IIKUNDANEKI moNamibia ngashingeyi oyi na olutu lwiithikamena nota lu ipangele lwolwene. Olutu nduka olwo ta lu kala noku ungaunga nomanyenyeto ngoka ge na sha niikundaneki.
Olutu ota lu yambidhidhwa koshigongi shoohamushanga yaNamibia.Ombelewa yOmbudsman gwiikundaneki oya egululwa metitano lyayi, pamwe nongundu yoku pulakena omanyenyeto taga ziilile moshigwana shina sha niikundaneki. Omanyenyeto omakwawo ongoka taga pulakenwa ogo ngoka woo taga etwa kaatoolinkundana.Oshinakugwanithwa shokangundu kokupulakena omanyenyeto olyo oku yambidhidha Ombudsman Gwiikundaneki oku tokola kutya enyenyeto kombinga yiikundaneki olili mondjila kutya iikundaneki oya yi pondje yomikankalandu dhoshilonga.Mboka yewete ya ningwa nayi kiikundaneki ngashingeyi oye na omweelo okweeta uudhigu wawo kaa shishi okupita ondjila yokuya kompangu ndjoka yina ondilo.Ombudsman gwiikundaneki, Clemens Daniels okwa ti, nonando aaniilonga yomiikundaneki ohaya longo momudhingoloko guna omashongo omanene, aaniilonga mbaka ngaashi oyaakwawo yomaithano galwe oye na okulonga meni lyomikankalandu dhoshilonga shawo noshowo oye na okulonga paithano.Eshongo limwe enene lya taalela aatoolinkundana olyo ndika oku kalekapo ethikopamwe miinyolwa yawo sha talelwa muuwana woshigwana kombinga yimwe noshowo mokukaleka ko po uuthemba womuntu nemanguluko lyaakwashigwana, kutya nee mbaka oyo paumwene nenge aanambelewa yoshigwana mombinga onkwawo.Okwa ti opo eipangelo mwene li longe, osha simana opo aatoolinkundana ya kale yeshi oshinakugwanithwa shawo, na oshigwana oshina okutseya uuthemba washo ongo aakwashigwana mokushitalela miikundaneki nankene yena okugandja omanyenyeto gawo.Oshiningwanima shika osha li woo sha kalwa kombudsman gwiikundaneki gwa South Africa, Joe Thloloe.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
