Okomisi yomahogololo ya lumbula aaleshi yo The Namibian uuyelele

AALESHI yoshikundaneki The Namibian oya lumbulwa uuyelele ye u pumbwa kombinga yomaishangitho gaahogololi ga gwedhwapo.

Elumbulo ndika olya ningwa kOkomisi yomahogololo ya Namibia sho ya tokola okwaa ha longa noshifo shika ngele tashiya kokwaandjaganeka omatseyitho kombinga yomahogololo.Iifonkundana yesiku itatu oya pewa omapandja 16 ga gwedhwapo ngoka taga tseyitha omasiku nomahala mpoka ta pa ishangithwa omaishangitho ga gwedhwapo omolwa omahogololo goshigongi shopashigwana nogopauperesidende oku za 27 sigo 28 Novemba nuumvo.Okomisi yomahogololo ya Namibia oya tokola kaa yi longithe oshifo shoThe Namibian nonando osho oshinene nohashi leshwa koyendji moshilongo shomapendafule.Oshifo shika osha kundana kutya omapandja ngaka 16 gomatseyitho gomahogololo ga gwedhwapo ota ga ka holoka woo miifo iiyali mbyoka hayi nyanyangidhwa lumwe moshiwike.Momaandaha kapwa li nando omuniilonga gumwe gwOmokomisi ndjoka ta vulu oku gandja uuyelele kutya olye a ningi etokolo ndyoka.’Oshinima osha kilikita. Itandi dhimbulukwa nando, ando okomisi ya ninga etokolo lyi na sha naashoka.Ina tu ninga eigidho lyomulandu kombinga yaashika,’ omunashipundi gwoKomisi yomahogololo, Victor Tonchi ta ti.Omuwiliki gwopevi gwoKomisi yomahogololo, omusamane Ananias Elago, ngoka oye e li mewiliko li nasha niipumbiwa ayihe okwa ti oshifo na shi pule mboka ye li kohi ye, ngaashi Theo Mujoro na Hilda Nakakuwa,ngoka oye ha tula kumwe oshifo shomatseyitho shoKomisi yomahogololo noshowo omatseyitho galwe.Oongodhi dhawo dhopeke odha li dha dhima.Elago okwa ti ye okwa li mewiliko lyopakathimbo oshiwike sha yi pethimbo omuwiliki gwoKomisi omusamane Moses Ndjarakana a li keemo mombelewa.Elago okwa koleke kutya Ndjarakana okwa pewa efudho kundohotola sigo ometitano lyoshiwike shika molwaashoka ku uvite nawa.’Ngame onda longo peha lye oshiwike sha yi.Ando owa pulile ndje oshiwike sha yi, ando onde ku pe eyamukulo,’Elago ta ti ngaaka kepulo.Oshafa shi li ngaaka kutya kapena ngoka ta longo peha lya Ndjarakana oshiwike shika na Elago okwa hogolola opo a ukithe oshifo shika kaalelwa ye.Amushanga omukuluntu gwoshifo, me Gwen Lister okwa ti oku na uuhwenge kombinga yomukalo nguka gwokomisi, ta ti shika ota shi yugu aaleshi uuyelele nomatseyitho gasimana.Lister ye mwene na ye okwa kambadhala oku popya naanambelewa aakuluntu kombinga yoshinima shika, ndele kakele ka Elago ka pwa li nando ogumwe a vulu okupopya na ye.Nonando, osho uuthemba wepangelo nomahangano ga lyo okuninga omatseyitho mpoka lya hala, etokolo ndika okwaa ha gandja uuyelele koshifo shika ota shi ulike kutya nguka ogwo omukalo okutindila aaleshi omatseyitho ga simana.Shika ita shi tsu kumwe neindilo lyomuperesidende Hifikepunye Pohamba kutya na pa kale epangelo lya eguluka no li li puuyelele.Mo na ku ziwa opwa kala aluhe ta pa ulikwa ketindo lyepangelo oku ninga omatseyitho moshifo shika kutya ogo taga keelele omauyelele ga gandjwe.Ekeelelo ndika olya tulilwe miilonga momumvo 2000 kOkabinete molwaashoka aniwa oshifo shika osha li sha talikwa shi li ompinge nepangelo mokushanga kwasho.Komeho gomahogololo gopashigwana go 2004 Ominista Yomauyelele nokutuma omawi mombepo Nangolo Mbumba okwa li a kambadhala opo epangelo li hulithe po okulumbula oshifo shika omatseyitho goludhi kehe, ndele onkambadhala ye oyi idhenge mekwena
lya hula.