Okamatyona koomvula mbali ka sa moshitopolwa sha mOhangwena

ONKUNDANA yoluhodhi ye tu zilila momukunda Onailonga popepi nOndobe mOukwanyama mOshitopolwa sha Hangwena, otayi ti kutya okanona kokamati koomvula mbali kedhina Samwel Samwel oka si eso lyombaadhilila sho ka gwile momuthima gwomeya momukunda gwawo moka oshiwike sha zi ko,
Shika osha kolekwa wo ku Komanda gwOpolisi mOshitopolwa sha Hangwena Komufala gwOpolisi Armas Shivute, ngoka a kondema noonkondo onkalo yaakuluntu haya etha uunona wu ye komadhiya gomeya owiike, nenge wu kayoge hoka owiike, pwaana aakuluntu mboka ye shi okuyoga.

Komufala Shivute ta ti ngashi moshiponga shika shokanona haka koomvula mbali, uunona uushona wa zi megumbo nokuya wu ka yoge medhiya lyuudha omeya, moka mwa gwile hoka okashona koomvula mbali nokusila mo. Komanda Shivute ta indile kaakwashigwana ayehe mOshitopowla sha Hangwena ya kale taya takamitha uunona nawa nunuukeka, oshoka okukanitha omunona owala ngawo okukanitha oshigwana shokomongula, okukanitha aaleli yokomongula.Komanda gwOpolisi mOshitopolwa sha Hangwena Shivute ta ti omvula ya zi ko mOshitopolwa sha Hangwena omwa sile aanona omugoyi (9).