Banner Left
Banner Right

Omalaria otai i pombada moshilongo

Minista mukulu woundjolowele nomayakulo opanghalafano okwa holola onghumwe kombinga yoMalaria taa i pombada moshilongo omanga eenghendabala dokwiishunifa pedu.

Richard Kamwi, oo e li natango omukalelipo wokuxulifa malaria, okwa londoda kutya otashi dulika omukifi ou u kaye pombada moNamibia, ta ti omilandu dokuushunifa pedu otashi shonopala nomumbwe yoshimaliwa.

Oministili youndjolowele nomayakulo opanghalafano momukanda womafiku aa oya ti ovanhu ve li 2 210 okwa li va lopotwa va kwatwa komalaria moNamibia momafiku 15 Desemba odula ya dja ko.

Oshivike sha dja ko, ehangano loikundaneki ledina Namibia Press Agency (Nampa) okwa liya lopota kutya oshitopolwahoololo shShikoto osha didilika omafyo atanho moshipangelo shaNandjokwe pefimbo lomatango manene.

Kamwi, oo kwa li ominista okudja momudo 2005 fiyo omo2015, Etine loshivike sha dja okwa holola onghumwe kombinga yomwaalu ou, nosho yo kondodo yomilandu dokukelela omalaria, ta ti itadi hanga eendodo dehangano loundjolowele lopaunyuni ledina World Health Oraganisation (WHO).
Pefimbo a li moilonga, Kamwi okwa li a mona omalaria tai shuna opedu neenghono.

Okwa ti oshinima eshi okwa li sha etwa koshimaliwa osho sha dja kepangelo laNamibia nosho yo kookaume vopaiwana, mwa kwatelwa oGlobal Fund, University of California, Global Health Group of the University of San Francisco, Gates foundation noClintonFoundation, omahangano aeshe oo okwa li a yambidida oshinima shokuxulifa po omalaria.

Kamwi okwa yandja oushima koministili youndjolowele yopaife eshi inai dula okutwikila naasho kwa li sha pondolwa pefimbo laye.

“Itava ningi vali osho ehangano loundjolowele lopaunyuni tali pula kombinga yokupombela momaumbo . . . otwa teelela oupyakadi wakula. Etengeneko lange ole li kutya otamu ka kala omafyo ahapu moNamibia molwomalaria,” Osho a londoda ngaho.

Kamwi okwa ti oikwatifo opo ya li yokulwima omalaria pefimbo a li minista.
Eshi okwa li sha kwatela mo okupombela momaumbo.

Okwa yelekanifa onghalo yopaife, ta ti okupombela oku li kokule neepelesenda 90 odo kwa li hadi pulwa kehangano loundjolowele lopaunyuni.
“Ngee oho shi ningi ashike eepelsenda 50, nena osho inashi wana,” Osho a ti ngaho.

OMIVALU

Minista woundjolowele nomayakulo opanghalafano Klaumbi Shangula Etine okwa li a lombwe oThe Namibian opo i ka tale momukanda wokoikundaneki kombinga yomalaria oo kwa li wa nyolwa koministli yaye momafiku 20 Desemba odula ya dja ko.

“Opwa kala pu na ovanhu tava kwatelwa moipangelo ve li fike po265 nomafyo e li omuwoi okudja momafiku 04 Novemba fiyo 15 Desemba 2024.,”Omukanda osho wa ti ngaho.

Oipangelo oyo ya kwatelwa mo ongaashi Eenhana, Okongo, outapi, Engela, Nkurenkuru, Oshikuku, Omuthiya, Ohskati, Onandjokwe, Tsumeb, Rundu, Okahao, Tsandi, Ncamangoro, Nyangana noAndara.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News