Omahangano gaaniilonga taga kondjele aayunguli poShoprite

EHANGANO lya Namibia Food and Allied Workers Union[Nafau]naandyoka lya Namibia Wholesale Workers Union[NWRWU] oge li mekondjo, taga kondjele uuthemba woku kalelapo aaniilonga mboka haya longele oongeshefa dha ShopriteCheckers.

Nafau okwa lundile NWRWU kutya okwa ninga euvathano lyokukalelapo aaniilonga yomoongeshefa ndhoka lyanika uulingilingi, na aniwa olya tulapo omatseyitho pomahala gomatseyitho moongeshefa ndhoka kutya lyo olyo ekalelipo lyaaniilonga mboka. Amushanga gwa Nafau, Kiros Sakarias okwa shangele iitayi ayihe yehangano lye noshowo pehala lyomatseyitho ta popi elundilo ndyoka kutya NWRWU okwa tulapo euvathanoi lyokukalelapo aaniilonga lyaali mondjila.Omuwiliki gwoongeshefa dha Shoprite pashitopolwa,Karen Smith okwa lombwele ewiliko lyiitayi ngeshefa ayihe ya Shoprite opo yaa longithe omushangwa gwa Kiros Sakarias oshoka aniwa otagu pukitha gwoka gu li mondjila. Pahapu dha Smith ehangano lye na NWRWU oya koleke euvathano momasiku 10 Juli 2010 oku gwedhela oondjambi nooperesenda 10. Naashika otashi ti aaniilonga ayehe mwakwatelwa naamboka ya Nafau otaya ka pewa egwedhelo ndyoka. Ndele momasiku 23 Juli 2010, Nafau okwa indile elombwelo lyopaveta ndyoka lya indike opo iilyo ya Nafau yaa taambe egwedhelo ndyoka. Smith okwa ti Shoprite ina ninga euvathano lya nika uulingilingi naNWRWU, nokwa ti omalundilo ngoka ogo omawinayi unene.Okwa ti euvathano etiyali olya li lya ningwa mu Novemba 2010, moka ehangano NWRWU lyati aaniilonga ayehe mboka ya li ya patelwa pondje yegwedhelo ndika oyena oku pewa egwedhelo ndyoka momwedhi ngoka momumvo 2010.Ndele egwedhelo ndika kalya li lya pewa aaniilonga sigo oompaka omolwa elombwelo lyohofa ndyoka.Sakarias okwa ti shoka eshi ooshoka kutya euvathano ndyoka tali popiwa ota li ipulwa nalyo, nehangano lye otali kondjitha oshinima shika okuza tuu omumvo ngoka gwo 2010.Sakarias okwa ti NWRWU okwa shaina euvathano ndyoka pwaana etsokumwe, a ti ehangano ndyoka oli na ashike omuntu gumwe. Okwa ti yo otaya longo noonkondo opo yuulikile aaniilonga kutya NWRWU ine ya kalelapo. Okwa ti ishewe ehangano lye ita li ningi omauvaneko gowala.Amushangandjayi gwa NWRWU, Victor Hamunyela okwa ekelehi omipopyo dha Sakarias, a ti shoka osho ashike opolitika. Okwa ti aaniilonga oye na uuthemba oku hogolola ehangano ndyoka ya hala li ya kalelepo, nishewe ehangano ndyoka lye yakalepo olina okukala linasha noshitopolwa moka mbaka haya longo. Okwa kumike aaniilonga yiitaale muNWRWU oshoka ndika olili moshitopolwa shomalanditho ndele hashiikulya ngaashi ndyoka lya Nafau.Sakarias monkambadhala ye opo ehangano lye li kalelepo aaniilonga moongeshefa ndhoka okwa indile iitayi yomahangano ngoka opo yi konge iilyo moositola dho Shoprite meendelelo.Hamunyela okwa ti Nafau okwa kanitha eyambidhidho lyaaniilonga oyendji moma 2010 na NWRWU okwa mono iilyo oyindji, onkene oye a ningi euvathano lyegwedhelo lyoondjambi noongeshefa dha Shoprite lyooperesenda 10 kwaayehe mwakwatelwa iilyo ya Nafau.Okwa koleke kutya Komufala gwaaniilonga, Bro-Mathew Shingwadja okwa koleka woo kutya NWRWU oye ena eyambidhidho enene maaniilonga yomooShopriteCheckers.Hamunyela okwa ti elombwelo ndyoka Nafau a gandja kutya iilyo yehangano ndyoka na yi gandje oonomola dhawo dhuumbo wombaanga opo li ya fute oondjambi dhawo dhili konima kali shi lyoshili.Okwa ti NWRWU okwa kundathanene egwedhelo lyooperesenda 12 omumvo 2011/2012 negwedhelo lyomumvo 2012/13 olyo ooperesenda 6,1.