Omalelelo giilando ta ga ka longa nawa

AAKALIMO yomiilando ya Namibia ota ya ka mona omayakulo omahwepo mbala okuza komalelelo giilando yawo. Shika osha tegelelwa molwaashoka opwa tulwa miilonga oprojeka yehumithokomeho ha yi ithanwa Performance Management Development.

Elalakano lyoshilonga shika olyo oku hwepopeka egandjo lyomayakulo kaayakulwa yomiilando, paku opaleka iilonga noshowo omukalo ngoka omalelo gomiilando haga gandja omayakulo.Oshinakugwanithwa shika osha etwapo kehangano lyomalelelo giilando moNamibia(ALAN) noshowo ehangano lyaaniilonga yomiilando(NALAO).Omahangano ngaka gaali oga koleke euvathano nehangano lyedhina Vision Activ Namibia opo ndika li tule miilonga oprojeka ndjika yokuhumitha komeho omayakulo gomiilando.Pamahangano ngaka egandjo lyontseyo mokati kaaniilonga yomomalelo giilando ondunge ya simana na ombwanawa melongelokumwe ndika.Kakele ko ku soshimpwiyu kutya omayakulo otaga monika nuupu komuyakulwa kehe, oprojeka ndjika ota yi kala woo ompito yo ku yeleka ongushu yomayakulo ngoka ga gandjwa komalelelo giilando.Ota yi gandja woo ompito opo omuniilonga kehe gwomelelo lyoshilando a vule okuhumithwa komeho moshimpungu yakulo she, tashi pitile moku landula iilonga ye paku yi yeleka nomuthika nenge omukanka ngoka gwa tegelelwa gwaadhike.Elalakano enene lyoshinyangadhalwa shika oku sa oshimpwiyu kutya aakalimo yomiilando oye na omayakulo ge li nawa, ge na oshinakugwanithwa, ge li puuyelele , na oge na eyakulo ta li endelele.