Ohatu ehela ku tatekulu wetu Hifikepunye Pohamba

O VANAILONGA vakulu vomu AMCOM/NDC (mOnooli nosho tuu) tava ti kutya ova hala va pewe oshimaliwa shavo eshi va kala hava nanwa ko Social Security noshoyo shOvahombolwa novahomboli.

Tava ti kutya va li ku shi pula ko itave shi pewa nova hala nee nokuli paife shi fike momakutwi ya tatekulu wavo Omupreidende Hifikepunye Pohamba, pamukalo womushangwa ou tau pitile mOshifo eshi, na ohatu unyanyangida naanaa ngashi ve u ongonga voovene. “Ohatu ehela ku tatekulu wetu Hifikepunye Pohamba” Otwa li ovanailonga mEhangano AMCOM (NDC) olo la patwa kEpangelo modula 2001.Tatekulu, oudjuu wetu ou li ngaha kutya eshi twa li moilonga omo otwa li hatu nanwa oshimaliwa shetu ko Social Security Coimmission oule weedula needula, ndele konimja eshi oilonga ya patwa kEpangelo, otwa lombwelwa kutya vati Okambani oya mbangolota na ihatu mono ko nande osha.Fiyo opaapa katu na eshi twa mona ko koSocial Security Commission nonande hafye twa teya okondalaka oyo.Otu wete otwa li tu na okukala ngoo twa mona ko sha nande haaishe.Noshinima shimwe vali, otwa li hatu nanwa oimaliwa keendjabi detu, hai ifanwa vati “Spouse ins”, kwali vati ngeno yaava twa hombolwa ile twa hombola, opo ngeenge twa fi, ovasamane vetu ile ovakulukadi vetu va mone oshimaliwa.Twa nanwa okudja mo 1996 fio omo 2001.Ashike oshimaliwa osho katu shi apa sha yuka nande.Fyee otwa hala nee tatekulu Omupresidende Pohamba u tale po nawa opo, shaashi paife otu li ashike hatu mono oixuna.Okwa li kwa tiwa itatu kanifa oilonga, twa li twe shi lombwelwa ku Andrew Ndishishi.Ndee ongaashi ashike twe ke lihanga momapandavanda.Omolwashike mbela Epangelo letu inali tu tula ngoo nande omEeministili dimwe dimwe ngaashi osho twa li twa lombwelwa? Vakwetu momoDBC ova tulwa moilonga, ndee fyee ofilu ngoo nee ngaho, otwa kupulwashi ngoo nee? Otwa ninga shike mbela vakwetu? Epangelo letu oshili nali tale po nawa opo vakwetu, unene tuu yo poimaliwa yetu oyo kwa li hatu nanwa koudjabi vetu ovo yo kwa li ovashona neenghono.Oshinima osho osha kala noshi li she tu kumwifa, shaashi oshili ekanifo lakula nai.Tatekulu wetu tala po nawa opo.Tangitangi unene eshi to tu kwafele moudjuu wetu tu li mo.Fyee ohatu mono oixuna.Shaashi omunhu ngeenge wu na Oasuransi, ohai dala ngeno nokuli eelende, ndee yetu oya ya ashike kokwena kwa xula fio onena.Tu kwafela hano tatekulu wetu, ihatu kofa koshinima osho.’ Ovanailonga vakulu vomu AMCOM, tava ti ngaho nokwiindila kOmupresidende woshilongo tatekulu Hifikepunye Pohamba.”Ohatu ehela ku tatekulu wetu Hifikepunye Pohamba” Otwa li ovanailonga mEhangano AMCOM (NDC) olo la patwa kEpangelo modula 2001.Tatekulu, oudjuu wetu ou li ngaha kutya eshi twa li moilonga omo otwa li hatu nanwa oshimaliwa shetu ko Social Security Coimmission oule weedula needula, ndele konimja eshi oilonga ya patwa kEpangelo, otwa lombwelwa kutya vati Okambani oya mbangolota na ihatu mono ko nande osha.Fiyo opaapa katu na eshi twa mona ko koSocial Security Commission nonande hafye twa teya okondalaka oyo.Otu wete otwa li tu na okukala ngoo twa mona ko sha nande haaishe.Noshinima shimwe vali, otwa li hatu nanwa oimaliwa keendjabi detu, hai ifanwa vati “Spouse ins”, kwali vati ngeno yaava twa hombolwa ile twa hombola, opo ngeenge twa fi, ovasamane vetu ile ovakulukadi vetu va mone oshimaliwa.Twa nanwa okudja mo 1996 fio omo 2001.Ashike oshimaliwa osho katu shi apa sha yuka nande.Fyee otwa hala nee tatekulu Omupresidende Pohamba u tale po nawa opo, shaashi paife otu li ashike hatu mono oixuna.Okwa li kwa tiwa itatu kanifa oilonga, twa li twe shi lombwelwa ku Andrew Ndishishi.Ndee ongaashi ashike twe ke lihanga momapandavanda.Omolwashike mbela Epangelo letu inali tu tula ngoo nande omEeministili dimwe dimwe ngaashi osho twa li twa lombwelwa? Vakwetu momoDBC ova tulwa moilonga, ndee fyee ofilu ngoo nee ngaho, otwa kupulwashi ngoo nee? Otwa ninga shike mbela vakwetu? Epangelo letu oshili nali tale po nawa opo vakwetu, unene tuu yo poimaliwa yetu oyo kwa li hatu nanwa koudjabi vetu ovo yo kwa li ovashona neenghono.Oshinima osho osha kala noshi li she tu kumwifa, shaashi oshili ekanifo lakula nai.Tatekulu wetu tala po nawa opo.Tangitangi unene eshi to tu kwafele moudjuu wetu tu li mo.Fyee ohatu mono oixuna.Shaashi omunhu ngeenge wu na Oasuransi, ohai dala ngeno nokuli eelende, ndee yetu oya ya ashike kokwena kwa xula fio onena.Tu kwafela hano tatekulu wetu, ihatu kofa koshinima osho.’ Ovanailonga vakulu vomu AMCOM, tava ti ngaho nokwiindila kOmupresidende woshilongo tatekulu Hifikepunye Pohamba.