EHANGANO lyopaigwana lyetanga lyokoompadhi[FIFA] pamwe nehangano Greenfields Sport Turf Systems oga tokola okukuthamo okangwena kopaunongononi mokapale ketanga ka Sam Nujoma, moKatutura.Okangwena haka ota ka kuthwa mo oshoka itaka vulu okudhanenwa molwashoka okapale kokene okena omashongo gopatungo, pomahala gayooloka.
Onkundana ndjika oya uvikwa konima sho omukuluntuwiliki gwoshilando shaVenduka a tuminwa ombapila moka a tseyithilwa oshinima shika.Ombapila oya tseyithile, Niilo Taapopi kutya omolwa uupyakadhi wopatungo lyokapale, ongwena yopaunongononi ndjoka ota yi kuthwamo mehala ndyoka..Ehangano ndika olya ti olya tokola pamwe naFIFA kutya ongwena ndjoka otayi kuthwa mo.Olya ti ndjika ngashingeyi ota yi ka longithwa pokapale kokwiidheulila popepi noombelewa dholutu lwetanga moNamibia, moKatutura.Nakushanga ombapila ndjika oye, Sophocles Sophocleous, omukonakoni guupale wetanga gwehangano, Greenfields.Ehangano ndika olya ziminwa kuFifa oku hambula uungwena wopaunongononi na oha li gandja woo uungomba noshowo ontseyo kombinga yomatungo gomahala gokudhanena etanga lyokoompadhi.Ehangano ndika olyo lya li noshinakugwanithwa okukuta miilonga ehangano ndyoka lya tula okangwena haka mokapale, shaningwa kohi yiilonga yedhina Fifa win in Africa with africa.Okangwena kopaunongononi haka oka li ka gandjwa omagano okuza koFifa.Sophocleous okwa ti kutya oya li ya kambadhala okuoopaleka uupyakadhi mbuka ndele shika ina shi pita, oshoka uupyakadhi owo tuu mboka owa galuka ishewe.Ekonakono lya hugunina ndyoka lya ningwa muDesemba 2009 olyo lya fala sigo opetokolo ndika kutya okapale naka kuthwe okangwena hoka. Uupyakadhi womutungilo gwokapale haka owo wa eta opo etokolo ndika li ningwe,.Omusamane,Taapopi sho a pulwa okwa ti ota ka pula ooyakwawo mboka ye li mewiliko lyoshikondo shika ngele oya mona ombapila ndjoka omanga inaa tya sha kombinga yoshinima shika.Omupopiliko gwoshilando sha Venduka Liz Sibindi, okwa ti okwa pumbwa omapulo ga shangwa opo a vule okukundathana noshikondo shoka tashi wilike uupale.Omuwiliki gwa NFA omusamane, Barry Rukoro okwa ti oya mona ombapila ndjoka, shoka inaa uva osho owala kutya , okangwena hoka ngele otaka etwa popepi noombelewa dhe.Onkene okwa ti ota shi kala kuyele unene okutya sha kombinga yoshinima shika ashihe.Okwa ti okangwena haka oke li nawa mehumithokomeho lyuudhano wetanga lyokoompadhi mpoka ke li ngashingeyi. Kutya otaka ukithwa peni monakuyiwa kashi shiwike natango.Ombapila ndjika oya tuminwa woo, George Mayumbelo omuwiliki gwoshikondo shehumokomeho momahupilo, nguka ina vula okupopiwa naye opo a gandje ehokololo lye kombinga yonkundana ndjika.Okapale ka Sam Nujoma oka tungilwe kehangano lya Namibia Construction.Omuwiliki gwiilonga mbika omuenginia , Peter Roland gwehangano, Buhrmann nooyakwawo okwa ti ye ke na mo sha metulepo lyokangwena hoka, ndele okwa ti oshinima shika osha li sha eta ehilathano .Ota ku tiwa okanguena haka ohaka talama omeya ngele omvula ya loko nolundji shika ohashi fala sigo oompoka kutya omaudhano oge na oku undulilwa komeho molwashoka omeya oge li mokapale, na itaga vulu oku za mo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
