Omaashinga onene yaalongi nena

OMOLU okugeela Epangelo inali hala oku ya futa noku ya pa omauwanawa gawo gopailonga ngashi sha ndjandjukununwa momukanda gwa WASCOM, aalongisikola ayehe moshilongo ashihe oya tokola okumaashinga nena nokuholola omadhilaadhilo gawo moshinima shika.

Aalongisikola yomOshitopolwa sha Shana oya gongalele mOlyomakaya ga zi ko mOseko yOpombanda yIipumbu mOshakati, moka ya kundathana oshinima shetindo lyoku ya futa nosho wo shoka shehololomadhilaadhilo. Omunambelewa mOshikondo shElelo lya NANTU mOshitopolwa shomOnooli Victor Hamunyela, ngoka a popitha aalongisikola mbaka, okwa ti Epangelo olya hala okuhenuka efuto lyaalongisikola nosho wo oku ya pa omauwanawa gawo gopailonga ngashi sha li sha ndjandjukununwa moWASCOM nokuuvathanwa wo nEhangano lya NANTU kutya aalongisikola naya futwe iimaliwa yawo nokupewa omauwanawa gawo.Hamunyela ta ti kutya NANTU nEpangelo mu Januali omumvo gwa zi ko oya uvathanene kutya aalongisikola otaya ka futwa nokupewa omauwanawa, ashike pokati mpoka Epangelo olye ke ya tali ti kutya omagwedhelo goondjambi negandjo lyomauwanawa gaalongi kali po we oshoka kapu na iimaliwa.Onkundana yatya ngeyi oya uvithanayi NANTU naalongiskola noya lombwele Epangelo kutya oshinima shokutya kapu na we egwedhelo lyaalongisikola molwashoka kapu na iimaliwa, kashi li pauyuki na itashi idhidhimikilwa nande.Aalongisikola yomOshitopolwa sha Khomas mOvenduka, oya gandjele nale etokolo lyawo kutya ngele Epangelo itali futu aalongisikola ngashi sha uvathanwa, nena otaya ka katuka oonkatu.Oshigongi shaalongisikola yomOshitopolwa sha Shana shoka sha ningilwa mOseko yIipumbu mOlyomakaya ga zi ko mewiliko lyomusamane Hamunyela, aalongisikola mboka ya li mo, oyendji lela, nayo oya tokola kutya ekatukonkatu nali ye komeho.Hamunyela okwa ti kutya konima yEhololomadhilaadhilo ndika lyonena, ngele Epangelo natango inali hala, nena aalongisikola otaya ka ninga ekanka, sigo Epangelo tali ya yamukula shi li nawa.Ano, osha yela nee kutya nena konima yootundi, aalongisikola ayehe mu Namibia, mIitopolwa yawo, otaya ka maashinga ya uka kOombelewa dhOogavena yomIitopolwa yawo, hoka taya ka gandja oombapila dhomanyenyeto gawo kOogavena yiitopolwa yawo, opo ye ke dhi fale kEpangelo.MOshana, Hamunyela okwa ti kutya, engathithi enene lyaalongisikola, ye li 1800 nasha, otali ka za pOkonde/Spar No3 lwopOkagongo kAambalantu, lya thinda kOombelewa dha Gavena mOshakati, hoka taya ka gandja Opetishena yawo yaashoka ya hala shi ningwe po kEpangelo.Aalongisikola ye vulithe pomayovi gaali yomOshitopolwa sha Musati, otaya ka maashinga mOutapi, moka taya ka gandja opetishena yawo ku Gavena ya Musati.Aalongisikola yomOshitopolwa sha Hangwena nosha Shikoto, otaya shakene pOmuthiya gwIipundi moka taya ka maashinga kumwe ya thinda kOmbelewa ya Gavena ya Shikoto tate Penda ya Ndakolo, hoka wo taku ka kala Gavena ya Hangwena tate Usko Nghaamwa.Gavena Ndakolo otaka taamba ko Opetishena yaalongisikola yomOshikoto, omanga Gavena ya Hangwena tate Nghaamwa taka taamba ko Opetishena yaalongisikola yomOshitopolwa she sha Hangwena.Aalongisikola yomIitopolwa ayihe moNamibia, nayo otaya ka maashinga nokugandja Oopetishena dhawo ndhika kOongoloneya yawo, ye ke dhi gandje kEpangelo, ano kUuministeli wElongo.Tate Hamunyela, moshigongi moka, okwa popi wo ta ti kutya opwa kala pu na omatilitho taga zilile ku yamwe yomIikondo yEpangelo mbyoka yi na sha negameno lyoshilongo, ga ukithwa kaakuluntu yoNANTU, kutya inaya hongaitha aalongisikola.”Tse otatu kondjele omauthemba getu ngashi ga ndjandjukununwa mEkotampango lya Namibia na itatu ka etha tu tilithwe ngawo.”Hamunyela ta ti nokugwedha po kutya, mboka tatu kondjo nayo moshinima shika naya kale ye shi shi kutya otaya kondjo nEhangano lya kola.Ano ta ti kutya NANTU, Ehangano lya kola, lya thikama maaputudhi yoshigwana.Aavali naanasikola nayo oya indilwa wo ya ka maashinge pamwe naalongisikola yawo mbaka.Omunambelewa mOshikondo shElelo lya NANTU mOshitopolwa shomOnooli Victor Hamunyela, ngoka a popitha aalongisikola mbaka, okwa ti Epangelo olya hala okuhenuka efuto lyaalongisikola nosho wo oku ya pa omauwanawa gawo gopailonga ngashi sha li sha ndjandjukununwa moWASCOM nokuuvathanwa wo nEhangano lya NANTU kutya aalongisikola naya futwe iimaliwa yawo nokupewa omauwanawa gawo.Hamunyela ta ti kutya NANTU nEpangelo mu Januali omumvo gwa zi ko oya uvathanene kutya aalongisikola otaya ka futwa nokupewa omauwanawa, ashike pokati mpoka Epangelo olye ke ya tali ti kutya omagwedhelo goondjambi negandjo lyomauwanawa gaalongi kali po we oshoka kapu na iimaliwa.Onkundana yatya ngeyi oya uvithanayi NANTU naalongiskola noya lombwele Epangelo kutya oshinima shokutya kapu na we egwedhelo lyaalongisikola molwashoka kapu na iimaliwa, kashi li pauyuki na itashi idhidhimikilwa nande.Aalongisikola yomOshitopolwa sha Khomas mOvenduka, oya gandjele nale etokolo lyawo kutya ngele Epangelo itali futu aalongisikola ngashi sha uvathanwa, nena otaya ka katuka oonkatu.Oshigongi shaalongisikola yomOshitopolwa sha Shana shoka sha ningilwa mOseko yIipumbu mOlyomakaya ga zi ko mewiliko lyomusamane Hamunyela, aalongisikola mboka ya li mo, oyendji lela, nayo oya tokola kutya ekatukonkatu nali ye komeho.Hamunyela okwa ti kutya konima yEhololomadhilaadhilo ndika lyonena, ngele Epangelo natango inali hala, nena aalongisikola otaya ka ninga ekanka, sigo Epangelo tali ya yamukula shi li nawa.Ano, osha yela nee kutya nena konima yootundi, aalongisikola ayehe mu Namibia, mIitopolwa yawo, otaya ka maashinga ya uka kOombelewa dhOogavena yomIitopolwa yawo, hoka taya ka gandja oombapila dhomanyenyeto gawo kOogavena yiitopolwa yawo, opo ye ke dhi fale kEpangelo.MOshana, Hamunyela okwa ti kutya, engathithi enene lyaalongisikola, ye li 1800 nasha, otali ka za pOkonde/Spar No3 lwopOkagongo kAambalantu, lya thinda kOombelewa dha Gavena mOshakati, hoka taya ka gandja Opetishena yawo yaashoka ya hala shi ningwe po kEpangelo.Aalongisikola ye vulithe pomayovi gaali yomOshitopolwa sha Musati, otaya ka maashinga mOutapi, moka taya ka gandja opetishena yawo ku Gavena ya Musati.Aalongisikola yomOshitopolwa sha Hangwena nosha Shikoto, otaya shakene pOmuthiya gwIipundi moka taya ka maashinga kumwe ya thinda kOmbelewa ya Gavena ya Shikoto tate Penda ya Ndakolo, hoka wo taku ka kala Gavena ya Hangwena tate Usko Nghaamwa.Gavena Ndakolo otaka taamba ko Opetishena yaalongisikola yomOshikoto, omanga Gavena ya Hangwena tate Nghaamwa taka taamba ko Opetishena yaalongisikola yomOshitopolwa she sha Hangwena.Aalongisikola yomIitopolwa ayihe moNamibia, nayo otaya ka maashinga nokugandja Oopetishena dhawo ndhika kOongoloneya yawo, ye ke dhi gandje kEpangelo, ano kUuministeli wElongo.Tate Hamunyela, moshigongi moka, okwa popi wo ta ti kutya opwa kala pu na omatilitho taga zilile ku yamwe yomIikondo yEpangelo mbyoka yi na sha negameno lyoshilongo, ga ukithwa kaakuluntu yoNANTU, kutya inaya hongaitha aalongisikola.”Tse otatu kondjele omauthemba getu ngashi ga ndjandjukununwa mEkotampango lya Namibia na itatu ka etha tu tilithwe ngawo.”Hamunyela ta ti nokugwedha po kutya, mboka tatu kondjo nayo moshinima shika naya kale ye shi shi kutya otaya kondjo nEhangano lya kola.Ano ta ti kutya NANTU, Ehangano lya kola, lya thikama maaputudhi yoshigwana.Aavali naanasikola nayo oya indilwa wo ya ka maashinge pamwe naalongisikola yawo mbaka.