Okabinete ka ekelahi ethaneko lyOlaata ya NamPower kombinga yOmukuluntuwiliki

OTAKU hokololwa ngeyi kutya Okabinete oka ekelahi epopilo lyOlaata ya NamPower kombinga yeuliko lyOmukuluntuwiliki Omupe ngoka ta pingene po Leake Hangala.

Okabinete oke na wo omaipulo kombinga yomuhingo ngoka gwa longithwa mokuulika Omukuluntuwiliki ngoka. Epopilo ndyoka lya li lya tulwa poshitaafula komeho gOkabinete mEtiyali.Ngoka a li pombanda momusholondondo gwaaulikwa muukandidaate mbuka oye Paulinus Shilamba gwOlaata yOshikondo shEkondololo lyOmalusheno nenge tutye Electricity Control Board (ECB).Etokolo ndika lyOkabinete okweekelahi ethaneko lyOlaata nokutuma oshinima shika kOmupresidende Hifikepunye Pohamba, olye ya pethimbo lya kilikita sho oshilongo shi li muupyakadhi wompumbwe yolusheno ndjoka ya etwa ku South Afrika ngoka wo ita vulu okugandja olusheno lwa gwana moshilongo she nosho wo pondje yoshilongo.Ehangano egandji lyolusheno moshilongo otali kondjo nuudhiginini okuyanda uupyakadhi mbuka.Oonzo mEpangelo odha popi ngeyi kutya Olaata ya NamPower oya tula ookandidaate momusholondondo ngaashi tashi landula okuza komutango ngoka ya hala sigo okomuhugunini, oyo nee; Paulinus Shilamba gwa ECB (omutango mokuhogololwa), G Enkara ngoka a li nale mu Namdeb; Steve Haihambo gwokehangano lyokutunga oondjila lya RCC; B Wessels ha longele Pupkewitz; nomuhugunini oye Hangala nee mwene.Oshinima shika osha li nee sha pewa Okabinete mEtiyali, ihe oka ekelehi ethaneko ndyoka.Omumvo gwa zi ko, Hangala okwa li ina monika ondjo miinima mbyoka a li ta tamanekelwa kOlaata sho a holoka komeho yokomitiye yomazulo.Oshinima shika osha li sha talika ko koyendji kutya osha li shi na oku mu kuthitha koshipundi.Olaata oya tamaneke Hangala aniwa sho a taaguluka oveta e ta zimine oomiliyuna 65 (N$65 million) dhokunawapeka omalusheno.Sho a pulwa a gandje okomenda mEtitatu, Hangala ina vula okukomenda kombinga yetokolo lyOkabinete.Inatu vula okumona Omuprima nenge Ominista yIikwamina nIikwankondo opo andola ya gandje okomenda yawo moshinima shika, na ishewe Okabinete ina ka tula natango etokolo ndyoka tali popiwa mpaka puuyelele.Nando ongaaka, otaku popiwa kutya Oominista dhimwe inadhi panda nodhi ikwata omukalo ngoka gwa longithwa pethimbo lyokonakonopulo kookandidaate ndhika nodha ningi etokolo okuundulila oshinima shika kombelewa yOmupresidende.Olaata oyo tuu ndjoka, oya kanitha oshipotha shoka ya ningila Omukuluntuwiliki gwa NamPower, notashi vulika yi kale ya ninga etokolo li li ompinge naye.Nando nee Hangala gumwe gwomaalongi nuudhiginini mboka konyala taye shi enditha hwepo mokuwilika Ookampani dhEpangelo moshilongo, okwa ningwa gwa hugunina momusholondondo gwookandidaate.Okondalaka ya Hangala oya hulupo omumvo gwa zi ko noya tanuthwa sigo omu Maalitsa nuumvo omanga taku ningululwa etseyitho lyopoosa ndjika.Okomitiye yiilyo yOlaata ya NamPower oyi na aantu taya landula; Andries Leevi Hungamo, Omugandjimayele gwEgumbo lyEpoangelo nokuli wo Omunashipundi gwOlaata; Gerson Narib gwokombelewa ya Hahende-Ndjayi, Penda Kiiyala gwokuRoad Fund, Rauna Hanghuwo gwokuRoad Authority na Pedro Martz; oya ndjoinwa nee ku Amushanga Omukuluntu mUuministeli wIikwankondo Joseph Iita, Amushanga Omukuluntu mUuministeli wUuhaku Kalumbi Shangula, mboka oyo nee ya ningi okakonakonopulo nokuninga omusholondondo gwookandidaate ndhoka.Kepulo kombinga yetokolo lyOkabinete, Omunashipundi gwOlaata Hanghuwo okwa ti kutya ndjika onkunda kuye.Okwa keleke owala omadhina gookandidaate ngaashi ga tumbulwa mOtelevisi ya NBC mEtiyali, ihe okwa popi kutya ina vulu okugandja okomenda ye sigo ta pewa pambelewa etokolo lyOkabinete.Epopilo ndyoka lya li lya tulwa poshitaafula komeho gOkabinete mEtiyali.Ngoka a li pombanda momusholondondo gwaaulikwa muukandidaate mbuka oye Paulinus Shilamba gwOlaata yOshikondo shEkondololo lyOmalusheno nenge tutye Electricity Control Board (ECB).Etokolo ndika lyOkabinete okweekelahi ethaneko lyOlaata nokutuma oshinima shika kOmupresidende Hifikepunye Pohamba, olye ya pethimbo lya kilikita sho oshilongo shi li muupyakadhi wompumbwe yolusheno ndjoka ya etwa ku South Afrika ngoka wo ita vulu okugandja olusheno lwa gwana moshilongo she nosho wo pondje yoshilongo.Ehangano egandji lyolusheno moshilongo otali kondjo nuudhiginini okuyanda uupyakadhi mbuka.Oonzo mEpangelo odha popi ngeyi kutya Olaata ya NamPower oya tula ookandidaate momusholondondo ngaashi tashi landula okuza komutango ngoka ya hala sigo okomuhugunini, oyo nee; Paulinus Shilamba gwa ECB (omutango mokuhogololwa), G Enkara ngoka a li nale mu Namdeb; Steve Haihambo gwokehangano lyokutunga oondjila lya RCC; B Wessels ha longele Pupkewitz; nomuhugunini oye Hangala nee mwene.Oshinima shika osha li nee sha pewa Okabinete mEtiyali, ihe oka ekelehi ethaneko ndyoka.Omumvo gwa zi ko, Hangala okwa li ina monika ondjo miinima mbyoka a li ta tamanekelwa kOlaata sho a holoka komeho yokomitiye yomazulo.Oshinima shika osha li sha talika ko koyendji kutya osha li shi na oku mu kuthitha koshipundi.Olaata oya tamaneke Hangala aniwa sho a taaguluka oveta e ta zimine oomiliyuna 65 (N$65 million) dhokunawapeka omalusheno.Sho a pulwa a gandje okomenda mEtitatu, Hangala ina vula okukomenda kombinga yetokolo lyOkabinete.Inatu vula okumona Omuprima nenge Ominista yIikwamina nIikwankondo opo andola ya gandje okomenda yawo moshinima shika, na ishewe Okabinete ina ka tula natango etokolo ndyoka tali popiwa mpaka puuyelele.Nando ongaaka, otaku popiwa kutya Oominista dhimwe inadhi panda nodhi ikwata omukalo ngoka gwa longithwa pethimbo lyokonakonopulo kookandidaate ndhika nodha ningi etokolo okuundulila oshinima shika kombelewa yOmupresidende.Olaata oyo tuu ndjoka, oya kanitha oshipotha shoka ya ningila Omukuluntuwiliki gwa NamPower, notashi vulika yi kale ya ninga etokolo li li ompinge naye.Nando nee Hangala gumwe gwomaalongi nuudhiginini mboka konyala taye shi enditha hwepo mokuwilika Ookampani dhEpangelo moshilongo, okwa ningwa gwa hugunina momusholondondo gwookandidaate.Okondalaka ya Hangala oya hulupo omumvo gwa zi ko noya tanuthwa sigo omu Maalitsa nuumvo omanga taku ningululwa etseyitho lyopoosa ndjika.Okomitiye yiilyo yOlaata ya NamPower oyi na aantu taya landula; Andries Leevi Hungamo, Omugandjimayele gwEgumbo lyEpoangelo nokuli wo Omunashipundi gwOlaata; Gerson Narib gwokombelewa ya Hahende-Ndjayi, Penda Kiiyala gwokuRoad Fund, Rauna Hanghuwo gwokuRoad Authority na Pedro Martz; oya ndjoinwa nee ku Amushanga Omukuluntu mUuministeli wIikwankondo Joseph Iita, Amushanga Omukuluntu mUuministeli wUuhaku Kalumbi Shangula, mboka oyo nee ya ningi okakonakonopulo nokuninga omusholondondo gwookandidaate ndhoka.Kepulo kombinga yetokolo lyOkabinete, Omunashipundi gwOlaata Hanghuwo okwa ti kutya ndjika onkunda kuye.Okwa keleke owala omadhina gookandidaate ngaashi ga tumbulwa mOtelevisi ya NBC mEtiyali, ihe okwa popi kutya ina vulu okugandja okomenda ye sigo ta pewa pambelewa etokolo lyOkabinete.