Okwaa ha lesha ta ku yi moshipala ekondjitho lyekunku lyaH1N1

ONGUNDU yuukalinawa yeilongekidho muunamiti wopaulumompumbwe (NHEMC) ota yi kondjo natango opo uuyelele wu na sha nekunku lyo H1N1 wu adhe omuntu kehe.

Iilonga yawo ota yi dhigupalekwa ko nkalo yo kwaa ha lesha, ndjoka yi li moshigwana shaNamibia nonando ongundu ndjika ota yi longo neitulemo opo yi andjaganeke ontseyo kombinga yuuvu mbuka.Ongundu ndjika oya taamba omaigidho oku za moshigwana tashi pula ku indjipalekwe uuyelele ta shi pitile moradio, unene opo aantu mboka ye li kuushayi ya vule okuuva uuyelele wa tya ngaaka na unene tuu sho shi li oshidhigu oku thikitha omauyelele ngoka hoka.Uuyelele mboka tau pulwa owo kombinga yomandhindhiliko guuvu mbuka, nkene ha wu yandwa nankene ha wu pangwa ngele omuntu okwa kwatwa kuwo.Sigo oompaka omwaalu gwaamboka ya li ya kwatwa kekunku lyoH1N1 ogu li paantu 58 ya kwata miitopolwa 13, oshiningwanima shongashingeyi osho mu kiintu gumwe ngoka a monika uuvu mbuka mOtjozondjupa.Omuntu gumwe okwa si kenku ndika moNamibia. Oyendji yomwaamboka ya li ya kwatwa kekunku lyoH1N1 oya pangwa no ya aluka nale, no ye li yi ipyakidhila niinakugwanithwa yawo yesiku kehe.Poshigongi shongundu ndjika yamwe oya ti piiyelo yopoongamba ngaashi pOshikango ina pa tulwa oombapila odhindji dhomauyelele, ndhoka dhi na oku pewa aatelelipo moshilongo.Aatelelipo oya pumbwa okutseya omandhindhiliko gomukithi nguka nankene ye na oku gu tseyitha kiipangelo.Omunashipundi shongundu ndjika omundohotola Jack Vries okwa ti ‘nonando omauyelele oga gandjwa momaludhi ogendji moshilongo ashihe, natango ota tu taamba omapopyo kutya opu na aantu inaa ya mona natango uuyelele kombinga yuuvu wekunku lyoH1N1.’Vries okwa indile ayehe mboka ya pumbwa uuyelele unene tuu iiyelo poongamba opo ya kwatathane nomundohotola, Bashupi Maloboka mUuministeli Wuukalinawa moshitopolwa shelongo nekwatathano.Opo elongo kombinga yekunku ndika li andjaganekwe, uuministeli owa tameka niikonga yokulonga aanasikola kombinga yuuvu mbu, oshoka ota wu vulu oku taandela mbala moosikola.Vries okwa ti ngashingeyi ethimbo lyokwenye, naangoka wu na ekunku tseya, kutya otashi vulika ndika olyo ekunku lyoH1N1, onkene kehe gumwe ta alukwa ekunku ngashingeyi oku na oku pangwa nomuti gwo Tamiflu.Oshoka kamu na ekunku lyopathimbo, pethimbo ndika.Onkene ngele ope na ngoka a kwatwa kekunku ngoka oku na okupangwa nomuti gwo Tamiflu,ngoka ogwo hagu pangithwa ekunku lyoH1N1.Sigo oompaka oosampula 333 odha tumwa koSouth Africa molwa omakonakono 18 odha kolekwa dhekunku lyopethimbo lyuutalala, 58 odhekunku lyoH1N1 , omanga 208 inaa dhi monikwa sha.Ongundu yoNHEMC oya tegelela natango omayamukulo goosampula 33, omanga ne dha ekelwahi, 12 odha kanithwa koolabora dha SouthAfrica.