Omaipulo kombinga yembo lyaahogololi

OMAPULO ota ga tsikile kombinga yembo lyomadhina gaahogololi ndyoka lya piyagana natango.

Embo ndika olya pewa oongundu dhopolitika molyomakaya nongundu yimwe yompilameno oya tumina ontumwafo kOkomisi Yomahogololo ya Namibia ta yi kongo omayamukulo nomafatululo kombinga yembo ndika.Oshigwana oshi li woo momilema kombinga yomwaalu aguhe gwaahogololi mboka yi ishangitha opo ya ka hogolole, omolwaashoka Okomisi yomahogololo ina yi gandja natango omishangwa dhomiyalu dhaahogololi miitopolwa ayihe 13 moshilongo.Othe Namibia oya mono omayooloko noshowo omapuko membo ndyoka ya pewa lili molupe lwo ka CD-ROM, moka CD haka omuna oshikandjohogololo sha Kongola moshitopolwa sha Caprivi shi na aahogololi 4 208 ndele otashi holoka lwaali.Oshikandjohogololo sha Anamulenge shi na aahogololi 7 674 nasho oshi li mo lwaali membo lyomadhina gaahogololi.Anamulenge okwa shangwa tango kohi yonomola ye (069) na ishewe kohi yonomola (071).Omanga moshitopolwa sha Khomas oshikandjohogololo shonomola (040) kashi mo membo ndika.Opwa ndhindhilikwa woo omapuko mokunyola omadhina giikandjohogololo ngaashi shoka sha Gibeon sha shangwa ongo Gideon naashoka sha Onyaanya osha lukwa osho Onyaaya.Shika ota shi vulika shikale shi na oshilanduli shopampango kutya aantu mboka yi ishangitha moka otaya vulu okuhogolola omolwaashoka mbika ota yi vulu okutalikwako ya fa omahala gaali ga yooloka molwaashike omapuko meshango, omutseyimpango gumwe okwa lombwele oThe Namibia ngaaka.Othe Namibian oya tula kumwe omiyalu dhaahogololi moshikandjohogololo kehe no ya kuthamo omiyalu omitiyali dhiikandjohogololo sha Kongola na Anamulenge.Aahogololi ayehe kumwe oye li 1 144 878 membo lyaahogololi payalulo lyoThe Namibian.Komufala gwokomisi yomahogololo ya Namibia, Shafimana Ueitele okwa lombwele othe Namibian tati ye ota dhimbulukwa kutya omuyalu gwa hugunina ogu li lwopo miliona 1,18 gwaahogololi.Sho a pulwa kutya omolwashike uuCD-ROM mboka wa pewa oongundu dhopolitika wu na omiyalu tadhi ti aahogololi ayehe kumwe oye li 961 175, okwa yamukula ta ti omiyalu ndhika odha pewa oongundu ndhoka pwaa shi pambelewa.Konima yomaishangitho ga gwedhwa po nuumvo mu Septemba, Omunashipundi sho ECN, Victor Tonchi okwa tile embo lyomadhina gaahogololi olya yi pombanda momwaalu sigo opo miliona 1,3 yaahogololi, ndele konima omwaalu nguka ogwa ka shunithwa pevi sigo opo miliona 1,16.Sigo oompaka Okomisi yomahogololo oya nyengwa okugandja embo lyahugunina lyomadhina gaahogololi.Omupevi peresidende gwo RDP,Steve Bezuidenhoudt okwa ti onkalo ya tya ngaaka ota yi etitha omaipulo.’Otwa tumine ombapila kOkomisi Yomahogololo ya Namibia opo tu pewe omayamukulo kombinga yomiyalu dha hugunina.