Efiku laxuuninwa lokomisi yomahoololo yaNamibia yedina Electroral Commission of Namibia lokulishangifa oukalata vomahoololo okwa li onghela potundi 19h00.
Okomisi oya ti itapa ka kala nande ewedelo lokulishangifa oukalata vomahoololo.
Oshivike sha dja ko okomisi okwa li ya shiivifa kutya oya shangifa ovanhu ve fike po1 315 124 ovo va hanga eedula dokuhoolola moshilongo nosho yo keembelewa doshilongo koilongo imwe, omwaalu ou ou fike peepelesenda 81 dOvanamibia ovo va hanga eedula dokuhoolola.
Omukulunhu womahoololo wokomisi Peter Shaama okwa ti omwaalu owa kalela po ovanhu ve fike po26 869 ovo va kala nokulishangifa keshe efiku okudja momafiku 22 fiyo 27 Juli.
TAVE LIHAKANA
Natango, oThe Namibian Etitatu okwa li ya mona ovanhu tave lihakana okulishangifa komunute waxuuninwa peenhele domalishangifilo oshilongo ashishe.
Omuunganeki wokomisi yomahoololo koshitopolwa shaShana, Amon Haimbangu, Etitatu okomisi oya shangifa omwaalu wovanhu ovo va hanga eedula dokuhoolola moshitopolwahoololo oshivike eshi.
“Otwa shangifa ovanhu vahapu omafiku aa ndee vahapu vomuvo ovanyasha. Onguloshi yEtivali, okwa li twa pata kwa toka lela, shaashi eenhele detu dihapu domalishangifo okwa li di hadi.
“Ovanhu vahapu okwa li ashike tave ya okulishangifa oufiku ile ngee va dimbuka. Otwa udifwa nawa komwaalu wovanhu ovo veya okulishangifa,” Osho a ti ngaho.
Omwaalu wotete wovahoololi ovo ve lishangifa okudja momafiku 03 Juni fiyo 27 Juli, oshitopolwa shaShana oshi li poutitatu moitopolwahoololo oyo i na ovahoololi vahapu ve lishangifa, eshi shi na eepelesenda di dulife 89 dovahoololi ve lishangifa.
Omupiliko wokomisi yomahoololo yaNamibia De Wet Siluka momukanda wokoifo kundaneki okwa li a pula ovanhu aveshe ovo va hanga okuhoolola opo veli shangife oukala vomahoololo omanga efiku laxuuninwa inali fika.
Omunambelewa wehongo lokulishangifa omahoololo koshitopolwahoololo shaZambezi, Sammy Muhau, okwa ti nghee ashike omalishangifo a tamekele, eenhele domalishangifo oda kala dihe na ovanhu, ashike nee, omwaalu owa kala nokuya pombada oivike ivali ya dja ko.
Okwa ti ovakulunhu ovakala nokuuya tete, nosha ka lundulukila kovanyasha omafiku okuuya pexulilo.
“Eengudu o27 moshitopolwahoololo okwa li da wana okuvatela keshe umwe. Ashike nee, ngaashi u shi shi, ovanhu vetu ove hole oinima yokominute daxuuninwa. Paife otave lihakana,” Osho a ti ngaho.
Omwaalu tau i pombada wokulishangifa kwovahoololi natango okwa li vali wa monika kodoolopa yaLuderitz Etitatu.
“Okulishangifa okwa kala taku ende kashona neenghono, ashike shaashi efiku laxuuninwa omongula, otwa kala nokumona ovanhu vahapu,” Omukwateli komesho wongudu yokomisi yomahoololo osho a ti ngaho Etitatu.
MOvenduka, ovanambelewa voECN ponhele yokulishangifila omahoololo poVan Ryn Otja Tjivikua okwa ti okwa itavela kutya okuhoolola naku kale taku dengele.
von Tjavara, omuwiliki ponhele yomalishangifo moKatutura okwa ti ovanhu ova kala nokuuya momwaalu uhapu omafiku twa dja.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
