Oku tsakaneka iikwangodhi ota shi kala nondilo

TELECOM Namibia ota ti ota shi kala nondilo okutsakaneka iikwangodhi ngaashi ta shi uthwa kompango yOmakwatathano.Ehangano ndika olya ti shika oshi na ondilo kutya ngaaka iimaliwa mbyoka yi na okufutwa ita yi vulu okutengenekwa..

Omukalelipo gwopampango gwa Telecom , omusamane Stanley Shanapinda okwa lombwele okangundu ta ka pulakene iiyetwa po yoshigwana kombinga yontotwampango ndjika mOvenduka nokutya iilonga mbika oyi na ondilo lela.Okwa ti omahangano ngoka haga gandja omayamukulo ngaka ngaashi gopainternet, nogo paangodhi ogo ge na okufutila omahala niikwamashina mbyoka ta yi longithwa oku tsakaneka nokupulakena nenge okulesha omauyelele ngoka ta ga ende oku za komuntu gumwe noku ya komukwawo.Okwa ti shika ota shi ti omahangano ngaka oge na okulanda omashina giilonga mbika, okuga pangela ngele oga teka, noshowo oku ga tu la pomuthika uuna ndoka pweya omashina gamwe omape ge ga vule miilonga nomuupe.Shanapinda okwa ti onkene okatokolwa hoka ke na sha nomahala gokupulakenena, na ka lundululwe ka leshe ta ka ti omahala ngaka ogo na ga fute oshimaliwa sha go , ndele ha mahangano ngoka gomakwatathano molwaashoka oofuto ndhika oonene no dhili pomband no ita dhi vulika.Telecom Namibia okwa ti oku na uudhigu kutya ompango ndjika oya mwena ngele tashiya kombinga yethimbo kutya omauyelele ngoka omahangano ge na ota ga pungulwa uule wethimbo li thike peni.Shanapinda okwa ti montotwampango omu na omakondjithathano, ngashi ndyoka ta li ti omahangano gomakwatathano gopangodhi oge na okugandja uuyelele komandiki gokupulakenena oongodhi na yilwe pwaana ombapila yuuthemba. Omanga kombinga yimwe ompango oyo tuu ndjika oya tegelela omhangano ngaka ga kale ge na aaniilonga aa inekelwa na ombapila dha wo dhokupulakena nenge okulesha odho shili.Shika ka shi li nawa molwaashoka ota shi vulika omahangano ngaka ga lundilwe kutya ota ga yi ompango moshipala unene tuu ngele oge na oku konakona omuniilonga gwopendiki lyokupulakena noku kaakena omishangwa, shoka ta shi vulika shi kwate ethimbo oku shininga.’Tse ina tu hala oku kala aaniilonga mbaka konima onga aapolisi’ Shanapinda tati Telecom okwa hala ombapila dhokupulakena nenge okukaakena dhi kale ta dhi popi shoka sha pumbiwa okuningwa kondanda lunde uuna ta dhi pula omahangano gomakwatathano ga gandje omauyelele gontumba nenge gongandi.Ngele shika ina shi ningwa Shanapinda okwa londodha kutya ota shi vulika ehangano lye li falwe kompangu molwaashoka olya yonagula uuthemba wopaumwene woocustomer dha wo.Oocustomer dhetu odhi na uuthemba wopaumwene ngaashi wa shangwa mekotampango lya Namibia.Okwa ti ngele ina pa gandjwa ombapila yi nasha nokupulakena nokutsakaneka nenge okukaakena omauyelele nena epangelo na li kwashilipaleke omahangano kutya olyo ta li ka futa ngele omuntu gumwe okwa tokola a pule oshimaliwa kuTelecom molwaashoka oku uvite a ningwa nayi, sho pamwe ongodhi ye ya pulakenwa nenge oombapila dhe dha patululwa mo.’Tse otu li muudhigu molwaashoka otu na iinakugwanithwa tayi kondjithathana.