Omaliko gayatatu ya Teko ga shunithwa

UUYAMBA mboka wa li wa mwenekwa womunambelewa gwokommissi yepangelo, Teckla Lameck, noshowo omunangeshefa omukwawo Kongo Mokaxwa, nomukwashigwana gwaChina Yang Fan owa shunithwa momake gawo omaandaha.

Ompangu Yopombanda metitano oya gandja elombwelo kutya elombwelo ndyoka lya li lya ti omaliko ngaka naga mwenekwe itaaga longithwa kooyene yago,na li hule, opo omaliko ngoka ga shune kooyene.Ooyene yomaliko ngaka gongushu yoomiliona odhindji,oyo Lameck, Mokaxwa na Yang ngoka oye eli omuniilonga gwehangano lya Nuctech.Ompangu oya ti kutya omaliko ngaka naga shunithwe kooyene konima sho kwa li itaa ya vulu okuga longitha molwaashoka oga li ga mwenekwa pampango yokukeelela iimbuluma ya longekidhwa.Ndele sho elombwelo ndika lya kuthwa pampangu metitano omaliko ngaka okwa, uthwa woo ga shunithwe kooyene yago mboka yatatu.Omutamaneki ndjai okwa li a gandja etseyitho kutya otaka kondjitha etokolo ndika mompangu onene yoshilongo onkene omaliko ngaka oga li inaa ga mangululwa mbala.Ndele konima sho omutamaneki ndjai a tala shoka ompango ta yi ti kombinga yaashika okwa lombwele omunambelewa ngoka oye a li a pewa ewiliko lyomaliko ngaka opo ega shunithe kooyene yago, kokutya ku Lameck, Mokaxwa na Yang.Omukalelipo gwopampango ngoka a kalelepo mbaka yatatu, Sisa Namandje okwa lombwele oThe Namibian metyali kutya omaliko gaambaka oga, galulwa momaandaha netiyali.Omaliko oga kwatelamo uumbo wombaanga, iiyenditho, ofaalama, nomagumbo.Netokolo, lyometitano, iimaliwa yokwiifutilamo ya Yang opo a zemo mondholongo oya londekwa pombanda nokuya poodola omiliona yimwe, moshipotha shika ye, na Lameck noshowo Mokaxwa taya tamanekelwa ekotokelo, noombumbo.Yang okwa kala mokakuma konima sho a li a pewa iifutilemo koodola 250 000 mompangu ya mengstrata moVenduka mu August 2009.Lameck na Mokaxwa oya li ya pewa okwiikulilamo noodola 50 000 kehe gumwe. Pethimbo ya li ya pewa okwiifutilamo, mengestrata, Gerrit van Pletzen okwa li a ti ngele uuyamba wawo oye u galulilwa nena Yang oku na okugwedha ko oodola 750 000 kokwiifutilamo kwe.Lameck, Mokaxwa, na Yang ota ya ka holoka ishewe mompangu yamengestrata mu ga 8 ga April 2010.Otaya tamanekwa shina sha neitulomo lyawo melanditho lyomashina gonte ya-X galongwa moChina ngoka ga li ga landwa kUuministeli wiimaliwa, okulongithwa piiyelo yopoongamba, kaanambelewa yiifendela.Okwa ti wa aniwa yo oya futwa okommissi yoomiliona oodola 42 oku za komuhambudhi Nuctech, naashika ota ku tiwa aniwa osha ningwa polupe lwomukalo gwokorruption, na aniwa iifuta mbika oya talika ko ongo iifuta yuulingilingi noyomuyonena.Yang okwa li omuniilonga nomukalelipo gwehangano, Nuctech muumbugantu wAfrika. Pethimbo olyo tuu ndyoka ye okwa li wo omuniilonga gwa Teko Trading, ndyoka lya shaina euvathano pamwe nehangano lya China , opo aniwa li longe ongo omweendi gwopokati kUuministeli Wiimaliwa.