Ohauto yUuministeli wElongo ya yakelwe po ya monika

OHAUTO Ombelewa yOshikondo shElongo moshitopolwa sha Musati,ndjoka ya yakelwe pomahooli gongeshefa yo Continetal No.1 pOneshila mOshakati mOmaandaha goshiwike shika, oya kwatwa ko kOpolisi yaHangwena.

Ohauto ndjika oya adhika yu ukithwa ko Angola kookalyamupombo.Ohauto ndjika oya kwatelwa pomukunda Engela nOpolisi ya Hangwena oyeyi gandja momake gookuume miilonga aakwawo moshitopolwa shaShakati.Ohauto ndjika yoToyota 2.4 yonomola GRN 4118 , oya li ya monika poshitopolwa sha Ngela tayi limbilike aakwashigwana, mboka ya li nee ya ningi ekwatathano nopolisi. Oku niwe eitaalo ndika kutya oombootsotso dhika odha li mondjila okufala ohauto ndjika muAngola sho ohauto ndjika ya patekene nodhalate yenkolo limwe. Mokukambadhala okuyi kutha, aakwashigwana oya notheleko Opolisi kutya opu na ohauto tayi limbilike pomukunda gawo. Opolisi yoshitopolwa hoka oya katuka osheendelela nokumatukula ko.Oombotsoto dhika odha li aniwa dha mono omainyengo gOpolisi e tadhi fadhuka po, dha taaguluka oongamba dha Namibia naAngola okuya mu Angola. Opolisi ya Hangwena oya gandja ohauto nduika kOpolisi ya Shakati.Omukuluntu gwOpolisi moshitopolwa sha Shana, Komufala gwopevi Ndahangwapo Kashihakumwa okwa koleke kutya oya pewa ohauto ndjika kaaniilongapamwe nayo moshitopolwa sha Hangwena, ashike sigo oompaka oshihauto shika opo shili posasiona yOpolisi ya Shakati.Kashihakumwa ti sigo onena kapu na ngoka a kwatwa shi nasha neyakopo lyohauto ndjika.