Okomisi yomahogololo ya popi sha kombinga yomakuyunguto gopapolitika

OKOMISI yOmahogololo yaNamibia oya pangula iingingwanima yelongitho lyoonkondo mbyoka ya tseyithwa ya ningwa miitopolwa yimwe ya Namibia iiwike ya piti. Omunashipundi shoKomisi omusamane Victor Tonchi okwa ti okomisi ota yi gandja eyambidhidho lya yo komuleli gwoshilongo, kopolisi, komahangano gaakwashigwana noshowo koongundu dhopolitika dhimwe, sho ayehe ya indile opo omakuyunguto ngaka ga mwene po thilu.

Tonchi okwa ti okomisi oya kala ta yi landula iiningwanima yatya ngaaka nomaipulo omanene, onkene oya indile kaaleli yoongundu dhopolitika opo ya pangele aayambidhidhi yawo, yo oya pumbwa okwiiyutha komulandu gweihumbato.Tonchi ina tumbula shuukila kutya oongundu dhi ni ta lombwele opo dhi pangele nokukondolola oongundu dhawo. Ndele oshi wike sha ziko ongundu yoSwapo nongundu yo RDP odha li dhi idhenge mumwe pOutapi pethimbo lyii konga yomahogololo.Oshiwike sha ziko epangelo olya li lya gandja uusama kiilyo yoSwapo mbyoka ya li ya kutha ombinga miikolokosha mbika.Ominista yuuyelele, Joel Kaapanda okwa li a indile mboka yongundu ye nokutya na ya tulepo elongitho lyoonkondo.Omulandu gweihumbato ota gu ti Okomisi yomahogololo oyi na okutuma ooihoyontali yayo yene kiigongi yopolitika, ndele okomisi ota yi ti yo, ka yi na aaniilonga ya gwana opo ya kale ya tuma omutonateli poshigongi kehe.Peha lyoku ninga omapekaapeko yalyo yene, Okomisi oya longitha omiyalu dho Institute of Public Policy research yoshiwike shayi.Mosoondaha Tonchi okwa nyenyetele woo mboka ati oya gandja efano ewinayi kokomisi, kutya kayi na uuyuki na kayi shi kwiinekelwa.Okwa ti okomisi oya pumbwa okupandulwa molwa iilonga yawo iikumithi.