Okakadhona ka pandwa ku he nekatana momutse mOshoopala

OKAKADHONA koomvulaa omulongo nahetatu komOshoopala mOshakati mOshana, Sophia Stefanus oka taambelwa moombete mOshipangelo shEpangelo sha Shakati,Omaandaha oshiwike shika sho ka hahalwa nayi nekatana kuhe momutse konima aniwa sho a li e ka geela moshinima shontumba.

Otaku tiwa kutya he, Levi Stefanus, omaandaha ngoka, okwa ponokele omwana nomakuma goondhopi ye, na ku ponokelwa ta fadhuka po. Ta kutha aniwa ekatana noku kuumba nalyo, omwana nolya thikile lwokekothi lye hoka nokupanda momutse moka lya kala lya thikama. Aashiinda oya fa oyo ye mu kelele ka tsikile we nokudhenga okamona noya ithana opolisi, ndjoka ye ya meendelelo no kwaadha Sophia nguka ta falwa kOshipangelo nOtekisa nekatana momutse. Opolisi oye mu kutha noku mu fala kOshipangelo, hoka a endelelithwa nokufalwa koshitandelo hoka ekatana lya ka kuthwa mo momutse gwe nokumona epango lyomeendelelo. Sophia oku li moshitopolwa sha ICU ta mono epango.