Okomisi yekondjitho lyEkoraputo otayi ka totwa po mbala

OKOMISI yekondjitho lyEkoraputo ndjoka ya kala ya tegelelwa ethimbo ele yi dhikwe po, otayi ka totwa muule wiiwike itatu twa thinda, Omuprima Nahas Angula, osho a lombwele Omutumba gwOpashigwana mEtine.

Angula okwa ningi eindilo koshigwana shi yambidhidhe Okomisi ndjika, ta ti, Okomisi ndjika itayi eta po sha ngele itayi lopotelwa omaulingilingi. “Okomisi otayi ka pumbwa eyambidhidho lyeni.Otwa pumbwa aahikihiya.Ondi na eitaalo ndika kutya Aanamibia oye na omukumo na otaya ka thikama yu ulike mo aanambelewa mboka ya koraputa,” Angula ta popi ngaaka.Angula shika okwe shi popi pethimbo lyoompata kombinga yetotopo lyOkomisi ndjika.Okwa ti iinima yi na sha nekoraputo oyi na okuungaungiwa nayo pauyuuki, pwaa na egamombinga.Angula okwa popi wo kutya aatoti yOoveta oye na okukala taya ihumbata nawa na otaya gwanithapo nawa iilonga yawo.Ta ti, aaleli oye na okukala ye shi shi kutya oshigwana oshi na einekelo muyo na kaye na okukotokela einekelo ndika oshigwana shi na muyo.”Itaye ke tu dhinima po ngele otwa ningi ngaaka,” Angula ta popi.Ta hakelelwa omake kiilyo yoongundu dhompilameno, Angula okwa ti ina shi pumbiwa okugama ombinga moshinima shika, molwashoka ekoraputo nelongithonayi lyiimaliwa yoshigwana, oyi na okuungaungiwa nayo pauyuuki nomolwuuwanawa woshigwana.Angula okwa ti nonande Namibia ke li shimwe shomiilongo mbyoka ya koraputa sigo okesipa mu Afrika, opu na ngaa sha sha puka.”Ano o tu na okukatuka onkatu,” ta gwedhapo ngaaka.”Okomisi otayi ka pumbwa eyambidhidho lyeni.Otwa pumbwa aahikihiya.Ondi na eitaalo ndika kutya Aanamibia oye na omukumo na otaya ka thikama yu ulike mo aanambelewa mboka ya koraputa,” Angula ta popi ngaaka.Angula shika okwe shi popi pethimbo lyoompata kombinga yetotopo lyOkomisi ndjika.Okwa ti iinima yi na sha nekoraputo oyi na okuungaungiwa nayo pauyuuki, pwaa na egamombinga.Angula okwa popi wo kutya aatoti yOoveta oye na okukala taya ihumbata nawa na otaya gwanithapo nawa iilonga yawo.Ta ti, aaleli oye na okukala ye shi shi kutya oshigwana oshi na einekelo muyo na kaye na okukotokela einekelo ndika oshigwana shi na muyo.”Itaye ke tu dhinima po ngele otwa ningi ngaaka,” Angula ta popi.Ta hakelelwa omake kiilyo yoongundu dhompilameno, Angula okwa ti ina shi pumbiwa okugama ombinga moshinima shika, molwashoka ekoraputo nelongithonayi lyiimaliwa yoshigwana, oyi na okuungaungiwa nayo pauyuuki nomolwuuwanawa woshigwana.Angula okwa ti nonande Namibia ke li shimwe shomiilongo mbyoka ya koraputa sigo okesipa mu Afrika, opu na ngaa sha sha puka.”Ano o tu na okukatuka onkatu,” ta gwedhapo ngaaka.