Olutu lwiimweno lwa gandja esimaneko kaaholi yomiti

AANAMIBIA mboka yena ohole nomudhingoloko, noya longo noonkondo oku kaleka po omiti niihwa noshowo okukeelela omiti dhaa tetwepo oya pandulwa molwa iilonga yawo mbika.

Epapa lyopombanda olya pewa, Gypsy Grewar mwene gwoshitaasi shomahooli sha Klein Windhoke molwaashoka okwa siloshimpwiyu omuthiya gu li poshitaasi shika. Omuti nguka ota ku tiwa ogu na oomvula omathele gaali. Omithiya omiti dha gamenwa na kadhi na okutetwa po nando.Anthony Watkins gwiikunino ya Venduka okwa pewa epole lyomiti molwaashoka aaniilonga ye oya tsike omiti odhindji pomatsakaneno goondjila okuya kokapale koondhila ka Hosea Kutako nehala ndika olya kalekwa ngaashi lili.Ehala ndika ha li ithanwa Sonnleiten oli li konyala ookilometa 30 kuuzilo waVenduka.Omutungi Niklaas Coetzee okwa pewa epapa sho a thaneke po ehala lyokuvululukilwa konima yokuthigapo, iilonga lyakundukidha uushitwe mbuka.Omutseyi nawa gwomiti ye oye a eta po ondungethaneko yomapapa ngaka Luise Hoffman okwa popi sha kombinga yomaludhi gomiti.Omapapa kombinga yomiti oha ga gandjwa aluhe momwedhi 10 omvula kehe, okweetapo euveko kombinga yongushu yomiti noshowo kuuwanawa womiti ndhoka dhomoshilongo shika noshowo iihwa yamo. Elalakano olyo okukumika aathaneki yomatungo naatungi yomatungo aluhe ya kale ya tala nkene ta ya tungu omatungo shiikwatelela kiihwa noshowo kiimeno mbyoka ta yi adhika pomudhingoloko ngoka. Okuhupitha omiti pethimbo lyetungo ota shi ningi kutya oonakulongitha etungo ndika otaya kala nale taa vulu okukala nomunzile peha lyokukuna ishewe omiti ndhoka hadhi kwata ethimbo noshowo iimaliwa mokulongitha omeya.Pahapu dha Hofman omiti dhomoshilongo oha dhi hupu muukukutu oshoka odhi igilila ombepo yatya ngeyika.Omiti dhaamuka otadhi ningi uushitwe wa Namibia wii ilile.Pakonakono lya Robert Taylor Housing Project moChigago shAmerika oprojeka onene nene yokutunga omagumbo oya ulike kutya omiti oha dhi shonopeke uuhwapindi womomagumbo noshowo elongitho lyoonkondo kuunona.Omakonakono gamwe ota ga ti aavu mboka ta ya ehama ndele oha ya tala pondje pena omiti oha ya aluka mbala okuyeleka naamboka kaye na omiti oko ya tale. Pakonakono lyokutunga omagumbo moChicago shAmerika muni gwoshilando shoka okwa ti ota ka longitha oodola dhoomiliona 10 opo a tule omiti omayuvi 20 000 momudhingoloko ngoka.. Omapekapeko otaga ti ishewe uuhwapindi momagumbo ohau kana po uuna pena omiti pondje yomagumbo gawo. Mboka ya pulwa yooperesenda 14 yaampoka kaapena omiti oya ti yamwe oya li yahala okulongitha oonkondo. Omiti oha dhi shonopeke ekudhilo okulonga ongaashi eshigo no hadhi kwata ekudhilo lyoopersenda 50.