Omahogololo goCoD ga ekelwahi

O MAHOGOLOLO gewiliko lyongundu yompilameno yoCongress of Democrats (CoD) ngoka ga li ga ningwa poKeetmanshoop mu Mei nuumvo oga ekelwahi – molwuulingilingi mboka taku popiwa wa ningwa hoka.

Ewiliko lyopakathimbo otali ka tameka iilonga yalyo muule womasiku omashona lela sigo okesiku ndyoka taku ka ningwa omahogololo mokongresa. Oshinima shika otashi ti nee kutya, Omupresidende Ben Ulenga, amushanga-ndjayi Rosa Namises nosho wo Omunashipundi gwopashigwana Tsudao Gurirab mboka ayehe ya li ya hogololwa pethimbo lyokongresa poKeetmanshoop, itaya ka kala we aawiliki okuza nena kongulohi.Otashi vulika wo okomitiye ndjika yopakathimbo itayi ka kwatela mo mboka ya shaina etsokumweuvathano ndyoka lya shainwa (mewiliko lyokakomitiye hoka kali taka konakona ngele opwa li shili uulingilingi momahogololo ngoka) pokati koongundu mbali dhoCoD tadhi kondjithathana.Mboka ya shaina omushangwa ngoka oyo nee ngaashi; Ulenga, Gurirab, Namises na Natji Tjizera, omanga kombinga onkwawo, kwa zile Ignatius Shixwameni, Nora Schimming-Chase, Kala Gertz na Elma Dienda.Oongundu ndhika mbali, ndjoka yaayambidhidhi ya Ulenga nosho wo ndjoka tayi kwatelwa komeho ku Shixwameni, mEtitani lya zi ko odha li dha zimine okuya komeho nokakomitiye kopakathimbo – pethimbo ya li moshigongi shoowili mbali netata shoka sha li sha mewiliko lyomunashipundi Clement Daniels.”Ngashiingeyi oongundu ndhika mbali otadhi gandja omadhina gaantu yatatu omutenya gwEtiyali (ohela) kopanela (kokakomitiye) hoka kaningi omakonakono moshinima shika,” Daniels ta lombwele ngaaka The Namibian mOmaandaha.”Ongulohi yEtiyali (ohela), okomitiye yomakonakono otayi ka tsakanena naaulikwa mboka yahamano opo ya ka hogolole omunashipundi gwawo, nosho wo oku thaneka nkene ye na okuya komeho sigo taku longekidhwa okongresa moka tamu ka hogololwa aawiliki aape yongundu,” Daniels ta popi ishewe ngaaka mOmaandaha.Oshigongi shoka shEtiyali (ohela) otashi ka hulitha po wo iilonga yokomitiye ndjika (yokomitiye ndjoka ya li tayi ningi omakonakono).Okomitiye ndjika yokuninga omakonakono oya li ya ulikwa konima yomapopyo kutya opwa li uulingilingi pethimbo lyomahogololo gaawiliki yongundu pokongresa ndjoka ya li ya ningilwa poKeetmanshoop konyala oomwedhi ndatu dha zi ko.”Okakomitiye hoka oka mono kutya opwa li uulingilingi nekengelelo …nomolwashoka, oke wete nee kutya opu na uumbangi tau opalele opo iizemo mbika yi ekelwehi,” okangundu hoka ka li taka ningi omakonakono oshi ka li ka popi ngaaka omathimbo ga zi ko.Okangundu oka ningi wo epopilo kutya omahogololo ngoka naga ekelwehi.Eyamukulo ndika lyokakomitiye hoka olya li lya taambiwa ko nomaako gaali kongundu ya Shixwameni.Nando nee kapwa li naanaa uuyelele kombinga yaashoka sha li shi ikundwa moshigongi shoka shomOmaandaha, The Namibian okwa li a yakelwa ko koonzo dhi shi okwiinekelwa kutya oya zimine neikwato pomutima omukalo gwokuya komeho.”Ongundu ya Ulenga oyali tayi popi kutya iizemo yomakonakono oya pumbwa natango oku nkondopekwa nuuyelele wulwe molwashoka pethimbo ndika “inayi ihwapo”, onzo yimwe yi li popepi noCoD osho ya li ya popi mehuliloshiwike.Pahokololo lyonzo ndjika, “osha li wo oshidhigu kuyo oku taamba ko okatendo okati 7 komomulanduveta gwokakomitiye kokuninga omakonakono hoka taka ti kutya ngele opwa monika uulingilingi wa longwa pethimbo lyomahogololo gokongresa poKeetmanshoop, ewiliko lyoCoD otali ki ikutha miilonga.”Okakomitiye nenge tutye ‘opanela’ ndjoka oya gandja iizemo yaashoka ya mona po kopaati mOmaandaha goshiwike sha zi ko.Kepulo ngele Ulenga, Namises na Gurirab oyi ikutha tuu shili miilonga ngaashi sha uvathanwa pethimbo openela ndjika ya tulwa miilonga omwedhi gwa zi ko, Daniels okwa yamukula owala ta ti: “Oongundu adhihe mbali odha zimine kutya omahogololo naga ekelwehi pakatendo okati 7.Ulenga ota kala omupresidende gwopaati sigo taku ningwa oshigongi uusiku weEtiyali.”Ulenga okwa lombwele The Namibian kutya ita vulu okugandja komenda ye kombinga yoshigongi shomEtitano shoka sha ningilwa poombelewa dhOngongahangano yOongeleki mu Namibia (CCN) mOvenduka.”Otwa tsakanena mEtitano notwa zimine ishewe okutsakanena mEtiyali,” oyo owala iitya mbyoka Ulenga a li ta vulu okupopya mOmaandaha.Metine lya zi ko, omunashipundi gwopashigwana Tsudao Gurirab okwa li a dhiki oonyala mevi kutya “kamu na sha molopota yomakonakono,” ta ti pamadhiladhilo ge, opanela inayi mona po sha kombinga yomapopyo kutya opwa li uulingilingi pethimbo lyomahogololo gewiliko lyoCoD pokongresa yawo poKeetmanshoop.Shixwameni ngoka e li omuwiliki gwongundu ndjoka yi li ompinge nokuhogololwa kwa Ulenga newiliko lye, okwa popi kutya opanela oya longa iilonga yawo ngaashi naanaa sha li sha uvathanwa.Oshinima shika otashi ti nee kutya, Omupresidende Ben Ulenga, amushanga-ndjayi Rosa Namises nosho wo Omunashipundi gwopashigwana Tsudao Gurirab mboka ayehe ya li ya hogololwa pethimbo lyokongresa poKeetmanshoop, itaya ka kala we aawiliki okuza nena kongulohi.Otashi vulika wo okomitiye ndjika yopakathimbo itayi ka kwatela mo mboka ya shaina etsokumweuvathano ndyoka lya shainwa (mewiliko lyokakomitiye hoka kali taka konakona ngele opwa li shili uulingilingi momahogololo ngoka) pokati koongundu mbali dhoCoD tadhi kondjithathana.Mboka ya shaina omushangwa ngoka oyo nee ngaashi; Ulenga, Gurirab, Namises na Natji Tjizera, omanga kombinga onkwawo, kwa zile Ignatius Shixwameni, Nora Schimming-Chase, Kala Gertz na Elma Dienda.Oongundu ndhika mbali, ndjoka yaayambidhidhi ya Ulenga nosho wo ndjoka tayi kwatelwa komeho ku Shixwameni, mEtitani lya zi ko odha li dha zimine okuya komeho nokakomitiye kopakathimbo – pethimbo ya li moshigongi shoowili mbali netata shoka sha li sha mewiliko lyomunashipundi Clement Daniels.”Ngashiingeyi oongundu ndhika mbali otadhi gandja omadhina gaantu yatatu omutenya gwEtiyali (ohela) kopanela (kokakomitiye) hoka kaningi omakonakono moshinima shika,” Daniels ta lombwele ngaaka The Namibian mOmaandaha.”Ongulohi yEtiyali (ohela), okomitiye yomakonakono otayi ka tsakanena naaulikwa mboka yahamano opo ya ka hogolole omunashipundi gwawo, nosho wo oku thaneka nkene ye na okuya komeho sigo taku longekidhwa okongresa moka tamu ka hogololwa aawiliki aape yongundu,” Daniels ta popi ishewe ngaaka mOmaandaha.Oshigongi shoka shEtiyali (ohela) otashi ka hulitha po wo iilonga yokomitiye ndjika (yokomitiye ndjoka ya li tayi ningi omakonakono).Okomitiye ndjika yokuninga omakonakono oya li ya ulikwa konima yomapopyo kutya opwa li uulingilingi pethimbo lyomahogololo gaawiliki yongundu pokongresa ndjoka ya li ya ningilwa poKeetmanshoop konyala oomwedhi ndatu dha zi ko.”Okakomitiye hoka oka mono kutya opwa li uulingilingi nekengelelo …nomolwashoka, oke wete nee kutya opu na uumbangi tau opalele opo iizemo mbika yi ekelwehi,” okangundu hoka ka li taka ningi omakonakono oshi ka li ka popi ngaaka omathimbo ga zi ko.Okangundu oka ningi wo epopilo kutya omahogololo ngoka naga ekelwehi.Eyamukulo ndika lyokakomitiye hoka olya li lya taambiwa ko nomaako gaali kongundu ya Shixwameni.Nando nee kapwa li naanaa uuyelele kombinga yaashoka sha li shi ikundwa moshigongi shoka shomOmaandaha, The Namibian okwa li a yakelwa ko koonzo dhi shi okwiinekelwa kutya oya zimine neikwato pomutima omukalo gwokuya komeho.”Ongundu ya Ulenga oyali tayi popi kutya iizemo yomakonakono oya pumbwa natango oku nkondopekwa nuuyelele wulwe molwashoka pethimbo ndika “inayi ihwapo”, onzo yimwe yi li popepi noCoD osho ya li ya popi mehuliloshiwike.Pahokololo lyonzo ndjika, “osha li wo oshidhigu kuyo oku taamba ko okatendo okati 7 komomulanduveta gwokakomitiye kokuninga omakonakono hoka taka ti kutya ngele opwa monika uulingilingi wa longwa pethimbo lyomahogololo gokongresa poKeetmanshoop, ewiliko lyoCoD otali ki ikutha miilonga.”Okakomitiye nenge tutye ‘opanela’ ndjoka oya gandja iizemo yaashoka ya mona po kopaati mOmaandaha goshiwike sha zi ko.Kepulo ngele Ulenga, Namises na Gurirab oyi ikutha tuu shili miilonga ngaashi sha uvathanwa pethimbo openela ndjika ya tulwa miilonga omwedhi gwa zi ko, Daniels okwa yamukula owala ta ti: “Oongundu adhihe mbali odha zimine kutya omahogololo naga ekelwehi pakatendo okati 7.Ulenga ota kala omupresidende gwopaati sigo taku ningwa oshigongi uusiku weEtiyali.”Ulenga okwa lombwele The Namibian kutya ita vulu okugandja komenda ye kombinga yoshigongi shomEtitano shoka sha ningilwa poombelewa dhOngongahangano yOongeleki mu Namibia (CCN) mOvenduka.”Otwa tsakanena mEtitano notwa zimine ishewe okutsakanena mEtiyali,” oyo owala iitya mbyoka Ulenga a li ta vulu okupopya mOmaandaha.Metine lya zi ko, omunashipundi gwopashigwana Tsudao Gurirab okwa li a dhiki oonyala mevi kutya “kamu na sha molopota yomakonakono,” ta ti pamadhiladhilo ge, opanela inayi mona po sha kombinga yomapopyo kutya opwa li uulingilingi pethimbo lyomahogololo gewiliko lyoCoD pokongresa yawo poKeetmanshoop.Shixwameni ngoka e li omuwiliki gwongundu ndjoka yi li ompinge nokuhogololwa kwa Ulenga newiliko lye, okwa popi kutya opanela oya longa iilonga yawo ngaashi naanaa sha li sha uvathanwa.