Omahogololo pOmuthiya ga tsilikwa

O MAHOGOLOLO gokuhogolola ookansola yaheyali ya Muni gwondoolopa ya Muthiya ngoka ga li ge na okuningwa mEtitano lya zi ko, oga li gu undulilwa komeho mEtine lya zi ko sigo okesiku tali ka tseyithwa.

Shika osha ningwa molwashoka ongundu yo Swapo no RDP odhi li ompinge nomadhina ge li 54 ngoka ge li momusholondondo (‘molista’) yaantu mboka taya ka kutha ombinga momahogololo ngaka. Olista ndjika oya li ya gandjwa kOmpangu ya Mengestrata pOndangwa okuza momasiku 12 ga Febuluali.”Ongundu yompilemano yo Rally for Democracy and Progress (RDP) oya li ya gandja omanyenyeto kOmpangu ya Mengestrata kombinga yomadhina ge li 42 omanga Swapo a ningi omanyenyeto ge li 12,” Omukuluntuwiliki gwOshikondo shOmahogololo Phillemon Kanime osho a popi.”Swapo okwa li ashike a ningi omanyenyeto momasiku 26 ga Febuluali na okwa li kwa toka omanga RDP a ningi omanyenyeto kombinga yomadhina ge li molista lwopomasiku 17 ga Febuluali,” Kanime ta gwedha po ngaaka.Okwa ekeheli omapopyo kutya omusholondondo nguka opo ashike gwa gandjwa omasiku ga zi ko.Kanime okwa ti paveta yOmahogololo, Mengestrata oku na okutala kutya aantu mboka omadhina gawo taga nyenyetwa kutya otaya ti ngiini, muule womasiku 15 konima sho kwa ningwa omanyenyeto kombinga yawo.Aantu mbaka oya li nee ye na okupopya ngele shili oye li aakalimo yomOmuthiya na oyi ishangitha pethimbo ndyoka lyu uthwa.Ngele nee shika osha ningwa, Mengestrata ota ka ninga nee etokolo okukutha mo omadhina gaantu mboka momusholondondo nenge a ekelehi omanyenyeto ngoka ga ningwa koopaati, ngele osha monika mo kutya aantu mboka oye li shili aakalimo yomOmuthiya na oyi ishangitha pethimbo.Kepulo, Ngoloneya gwoshitopolwa sha Shikoto Penda ya Ndakolo okwa ti ye ke uvitile nayi etsiliko lyomahogololo ngaka.Ta ti, eundulilo komeho lyomahogololo ngaka sha zi pomanyenyeto goongundu, otashi ulike kutya aantu oye na oonkondo.”Mbuka uundemokoli,” Ya Ndakolo ta popi ngaaka.”Andola omahogololo oga ningilwe mEtitano, oga li tuu taga kala ge li pauyuuki? Tu tegeleleni Mengestrata a ningi etokolo,” Ya Ndakolo ta tsikile ko.Omupevipresidende gwo DTA Filemon Moongo okwa ti ye okwa haluka okuuva kutya omahogololo ogu undulilwa komeho.”Shika kashi li pauyuuki koongundu dhilwe ndhoka tadhi kutha wo ombinga noshi li wo ehepeko lyoshimaliwa.Ngashiingeyi otashi ka pula ECN oshimaliwa oshindji okufala omahogololo kesiku limwe,” Moongo ta popi.Moongo okwa popi wo kutya iilyo yongundu yawo moshitopolwa sha Muthiya oya kala nokuthindilwa kongudhi, ihe ina gandja uuyelele wi ihwapo mu shika.”Ngele onda gandja uuyelele wi ihwapo, aantu yetu otaya ka ponokelwa,” Moongo ta popi.Manga omahogololo ngaka ga li ge li popepi, opwa kala omakuyunguto taga inyenge nomanyenyeto kutya omakuto gaanambelewa mboka ya shanga aantu inaga enda pauyuuki.Olista ndjika oya li ya gandjwa kOmpangu ya Mengestrata pOndangwa okuza momasiku 12 ga Febuluali.”Ongundu yompilemano yo Rally for Democracy and Progress (RDP) oya li ya gandja omanyenyeto kOmpangu ya Mengestrata kombinga yomadhina ge li 42 omanga Swapo a ningi omanyenyeto ge li 12,” Omukuluntuwiliki gwOshikondo shOmahogololo Phillemon Kanime osho a popi.”Swapo okwa li ashike a ningi omanyenyeto momasiku 26 ga Febuluali na okwa li kwa toka omanga RDP a ningi omanyenyeto kombinga yomadhina ge li molista lwopomasiku 17 ga Febuluali,” Kanime ta gwedha po ngaaka.Okwa ekeheli omapopyo kutya omusholondondo nguka opo ashike gwa gandjwa omasiku ga zi ko. Kanime okwa ti paveta yOmahogololo, Mengestrata oku na okutala kutya aantu mboka omadhina gawo taga nyenyetwa kutya otaya ti ngiini, muule womasiku 15 konima sho kwa ningwa omanyenyeto kombinga yawo.Aantu mbaka oya li nee ye na okupopya ngele shili oye li aakalimo yomOmuthiya na oyi ishangitha pethimbo ndyoka lyu uthwa.Ngele nee shika osha ningwa, Mengestrata ota ka ninga nee etokolo okukutha mo omadhina gaantu mboka momusholondondo nenge a ekelehi omanyenyeto ngoka ga ningwa koopaati, ngele osha monika mo kutya aantu mboka oye li shili aakalimo yomOmuthiya na oyi ishangitha pethimbo.Kepulo, Ngoloneya gwoshitopolwa sha Shikoto Penda ya Ndakolo okwa ti ye ke uvitile nayi etsiliko lyomahogololo ngaka.Ta ti, eundulilo komeho lyomahogololo ngaka sha zi pomanyenyeto goongundu, otashi ulike kutya aantu oye na oonkondo.”Mbuka uundemokoli,” Ya Ndakolo ta popi ngaaka.”Andola omahogololo oga ningilwe mEtitano, oga li tuu taga kala ge li pauyuuki? Tu tegeleleni Mengestrata a ningi etokolo,” Ya Ndakolo ta tsikile ko.Omupevipresidende gwo DTA Filemon Moongo okwa ti ye okwa haluka okuuva kutya omahogololo ogu undulilwa komeho.”Shika kashi li pauyuuki koongundu dhilwe ndhoka tadhi kutha wo ombinga noshi li wo ehepeko lyoshimaliwa.Ngashiingeyi otashi ka pula ECN oshimaliwa oshindji okufala omahogololo kesiku limwe,” Moongo ta popi.Moongo okwa popi wo kutya iilyo yongundu yawo moshitopolwa sha Muthiya oya kala nokuthindilwa kongudhi, ihe ina gandja uuyelele wi ihwapo mu shika.”Ngele onda gandja uuyelele wi ihwapo, aantu yetu otaya ka ponokelwa,” Moongo ta popi.Manga omahogololo ngaka ga li ge li popepi, opwa kala omakuyunguto taga inyenge nomanyenyeto kutya omakuto gaanambelewa mboka ya shanga aantu inaga enda pauyuuki.