Ohauto ya monika kOpolisi meni lyoominute 30 sho ya yakwa mOshakati

O POLISI mOshakati ongula yohela oya longa nuupenda uunene sho ye shi pondola okugalulila mwene ohauto ye meni lyoominute 30 konima sho ya li ya yakwa po koombotsotso.

Komanda gwOpolisi mOshitopolwa sha Shana, Komufala gwOpevi gwOpolisi Ndahangwapo Kashihakumwa ta ti kutya ohauto ndjoka oya yakwa pOngeshefa, ano pOshilahite shOnyama shomOshakati shedhina African Meat Supply ongula yohela lwopomulongo gwongula lwaampoka, ashike Opolisi ya Shakati oye shi pondola ye yi kwatulule ko koombotsotso meni ashike lyoominute omilongondatu sho ye yi yaka po. Mwene gwohauto ndjoka, taku tiwa kutya oye Ettiene Scholtz na oye wo omukuluntu gwOshilahite shoka, okwa lopota nziya kOpolsi.Opolisi tayi tseyithile oshigwana mOradio shi yi kwathele mokumona nomokukwata ohauto ndjoka.Oonakuyakapo ohauto ndjoka, sho ya zi pOshilahite mpoka, oya yi aniwa ya thinda kombinga yokuuninginino wa Shakati.Manga taya hingi ngawo, Ohauto oya fa ya kala inayi hala okumatuka nawa.Aamentu oya nuka mo mohauto, taye yi thigi mpoka nokufadhuka po.Pokati mpoka Opolisi oya dhengelwa ongodhi komukashigwana, ta ti kutya oya mona ohauto, ya pita lwopomahooli ga tate Mbulu, tayi hingwa nayi ya thinda nondjila yuuninginino wa Shakati.Konima omukwashigwana gumwe okwa ka dhengela wo natango Opolisi ongodhi, ta ti kutya okwa mona ohauto ya thikamekwa mokaluhwa muuninginino wa Shakati, okuuka lwokondjila ya Mungwelume.Opolisi oya yi ko noya adha ohauto ndjoka naanaa ya li ya yakwa po koombotsotso, ya thikama mokaluhwa hoka.Mwene sho e ya po na ye okwe shi koleke kutya oyo naanaa ohauto ye ndjoka ya li ya yakwa po koombotsotso, nokwe yi pewa konima sho kwa ningwa omakonaakono.Komanda gwOpolisi mOshana, Kashihakumwa ota pandula noonkondo kelongelokumwe lyoshigwana nOpolisi.Ta ti kutya oshigwana osha ulika kutya inashi hala we uufuthi nuulingilingi.Ta ti kutya omolu elongelokumwe lyoshigwana nOpolisi ya Shana, li li nawa, Opolisi oye shi pondola okumona ohauto ndjoka meendelelo noku yi galulila ku mwene gwayo konima ashike yoominute omilongo ndatu sho a li e yi kuthwa, e yi yakwa koombotsotso.Komanda yOpolisi mOshana Kashihakumwa ta kwashilipaleke Kakukutu kOpolisi ya Namibia Ndjayi Sebastian Ndeitunga kutya na kale ta kotha ta mbonyoka, aamati ye omo ye li mIitopolwa, unene tuu moshitopolwa sha Shana.Itaya ethele mo nande uufuthi nuulingilingi woombotsotso nosho tuu moshilongo.Komanda Kashihakumwa ta pandula wo noonkondo Opolisi ye sho tayi longo nuudhiginini ngeyi mekondjitho lyiimbuluma mOshitopolwa.Ta ti inayi etha nande oombotsotso dhi kale tadhi hepeke oshigwana nomaliko gasho.Mwene gwohauto ndjoka, taku tiwa kutya oye Ettiene Scholtz na oye wo omukuluntu gwOshilahite shoka, okwa lopota nziya kOpolsi.Opolisi tayi tseyithile oshigwana mOradio shi yi kwathele mokumona nomokukwata ohauto ndjoka.Oonakuyakapo ohauto ndjoka, sho ya zi pOshilahite mpoka, oya yi aniwa ya thinda kombinga yokuuninginino wa Shakati.Manga taya hingi ngawo, Ohauto oya fa ya kala inayi hala okumatuka nawa.Aamentu oya nuka mo mohauto, taye yi thigi mpoka nokufadhuka po.Pokati mpoka Opolisi oya dhengelwa ongodhi komukashigwana, ta ti kutya oya mona ohauto, ya pita lwopomahooli ga tate Mbulu, tayi hingwa nayi ya thinda nondjila yuuninginino wa Shakati.Konima omukwashigwana gumwe okwa ka dhengela wo natango Opolisi ongodhi, ta ti kutya okwa mona ohauto ya thikamekwa mokaluhwa muuninginino wa Shakati, okuuka lwokondjila ya Mungwelume.Opolisi oya yi ko noya adha ohauto ndjoka naanaa ya li ya yakwa po koombotsotso, ya thikama mokaluhwa hoka.Mwene sho e ya po na ye okwe shi koleke kutya oyo naanaa ohauto ye ndjoka ya li ya yakwa po koombotsotso, nokwe yi pewa konima sho kwa ningwa omakonaakono.Komanda gwOpolisi mOshana, Kashihakumwa ota pandula noonkondo kelongelokumwe lyoshigwana nOpolisi.Ta ti kutya oshigwana osha ulika kutya inashi hala we uufuthi nuulingilingi.Ta ti kutya omolu elongelokumwe lyoshigwana nOpolisi ya Shana, li li nawa, Opolisi oye shi pondola okumona ohauto ndjoka meendelelo noku yi galulila ku mwene gwayo konima ashike yoominute omilongo ndatu sho a li e yi kuthwa, e yi yakwa koombotsotso.Komanda yOpolisi mOshana Kashihakumwa ta kwashilipaleke Kakukutu kOpolisi ya Namibia Ndjayi Sebastian Ndeitunga kutya na kale ta kotha ta mbonyoka, aamati ye omo ye li mIitopolwa, unene tuu moshitopolwa sha Shana.Itaya ethele mo nande uufuthi nuulingilingi woombotsotso nosho tuu moshilongo.Komanda Kashihakumwa ta pandula wo noonkondo Opolisi ye sho tayi longo nuudhiginini ngeyi mekondjitho lyiimbuluma mOshitopolwa.Ta ti inayi etha nande oombotsotso dhi kale tadhi hepeke oshigwana nomaliko gasho.