Oluhepo moNamibia esithahoni Kameeta tati

OMUMBISHOPI Zephania Kameeta okwa ningi eindilo lya shewa kepangelo opo li tule miilonga, omulandu gwokupa aantu shoka ha shi ithanwa iiyemo yopetameko[Basic Income Grant] moshilongo ashihe peha lyokupitika yamwe yomoshigwana yifute yoyene shinene,noomiliona 100, oomiliona 30, na oomiliona 120, ndele kapena ngoka a tulwa miipandeko molwaashika.

Kameeta eindilo ndika okwe li ningi pethimbo lyoshigongi moKatutura oshiwike sha yi, sho a popi kombinga yokorruption, ta uulike kiiningwanima mbika, ya ODC, AVID Investment, noshow nee Teko Trading, ongaashi yimwe yo miiyimbi mbyoka ta yi keelele epangelo lyi kondjithe oluhepo.’Ngele owa hala okusindana momahogololo nena kala wu li nawa noohepele!’ Kameeta a ti sho ahokolola kutya aaNamibia oyo oohepele moshilongo oshiyamba.’’žNgele owa lesha oomanifesto dhoongundu dhi ili dhopolitika ito mono ta ya popi sha kombinga yokutya uunona ota u pewa ngiini iikulya wu lye esiku kehe.Nomoshiwike shika Kameeta ota ti aantu oyendji otaya ka thikama momikweyo omile ya hogolole, oyendji yomuyo otaya thikama ya sa ondjala yamwe ota shi vulika ya kakambuke nookuli molwaashoka oye ni we kondjala manga ya thikama ngaaka momikweyo moka,’ Kameeta ta ulike.Okwa ti oku longa noku kandula po omikundu ndhika nakukale kwoshili ndele ha ma uvaneko ashike molwomahogololo..’žNgame onda li woo omutotimpango na onda kuthile ombinga momahoglolo. Na ondi shishi kutya uuna iikonga yomahogololo ya tameke, aanapolitika oha ya iipula kombinga yoonjdambi ndhoka ta ya ka mona ngele oya mono omawi, iha ya, iipula naanaa kombinga yomilandu noompango andola ndhoka taya ka tula miilonga okukandula po omaupyakadhi.Okwa ti oongundu dhopolitika odha pumbwa oku ukilila oshinima sholuhepo,’Oohepele kadhi na konasha kutya ota mu popi uusosialisme, capatilisme nenge ‘žUUISME’ watya ngiini, shoka yo, ye na na sho osho owala egameno lyuuhupilo, nokutya oshikwiila shesiku ota shi ya zile peni,’Kameeta okwa ukilile epangelo ta ti lyo olya gwa yeke oohepele omahoka komilungu.’žOluhepo osho esithahoni moNamibia oshilongo, moka ta tu iinomo kutya tse aayamba, na oshilongo shi na ashike oomiliona mbali dhaantu.Ota shi isizimikitha omutse kuNamibia nokuuyuni, kutya aantu oyendji oha ya kalala nondjala. Okwa pula kutya omolwashike aaNamibia ye na okulala nondjala, omanga oomiliona hadhi longwa moshilongo okuza moomina dhoshilongo nohadhi tumwa pondje yoshilongo.’Sho pena iikwamina oyindji yithike mpono ongushu yithike peni yoshimaliwa ha yi kuthwa mo moshilongo okuya pondje.?Ondi itaala kutya omina yimwe ashike youraana ota yi vulu okufutila shoka tashi ithanwa oBIG pehala lyoku taamba oprifita ya pitilila.Okwa ti oluhepo olu na okukondjithwa meukililo. Onkene okwa ti epangelo ina li tegelela aapunguli ye, ye moshilongo muka opo ya mweneke oluhepo ngele yo elalakano lyawo enene olyo okuninga oshimaliwa, oshoka yo kaye shi aaniilonga yonkalonawa.Okwa gwedha ko tati manga Namibia ta kambadhala opo a fe iilongo mbyoka iiyamba, oshilongo otashi puka molwaashoka iilongo mbyoka tashi holele yo, oya soshimpwiyu kutya aantu yawo ayehe oye na shagwana.’žOmannga ooperesenda 80 dhaantu moNamibia natango ya hepa ondjodhi 2030 ota yi katsa nuudhigu.Okwa ti ekwathelo lyiikulya olya ndopa okungambeka oluhepo. Onkene okwa ti okupa omuntu kehe iiyemo yopetameko ota shi kwatha .’žOtwa pandula kwaashoka epangelo ta li longo kokugandja iikulya unene tuu konima yefundja. Ndele uupyakadhi owuli mpano kutya, mbika itayi vulu okufutila omunona osikola nenge oshipangelo. Peni aantu iiyemo yopetameko opo ya vule okwiilandela iikulya, nokufutila aanona yawo osikola.Kameeta okwa ulike kutya shoka sha pumbiwa opo oluhepo lu taalelwe shamanamo osho owala ehalo lyopapolitika..’Okwa ti omutengenekothaneko ita gu pupo na iiyemo yopevi ota yi kutha po ashike ooperesenda ntano dhiiyemo yomoshilongo.Shika ota shi ka eta ishewe aantu yi ithikamene molwaashoka oye na sha mondjato..’Piindje oshimaliwa shoka no itashi ka pwapo, na ota shi ka indjipala miikaha yandje.Okwa ti uupyakadhi waaNamibia owo, okwiihola mwene nuufukedhi na okwa indile aantu ya kale ye na omitima dhelunduluko. Okwa ti ando Aanamibia ayehe oya kale haya paathana nena andola ka pe na ngoka ta kala moluhepo.Onkene ina shi talelwa ashike miiyemo yoodola ethele ndele nashi landulwe kukehe omuntu mokukwathelathana.