Nande pelesidente Nangolo Mbumba okwa pula opo omalishangifo ovahoololi a wedelwe, okomisi yomahoololo yaNamibia yedina Electoral Commission of Namibia (ECN) oya ti oshinima eshi itashi shiva nandenande, shaashi otashi ka pula opo va undulile omahoololo komesho.
Paife, ovanhu ve fike pomiliyona imwe oshinghwanyu imwe ove lishangifa opo va ka hoolole, omunashipundi woECN Elsie Nghikembua Etivali okwa ti omilandu dokutalulula nokunyanyangida omusholondodo ou itau pitike okuundulila omafiku okulishangifa komesho.
Mbumba Etivali okwa li a pula opo okomisi i wedele omafiku okulishangifa omahoololo, shaashi okatendo komahoololo oka yandja oufemba kupelesidente a ninge oshinima shi li ngaha.
“Itashi shiva. Shapo, ongeenge omahoololo itaa kala ko momafiku 27 Novemba,” Nghikembua osho a ti ngaho.
Pelesidente okwa li a ifana oECN keumbo lopashiwa Etivali opo i nyamukule omapulo omeendelelo kombinga yomalishangifo ovahoololi. Okomisi yomahoololo natango oi na omumbwe yoshimaliwa shi fike peemiliyona N$60 momutengenekwafaneko wayo, ashike oi na elineekelo kutya oshikefa shepangelo otashi ka yandja oshimaliwa osho sha pumbiwa.
“Omivalu dehangano olo hali ningi omavalulo laNamibia okwa li de ya konima eshi kwa li twa landa nale oipumbiwa imwe yomalishangifo. Nomwaalu ou upe, eshi we ya otwa mona kutya okwa li twa pumbwa okulanda oipumbiwa ya wedwa po, ndee osho oshe tu twala kondje yomutengenekwafaneko wetu. “Eshi osha hala kutya opu na omumbwe, ashike okwa li twa pewa omhito koministili yoshimaliwa opo tu popye oupyakadi wetu. Ondi na elineekelo kutya ohatu ka kandula po omumbwe ei,” Nghikembua osho a ti ngaho.
Opu na omumbwe yoipumbiwa yokulishangifa omahoololo ya wedwa po i li 190 kutya nee omwaalu wovanhu ovo tave lishangifa otau u pedu, osho a ti ngaho.
Ehangano lokuninga omavalulo laNamibia Etivali ola shiivifa kutya omwaalu wovanhu ovo tava dulu okuhoolola ou li ashike omiliyona imwe oshinghwanyu hamano, oo wa shuna pedu kwaao wa li wa tengenekwa nale u fike pomiliyona imwe oshinghwanyu heyali.
Okomisi oya mona eenhele di li 4 297 domalishangifo moikandjohoololo aishe i li 121 moshilongo ashishe, omo ovanailonga ve li 3 849 ve na okutwalwa koitopolwa oko. Nghikembua okwa ti oipumbwa ya wedwa po oya pumbiwa opo ku totwe eengudu dihapu, otu na okukuta ovanambelewa vahapu ve dulife pwaavo kwa li va tengenekwa petameko nosho yo okulongifa omahautu amwe okudja moshiwana.
“Oyo kakwa li oinima inai teelelika, ndee onghee nee otu na okukapumbwa oimaliwa ya wedwa po,” Osho a ti ngaho.
Okomisi yomahoololo otai lalakanene eepelesenda 85 dovanhu ve li omiliyona imwe oshinghwanyu hamano ovo tava dulu okuhoolola, omanga Mbumba a hala ovanhu ve dulife pomiliyona imwe oshinghwanyu nanho va kale ve na oukalata vomahoololo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
