Okakadhona ka dhipagwa kaalumentu ya homata

PORT HARCOURT – Aalumenu ya homata oya yaha okusa okakadhona kamwe mu Nigeria e taya kwata po wo ombambyona okamatyona okamwayina kokakadhona haka, manga aanona mbaka yaali ya li yu uka kOsikola mondoolopa ya Port Harcourt, Omugandjimulombo gwOpolisi osho a popi ngaaka.

Oolopota dhoka dha holoka po tango odha ti kutya okakadhona haka oha ka longo maandjawo yokomatyona. ‘Aanona mbaka yaali oya he na yina gumwe. Okakadhona otwa li tu shi okalongi megumbo, ihe nandi okamwayina kokamatyona,’ Rita Inoma-Abbey – ngoka e li omugandjimulombo gwOpolisi moshitopolwa sha Rivers, osho a popi ngaaka.
Ondoolopa ya Port Harcourt oyo ondoolopa onene moshitopolwa shika. Oomvula dhaanona mbaka inadhi tseyithwa natango.
Omathimbo ga zi ko, moshitopolwa sha Nigeria moka mu na omahooli sha Niger Delta, omwa kala tamu inyenge omakwatopombambyoka, taga ningilwa unene aalongo moofaabulika dhomahooli nAaNigeria mboka ye li aayamba.
Oyendji yomwaamboka ya kwatwa po ombambyoka oya li ya mangulula inaya ehamekwa, konima sho ya futo oonakuyakwata po.
– Nampa-Reuters