Konima aniwa sho Booysen a londodha nokutseyithila Uirab kombinga yuuthemba we wopakotampango, Uirab okwe mu lombwele kutya ye okwa li ha longele omukulukadhi gwaRohe pegumbo lye mOvenduka, nokwa li e mu pula ngele okwa tseya omuntu gulwe ngoka ta vulu okulongela omusamane gwe kofaalama.Meme Rohe okwa li aniwa e mu lombwele kutya omusamane gwe okwa nyika oshiponga notashi vulika nokuli e ya dhipage, Uirab ta lombwele ngaaka Booysen.Okwa tsikile ngeyi kutya yo (Uirab na Immanuel) oya li ya yi na Rohe kofaalama.Konima yoshiwike, oya li ya dhipaga Rohe sho ye mu dhenga nomamanya momutse, aniwa Booysen ta lombwelwa ngaaka ku Uirab.Booysen ta ti okwa ka pula ishewe Immanuel esiku lya landula.Immanuel okwe mu lombwele aniwa kutya yo na Uirab oya li ya yi kofaalama na Rohe noye mu dhipaga konima yoshiwike pofaalama mpoka.Aafekelwa ayehe mbaka yaali oya li ya lombwele aniwa Booysen kutya oya dhipaga Rohe molwashoka okwa li teya ningi nayi pofaalama mpoka, Booysen ta lombwele ngaaka Mengestrata.Okwa tegelelwa Booysen a ka tsikile nokugandja uumbangi moshipotha shika sho iihokolola mbika tayi ka tsikila mu Mei 15.Omutamaneki gwEpangelo Brownwell Uirab oye a li omutamaneki moshipotha shika.Uirab na Immanuel oya li ya kalelwapo kaanaveta ngaashi Ivo dos Santos na Vincent Olivier.Aafekelwa ayehe yaali otaya kala konima yekumba.Enyala ndyoka lya adhika kekende lyombiila ndyoka lya adhika mohauto yoToyota mbaki ndjoka ya li ya paakingwa pegumbo lya nakudhipagwa Helmut Rohe, otali tsu kumwe naandyoka lya Moses Uirab, Walende Shikufa ngoka ta longele moshikondo shOpolisi ya Namibia shedhina Scene of Crime Unit ta lombwele ngaaka Mengestrata Sarel Jacobs pethimbo ta gandja uumbangi mepangulo lya Uirab mEtitatu lyoshiwike sha zile ko.Ta ti enyala ndika otali tsu kumwe nomunwe gwa Uirab gwopokati.Shikufa ta ti okwa mono wo enyala limwe tali tsu kumwe nomunwe gwokolulyo gwa nakutamanekwa pamwe na Uirab, Bartholomeus Immanuel.Enyala ndika olya adhika kekende lyoCoca-cola ndyoka lya adhika mohauto yoKumbi ya nakusa Rohe ndjoka ya li yi itsuwa ya paakingwa pomunkulo gwondjila ya pokati ka Venduka nOkapale kOondhila koPaigwana ka Hosea Kutako momasiku 22 Septemba 2002.Uirab na Immanuel inaya zimina ondjo yawo moshipotha shedhipago neyugo pethimbo ya holoka komeho ga Mengestrata Jacobs mu Kotoba omumvo gwa zi ko.Otaya tamanekelwa edhipago lya Rohe pokati komasiku 21sigo 22 Septemba 2002 noku mu yuga iinima yongushu yoondola/N$15 000, mwakwatelwa nee iikutu, iikwambete, oselula, iikulya, iikwaradio nethano.Iinima mbika oyali ya yakwa pofaalama ya Rohe yedhina Omukaru yi li konyala ookilometa 70 kuumbugantu-zilo wa Dordabis.Rohe okwa li nee a adhika a sa pofaalama ye momasiku 22 Septemba 2002 konima sho ohauto ye yoVolkswagen Kombi yi itsuwa komunkulo gwondjila onene yoB6 nokweetela aantu omalimbililo kutya otashi vulika pofaalama ye pu kale epuko lyontumba.Omamanya ngoka ga adhika pomudhimba gwe, otaga ulike kutya okwa dhipagwa nomamanya ngoka a dhengwa nago momutse.Rohe okwa li taka gwanitha oomvula 58 mesiku lya landula edhipago lye.Inspekta Michael Booysen ngoka a li omukonakonipolisi moshipotha shaalumentu mbaka yaali, okwa popi wo mOmpangu mEtine lya zi ko kutya uuyelele mboka wa pewa Opolisi komuntu gumwe owe mu ningi a ukilile ku Uirab ngoka a li a dhitikwa nokudhigininwa mondholongo onene ya Central Prison mOvenduka momasiku 12 Juli 2004.Okwa kutha Uirab nokumufala kombelewa ye hoka e ke mu lombwela kutya oku na uuyelele tau ulike kutya oku na sha nedhipago lya Rohe, Booysen ta lombwele ngaaka Ompangu.Pahokololo lya Booysen, Uirab okwa yamukula aniwa ta ti: “Oh, omusamane gwomukulukadhi gwomukulupe gwOmundowishi”.Omukulukadhi gwa nakusa Rohe, ano meme Evelin Rohe okwa lombwele Mengestrata Jacobs mu Kotoba omumvo gwa zi ko kutya, aalumentu yaali mboka ya li taya kongo iilonga oya thigi po Ovenduka nomusamane gwe momasiku 11 Septemba 2002.Gumwe gwomuyo ngoka a li ha ithanwa Moses okwa li ha opaleke moshikunino shawo, ta popi ngaaka.Sho nee omusamane gwe a adhika a sa pofaalama, aaniilonga mboka opo owala ya kutwa inaya monika we mpoka ya yi.Konima aniwa sho Booysen a londodha nokutseyithila Uirab kombinga yuuthemba we wopakotampango, Uirab okwe mu lombwele kutya ye okwa li ha longele omukulukadhi gwaRohe pegumbo lye mOvenduka, nokwa li e mu pula ngele okwa tseya omuntu gulwe ngoka ta vulu okulongela omusamane gwe kofaalama.Meme Rohe okwa li aniwa e mu lombwele kutya omusamane gwe okwa nyika oshiponga notashi vulika nokuli e ya dhipage, Uirab ta lombwele ngaaka Booysen.Okwa tsikile ngeyi kutya yo (Uirab na Immanuel) oya li ya yi na Rohe kofaalama.Konima yoshiwike, oya li ya dhipaga Rohe sho ye mu dhenga nomamanya momutse, aniwa Booysen ta lombwelwa ngaaka ku Uirab.Booysen ta ti okwa ka pula ishewe Immanuel esiku lya landula.Immanuel okwe mu lombwele aniwa kutya yo na Uirab oya li ya yi kofaalama na Rohe noye mu dhipaga konima yoshiwike pofaalama mpoka.Aafekelwa ayehe mbaka yaali oya li ya lombwele aniwa Booysen kutya oya dhipaga Rohe molwashoka okwa li teya ningi
nayi pofaalama mpoka, Booysen ta lombwele ngaaka Mengestrata.Okwa tegelelwa Booysen a ka tsikile nokugandja uumbangi moshipotha shika sho iihokolola mbika tayi ka tsikila mu Mei 15.Omutamaneki gwEpangelo Brownwell Uirab oye a li omutamaneki moshipotha shika.Uirab na Immanuel oya li ya kalelwapo kaanaveta ngaashi Ivo dos Santos na Vincent Olivier.Aafekelwa ayehe yaali otaya kala konima yekumba.