Olutu lunasha nelongo lyaSan lwa yumudhwapo

IILYO yoshigwana shaaSan moNamibia oya yumudha po olutu lwelongo moshitopolwa ndoka lwa li lwa mwena uule woomvula dhontumba.

Ongundu wiliki yehangano lyedhina Southern Africa San Education Forum) SASEF, oya li ya hogololwa omwedhi gwa yi konima yoshigongi shomasiku gaali shoka sha li sha kalwa woo kaakalelipo yaaSan ya za koSouth Africa nokoBotswana.Oshigongi shika sha li sha longekidhwa kehangano lyaavalelwamo yomwaalu omushona WIMSA nosha kalwa kaakalelipo konyala 30 osha kundathana nkene elongo lyaantu mbaka ta li hwepopekwa muumbugantu wAfrica.’Osha simana kutya Sasef Namibia okuna omwenyo opo aaSan ya vule okukutha ombinga miinakugwanithwa yelongo lyawo, noshowo oompumbwe dha wo unene tuu sho yo haya popi omalaka ga yooloka.Onkene uunona waaSan owa pumbwa elongo lyokuyele,’ Maria Tharacky Namupala a ti.Pahapu dha Matheus Shimhopileni, omuwilikipakathimbo gwopevi moshimpungu sheshilipaleko lyongushu yelongo, mUuministeli wElongo, Sasef ota vulu okukala ongo olutu lwokudhiladhila muule kombinga yelongo lyaaSan.’Otu na oku tala kesindano noshowo keshongo lyelongo lyaaSan, ngele tashiya koompito dhi thike pamwe melongo.’Omulongwa gumwe omuSan ngoka ti ilongele uulongi moshiputudhilo shaalongi moVenduka Roelien An-aobes gwezimo lyaa Haikom okwa hokolola nkene eende sigo a sindana.’Ondi li mongundu yandje yahugunina ngashingeyi, no ndi inekela otandi ka ninga omulongi mbala , mokukalonga oongundu dhopevi.Ongo omukadhona omuSan onda tsakaneke omashongo ogendji okuza koongundu dhopevi sho aalongwa oyakwetu ya li ya tala ndje ongo omwiilongi nda za maantu ya dhinwa, no ya kala nokuluka ndje omadhina gomusheko. Ngaashi kutya omukadhona gwepando limwe lyoongaku nenge omukwankala, pehala lyokushanga edhina lyandje.Sho a mana ongundu 12 kapwa li ngoka emu pe iilonga onkene okwa tameke okulonga aanona mboka ya li molukanda, pwaana ofuto yasha.Konima Wimsa okwa ka uva shoka ta ya ningi nokweya kwathele niilongitho yelongo lyopetameko.An-aobes oshilyo shehangano Laagundjuka aaHaikom, ndyoka liipyakidhila nokulonga aagundjuka oodansa dhopamuthigululwakalo.Aagundjuka mbaka ohaya kwathele aakulupe yawo okwiishangitha openzela noshowo aanona ya pewe oonzapo dhomavalo.Ongundu oha yi kutha ombinga muudhano wopamithigululwakalo wokomumvo waaSan moBotswana.Okwa ningi eindilo opo e kiilonge uulongi a pitile muWimsa na sho ti ilongo mpoka ina tsakaneka okatongotongo nando olumwe.’Otandi indile kepangelo nokomahangano galwe opo ya kwathele moku tala nawa elongo lyaaSan, molwaashoka elongo oha li eta uuthike pamwe.Okwa kumike aanona naagundjuka yezimo lye yi ilonge ya mana mo yo kaaya suunje nando.’Taleni kungame omuSan, nda longa nuudhiginini, ndili menongelo lyuulongi ngaashi ashike omuntu kehe onkene ote ti shoka wa pumbwa osho owala eitulemo,neidhidhimiko opo wu adhe omalalakano goye.Konyala muumbugantu wAfrica omuna aaSan 100 000 mumboka omayuvi 30 000 oye li moNamibia.Ewilikongundu lya Sasef Namibia ndyoka lya hogololwa oli na Laurentius Davids gwoko NIED omunashipundi, Maria Tharacky Namupala omupevi nashipundi.Cwisa Cwi, omukuluntu sikola gwenongelo lya Nyae-Nyae Village School poTsumkwe, Victoria Haraseb, Sonner Geria.Iilyo iikwawo oyo Awabahe //Hoeseb, Kosmos Katura, Eliakim Kavari, Thomas Nakanyala, Willem Chaka, Menesia Somseb, Kathryn Blakemore Chief Frederick Langman, Jenny Moller, Emanuel Manuela na Gerson Kamatuka.