Omakonakono mu ECN taga ka ningwa kOkomitiye yi ithikamena mpee

O SHIKONDO shOmahogololo mu Namibia nenge tutye Electoral Commission of Namibia (ECN) osha ningi etokolo lyokuulika osipana ndjoka tayi ka ninga omakonakono ga manguluka kombinga ya nkene omusholondondo gwiilyo yongundu ompe yoRally for Democracy and Progress (RDP) ya gwile momake ga puka.

Otaku popiwa ngeyi kutya omusholondondo gwiilyo yi li 700 lwaampoka yongundu ndjoka yoRDP ogwa monika nokuningwa ookopi e tadhi topolelwa oombelewa dhoSwapo miitopolwa nosho wo pomahala galwe okuzilila mombelewa ya ECN moka mwa shangithwa ongundu ndjika. Omukuluntuwiliki gwaECN, Philemon Kanime okwa lombwele The Namibian kutya ookomufala yaECN, oya tsakanene mEtitatu lyoshiwike sha zi ko nokuninga nee etokolo ndyoka kutya osha pumbiwa ku ulikwe osipana yi ithikamena yokuninga omakonakono moshinima shika.”Inatu hala okuninga omakonakono ku tseyene moshinima shika.Oshigwana oshi na okukala neinekelo miilonga ya ECN.Otatu ka gandja iizemo yomakonakono ngoka moshigwana meendelelo shampa owala twe yi pewa,” Kanime ta popi ngaaka.Omusholondondo gwiilyo yoRDP, ogwa li gwa ningwa ookopi shaa li paveta nokupewa aantu mboka ya li kaye na uuthemba wokugu pewa nando nee omilandu dha ECN itadhi pitike oshinima shika shi ningwe.Oshiwike sha zi ko, omunashipundi gwoRDP Jesaya Nyamu okwa li a lombwele iikundaneki kutya omusholondondo gwawo ogwa ningwa ookopi pomahala ga yoolokathana mwakwatelwa iikondo yEpangelo ngaashi mOmbelewa ya Hahende-Ndjayi nOministeli yUuyuuki, Government Institution Pension Fund (GIPF) nosho wo mehangano lyokutuma omawi mombepo lya Namibia nenge tutye Namibia Broadcasting Corporation (NBC).Nyamu okwa li a popi ngeyi kutya aanambelelwa yEpangelo mboka omadhina gawo ga holoka momusholondondo gwiilyoyoRDP, oya ningilwa omatilitho kutya otaya ka tidhwa mo miilonga ngele inaye ya poluhayela nokwiikaleka kokule nongundu ndjika.Iitayi oyindji yEwawa lyAagundjuka moSwapo oya indile ongundu tayi pangele yoSwapo opo yi konge mo aantu ayehe mboka omadhina gawo taga adhika momusholondondo gwoRDP opo ya kale ya tidhwa moSwapo omanga Okongresa ndjoka kwa tegelelwa yi ka kale ko momasiku 27 gaNovemba inayi thika.Ongunduwiliki yoSwapo nenge tutye Central Committee (CC) otayi ka kala noshigongi shayo shomasiku gaali tashi tameke momasiku 25 sigo 26 ya Novemba.Omukuluntuwiliki gwaECN, Philemon Kanime okwa lombwele The Namibian kutya ookomufala yaECN, oya tsakanene mEtitatu lyoshiwike sha zi ko nokuninga nee etokolo ndyoka kutya osha pumbiwa ku ulikwe osipana yi ithikamena yokuninga omakonakono moshinima shika.”Inatu hala okuninga omakonakono ku tseyene moshinima shika.Oshigwana oshi na okukala neinekelo miilonga ya ECN.Otatu ka gandja iizemo yomakonakono ngoka moshigwana meendelelo shampa owala twe yi pewa,” Kanime ta popi ngaaka.Omusholondondo gwiilyo yoRDP, ogwa li gwa ningwa ookopi shaa li paveta nokupewa aantu mboka ya li kaye na uuthemba wokugu pewa nando nee omilandu dha ECN itadhi pitike oshinima shika shi ningwe.Oshiwike sha zi ko, omunashipundi gwoRDP Jesaya Nyamu okwa li a lombwele iikundaneki kutya omusholondondo gwawo ogwa ningwa ookopi pomahala ga yoolokathana mwakwatelwa iikondo yEpangelo ngaashi mOmbelewa ya Hahende-Ndjayi nOministeli yUuyuuki, Government Institution Pension Fund (GIPF) nosho wo mehangano lyokutuma omawi mombepo lya Namibia nenge tutye Namibia Broadcasting Corporation (NBC).Nyamu okwa li a popi ngeyi kutya aanambelelwa yEpangelo mboka omadhina gawo ga holoka momusholondondo gwiilyoyoRDP, oya ningilwa omatilitho kutya otaya ka tidhwa mo miilonga ngele inaye ya poluhayela nokwiikaleka kokule nongundu ndjika.Iitayi oyindji yEwawa lyAagundjuka moSwapo oya indile ongundu tayi pangele yoSwapo opo yi konge mo aantu ayehe mboka omadhina gawo taga adhika momusholondondo gwoRDP opo ya kale ya tidhwa moSwapo omanga Okongresa ndjoka kwa tegelelwa yi ka kale ko momasiku 27 gaNovemba inayi thika.Ongunduwiliki yoSwapo nenge tutye Central Committee (CC) otayi ka kala noshigongi shayo shomasiku gaali tashi tameke momasiku 25 sigo 26 ya Novemba.