OMUKULUKADHI gumwe a li a ka talela po kuume ke, okwa li i itsu okahanona ka ekelwahi popepi nendoloma limwe lyiiyagaya mu Khomasdal mOmaandaha.
Okahanona haka ke na ondjundo yokilogalama 1,5 oka li ka adhika ta ka kakama, nonande oka li ngaa ke li momalapi, omukulukadhi nguka Daklan Gowases, osho a popi ngaaka. ‘Onda li tandi ende sho ndu uvu ombwa tayi gwedha, tayi dhingoloka endoloma lyiiyagaya. Sho nda yi popepi, onda mono okahanona ka lala pevi, ta ka lili,’ Gowases ta popi ngaaka.
Okwa kutha po nee okahanona haka e te ka fala kOshipangelo sha Katutura. Aapangi mOshipangelo shika oya popi kutya okanona haka ota ka monika ka fa ka valwa mOmaandaha na oka fa ka valwa ina ka kola, pepunda lyoomwedhi heyali.
Gowases okwe shi ulike kutya ye okwa tokola okutekula okanona haka, ngele yina ina monika. ‘Ondi itaala kutya okanona haka otwe ka tuminwa patompelo,’ Gowases ta lombwele The Namibian ngaaka.
Okwe shi ulike kutya ye okanona haka ota vulu okuka tekula, ngele yina ina monika.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
