Omalundululo taga ningwa mompango yOmakwatathano

OMUPANGULI peresidende nenge omupanguli ngoka a pewa uuthemba kuye oye awike na kale ta vulu okugandja uuthemba wokugandja elombwelo kutya omuntu gwontumba nenge ehangano lyontumba, iikwangodhi, iikwa poosa, niikwa internete ye/yalyo nayi pulakenwe nenge na yi leshwe ngele ontotwampango ndjika oya yi miilonga.

Ndika olimwe lyomomalunduluko ngoka Egumbo Etiyali lyoParliamende ya Namibia lya thaneke.Ta li ti elombwelo kutya shika na shi ningwe olya pumbwa okutothamo nawa kutya ota li zi kulye, na oludhi lu ni lwokukaakena lu na okulongithwa, no ta shi pitile miikwangodhi nenge miikwapoosa yini po.Omathaneko ngaka ogo gamwe ngoka ga ningwa kokangundu ke na sha niikwapondje, egameno noshowo osecurity, ka li ka kwatelwa komeho komusamane Johnny Hakaye gwo Swapo.Ongundu ndjika oya li ya ningi omapulakenopulo uule womasiku gatatu moVenduka, kuyele omwedhi nguka okukonga omagwedhelopo galwe kombinga yontotwampango ndjika oku za kaakwashigwana yi ili no yi ili.Ongundu oya thaneke kutya okatokolwa oka 70 (8) hoka ke na sha nuumwene na ka lundululwe opo ka pitike okutsakaneka ikwangodhi, oombapila, nosho tuu na shiningwe palombwelo lyomupanguli presidende nenge komupanguli gumwe a pewa oonkondo komupanguli peresidendeNgele omalunduluko ngano ga thanekwa kongundu ndjika oga ziminwa nena ompango ndjika ota yi kala ta yi tsu kumwe nekotampango lyaNamibia, unene tuu ontompolwa 13 ndjoka ta yi longo pamwe nuumwene womuntu.Ngele ina yi lundululwa okangundu oka ti opena ompito oompangu dhi tendemo okatokolitho haka.Yamwe yaamboka ya gandja omathaneko gawo oya indile okangundu ka tende mo ontompolwa ontihamano ayihe ndjoka yina okatendo ke na sha nokutsakaneka, oku za mompango ndjoka ngashingeyi ya tseyika ongo ‘Ompango yIilonga yomeholamo.’Ndele omutotimpango megumbo etiyali lyoparliamende Leevi Katoma okwa ti iilongo oyindji oyi na oompango dha tya ngaaka onkene Namibia ita vulu okwiikalela mwaashika.’Aantu mboka ye na uuhwenge negameno ota ya tsukumwe kutya ompango ndjika oya pumbiwa.’Katoma okwa gwedha po tati ota shi vulika pu kale oombuthulu na ompango ota yi vulu okulundululwa.Okwa li oye awike a ti ko sha kompango ndjika ohela.Moku yamukula Hakaye okwa ti ompango ndjika oyo yimwe yomoompango oombwanawa ndhoka Namibia ta ka pa aakwashigwana.’ Ota tu indile koshigwana opo shaa pukithwe kwaa mboka ya tsa ondumbo nompango ndjika’ osho a popi omanga ompango inaa ziminwa kegumbo.Iilyo yegumbo oya gongala konima naanambelewa Yuuministeli womauyelele opo ya kuthe mo omayooloko ngoka ga li momushangwa.