Omalutenda ga za koChina taga longithwa olutenda lwaShikango

OMALUTENDA ga longwa koChina otaga ka longithwa molutenda ndoka lwaza pOndangwa okuya kOshikango.

Okabinete oka lombwele Uuministeli Wiimaliwa kutya na wu ye komeho noonkundathana shina sha nomukuli gwolutenda lwokuumbangalantu waaNamibia oku za mOndangwa okuya kOshikango. Uuyelele mbuka owa gandjwa kUuministeli womAuuyelele momushangwa guna sha nomatokolo goKabinete gomwedhi gwa yi.Iilonga yolutenda oya manithwa na Uuministeli Wiiyenditho owa ningi euvathano nehangano lya China Machinery and Equipment Import and Export Corporation, omushangwa gwa ti.Pethimbo lye talelepo lyomuperesidende gwa China, koNamibia omumvo 2007 Namibia okwa li a pewa omukuli gwoodola obiliona yimwe . Iimaliwa mbika otayi longithwa miilonga mbyoka omapangelo gaali taga uvathana yina okulongwa.Okabinete oka zimine iilonga yi ili no yi ili naambika oya gandjwa kepangelo lya China opo yi ziminwe.Yimwe yomuyo ongaashi ehala lyopatechnica lyokupungula iikwamishangwa, omashina gonte gokukonakona oocontainer piiyelo yopoongamba. Okuwopaleka olaboratorium dhepangelo, okulanda iilongitho iipe yehangano lyokutuma omawi mombepo lya Namibia NBC.Okwoopaleka iipangelo, na okufala olutenda okuza pOndangwa sigo Oshikango.Namibia okwa landele woo omitse dhomashina noshowo iikoto yeshina koChina ndele mbika ngashingeyi iha yi longo we oshoka aniwa kaya li ya opalela oshilongo sha Namibia.