Okatendo kokupulakena/kaakena/lesha na ka tendwemo

ONTOMPOLWA montotwampango yOmakwatathano ndjoka yi na sha nokupulakena, kaakena, noshowo okulesha, oongodhi, e-maila, okumbaanga pa internet, noku longitha ointernet, na yi tendwemo thilu.

Eindilo ndika olya ningwa ku amushanga gwoshifo the Namibian, Gwen Lister ngoka a ti ontompolwa ndjika ota shi vulika yi ka longithwe pombambo.’Oshi nima kehe tashi piyaganeke nota shi yi uuthemba womuntu wopaumwene ngaashi wa uthwa mekotampango montompolwa ontintatu oshi na ashike, oku ziminwa poompito dhimwe dhimwe ngaashi ngele ota pa fekelwa uukulo, eyogo lyiimaliwa(money laundering)nenge uufuthi wopashimaliwa ta u pitile mo internet.’Lister okwa lombwele omapulakeno gopashigwana ge na sha nompango ndjika moVenduka.’Ompango ndjika oyi na oku sa, oshimpwiyu kutya kapena okutsakaneka omauyelele kweningilo wina, elongitho nayi nalyo oli na okuyandwa lyaahakalepo, onkene ina shi pumbiwa li ningwe ompango,’ Lister osho a popi.Okwa ti ompango ngaashi yi li ngashingeyi oya mwene kutya okutsakaneka hoka ta ku popiwa ota ku ningwa ngiini.Okwa pula ngele ngashingeyi ope na iilonga yokutsakaneka nenge ngele oya tamekele nale oku za 1990?MuJuli nuumvo omupevi minista gUuyuki Utoni Nujoma okwa yamukulile epulo li na sha nokutsakaneka moparliamende a tile ka pwa li nando etsakaneko lya ningwa moNamibia kiilonga yuuNdaadhi ya Namibia oku za Januali 2008 sigo ope hulilo lyaMai 2009.Shino osha hala okutya ngiini?,okutya ngele opwa li nenge pamwe omatsakaneko ngoka ge li po ka ge li pampango epangelo olyo ashike ta li vulu okuyamukula.’Ondunda yoshigongi okuuva shika oya mwena thilu, naantu ayehe oya li ya tala ku amushanga nguka, sho e ya ulukile ombapila yi na sha nomatsakaneko giinyolwa ndjoka ya li ya longithwa ku South Africa pethimbo lyepangelo lyokatongotongo 1984.”Oye ndji yomutse otwa koka oku dhimbulukwa ethimbo lyuukoloni, sho uuthemba woyendji wa li wa lyatelwa pevi, nomevi, otwa li twa kondjitha ekanitho lyuuthemba nokukondjela oshigwana shina emanguluko’Lister
ta ti.Okwa hokolola nkene mo1984 a ka tala oombapila dhe kopoosa, ndele nee sho adha mo odhindji okwa tokola e ye edhi kuthe mo nale shaashi okwa li ta yi palwe pethimbo ndyoka.Ndele konima ye tata wili sho a galuka okwaadha oombapila kaadhimo.Oshiningwanima okwe shi tseyithile omukuluntu gwopoosa.Konima yomasiku sho a yi kopoosa okwa adha mo ekutu enene lya nyolelwa omukuluntu gwopoosa.Meni lyekutu omwa li oombapila dhe nekutu limwe lya shangwa ‘iiholekwa iinene.’Meni lyekutu moka omwa li elombwelo lyokukaakena opoosa ya Lister lya shainwa kuLeitenanda Ndjai Zietsmann gwopolisi yo katongotongo mo(Pretoria).Lister okwa lesha melombwelo lyoku kaakena oombapila dhe uule woomwedhi hamano oku za 3Desemba 1984 sigo Juni 1985.Omatompelo ga gandjwa omolwaashoka aniwa ye okwa li mekwatathano naaleli yoSwapo, mboka ya li ya hala okuumbako epangelo lyokatongo yo ya tuleko epangelo lyoMarxist, na aniwa okwa li ta humitha komeho omalalakano ngaka goSwapo.Naasho a hokololele aatoolinkundana oya kwawo oshinima shika oshifonkundana shimwe osha nyola ehokololo ndika.Lister okwa kwatwa eta kala a edhililwa uule wi wike iyali aniwa sho a tula uuyelel wa indikwa mokati koshigwana.Konima oya ka ekelahi omatamaneko ngaka osho Lister a ti..’Shoka sha ningilwe ohela otashi vulu oku ningwa ngula, onkene ontompolwa ayihe yi na sha noku kaakena nayi tendwemo montotwampango yOmakwatathano’ Lister a indile.Okwa gwedha ko ta ti okatendo oka ti 70 kompango ndjoka ota ka ti omuperesidende oku na oku dhika po omahala go ku kaakenena, okwa thaneke shika shi nyolululwe shitye omuperesidende ota shi vulika a dhike po omahala go ku
kaakenena.Okwa pula woo omauyelele ogendji kombinga yokatendo ko 73(1) hoka ta ka ti kutya omahangano gomakwatathano oge na oku gandja uuyelele kombinga yoocustomer dha wo.Omauyelele ga shike ga pumbiwa? Shika osha pumbwa oku fatulwa nawa.Okwa ti ompango ndjika oyu udha omashongo omanene.Omugandjimayele gwompango gwOminista yUuyuki, Sackey Shanghala naye okwa li pomapulakeno, okwa ti Uuministeli Womauyelele ina u pula uuyelele owindji kUuministeli Wuuyuki pethimbo ompango ndjika ya li ta yi nyolwa.’Ompango ndjika oya etwa ashike kutse konyala omwedhi gwa piti, naasho oshigwana sha nyenyeta opo ashike Uuministeli mbuka we ya kutse molwa ekwatho’ Shanghala tat.