Ohangwena oya kala, oyi li notayi kala yoSwapo: Nghimtina ta ti

pEENHANA P ETHIMBO ta popitha engathithi lyAakwaswapo pEenhana mOshitopolwa sha Hangwena mEtitano lya zi ko, Oministeli yOomina nIikwamalusheno Errki Nghimtina, okwa ti kutya Oshitopolwa sha Hangwena, osha kala, oshi li notashi kala Oshitopolwa shoSwapo sigo aluhe, nonande pu kale Oongundu dhimwe ndhoka tadhi shi itangele.

Ta ti sigo oompaka mOshitopolwa sha Hangwena kamu na Ookansela dhOongundu dhilwe, adhihe ndhoka dhi li mo odhoSwapo na osho tashi kala sigo aluhe. “Oshitopolwa sha Hangwena osha mangululwa koSwapo noshi li shoSwapo, ngashi Iitopolwa yilwe wo ya Namibia ya mangululwa koSwapo notayi kala yoSwapo ngoka a tula Aanamibia ayehe kumwe noku ya kaleka kumwe nota tsikile noku ya kaleka kumwe nonando pu na uungundu mboka wa hala okuninga Ohangwena evigumbo lyopaukwamuhoko,” Amushangandjayi gwOpevi gwoSwapo Nangolo Mbumba ta gwedha po wo ngawo.”Tse mOshitopolwa sha Hangwena muka omo tu li.Kapu na nande ongundu yimwe tayi ke tu dhenga.Uungundu wumwe mboka wa kala mo ou li tau tumbwa, tau tilwa omeya, oshoka ou li pokusa.Okangundu hoka okape (RDP), katu nande esiku limwe tu ke ka ethele mo muka.Tse katu na nande esiku limwe tu ka efele oilunda moSwapo.Uungundu mboka tau eta omikithi dhiilunda niitakaya mokati koshigwana itatu ke wu pitika nande wu pangele.”Uunona inamu pitika nande mu ningwe oondjolo dhokukwata aakuluntu yeni noku ya fala muungundu wa hafele, ya ningwe omalimaalima,” Ngoloneya gwa Hangwena Usko Nghaamwa ta ti ngawo nokupandula ayehe mboka ye ya koshigongi shika shoSwapo, unene tuu uunona, mboka owo wa li oundji mpoka.Oshigongi shOswapo mEenhana mEtitano lya zi ko, osha li sha ningwa nElalakano lyokutula Oshikonga shOmahogololo gUukansela miilonga, molwashoka mOshikandjohogololo sha Eenhana omwe ya ompumbwe ya Kansela sho Kansela gwOshikandjohogololo shika kwali Karlous Max Shinohamba a etha po iilonga yUukaansela mOshikandjohogololo shoka shEenhana meti 31 Januali 2008.Omupresidende gwOpevi gwoSwapo Hage Geingob oye a tula mIilonga oshikonga shika, kombinga yOngundu yoSwapo.Swapo oya ulika Nehemia Haufiku oye a ninge omuhogololwa gwayo momahogololo ngoka ga thanekwa taga ka kala ko meti 29 Maalitsa nuumvo, nomoshigongi shoka shomEtitano lya zi ko, omusamane Hage Geingob okwa ulikile Aakwaswapo mboka ya li poshigongi oshinene mpoka, omuhogololwa gwawo nguka Haufiku.Ongundu ashike yoSwapo noyo RDP ya tula mo aahogololwa yawo momahogololo ngoka.RDP okwa ulika Thomas Ndiwakalunga omuhogololwa gwayo.Omupresidende manga gwa RDP Hidipo Hamutenya oye a tula miilonga oshikonga shomahogololo, sho RDP, e shi ningile pEenhana mOlyomakaya ngaka ga zi ko pethimbo lyoshigongi shawo oshinene, nokuulikila nee AakwaRDP omuhogololwa gwawo nguka Ndiwaakalunga.Aahogololwa ayehe yaali oya uvaneka kutya ngele oya hogololwa otaya ka yakula oshigwana nawa, nombili noku shi kaleka kumwe nombili nonesimanekathano.Swapo nee, pa Minista Nghimtina, ota ti Oshitopolwa sha Hangwena, mwa kwatelwa nEenhana, oshoSwapo otashi kala shoSwapo sigo aluhe, omanga RDP a ti kutya Eenhana okwe dhi hala oye a kale te dhi pangele, oshoka Oswapo oya kanitha ondjila yokulela nokukwatela oshigwana kumwe.Taya ti sho aantu taya zi mo moSwapo ngeyi koogumwe noogumwe mwakwatelwa naawiliki, noongundu dhOopolotika tadhi totwa, ondjo ya Swapo ngoka a ndopa okukaleka oshigwana kumwe omolu okuhapwaakena kwe komayele ngoka ta pewa ku yakwawo mboka ye wete kutya iinima itayi ende we nawa.”Oshitopolwa sha Hangwena osha mangululwa koSwapo noshi li shoSwapo, ngashi Iitopolwa yilwe wo ya Namibia ya mangululwa koSwapo notayi kala yoSwapo ngoka a tula Aanamibia ayehe kumwe noku ya kaleka kumwe nota tsikile noku ya kaleka kumwe nonando pu na uungundu mboka wa hala okuninga Ohangwena evigumbo lyopaukwamuhoko,” Amushangandjayi gwOpevi gwoSwapo Nangolo Mbumba ta gwedha po wo ngawo.”Tse mOshitopolwa sha Hangwena muka omo tu li.Kapu na nande ongundu yimwe tayi ke tu dhenga.Uungundu wumwe mboka wa kala mo ou li tau tumbwa, tau tilwa omeya, oshoka ou li pokusa.Okangundu hoka okape (RDP), katu nande esiku limwe tu ke ka ethele mo muka.Tse katu na nande esiku limwe tu ka efele oilunda moSwapo.Uungundu mboka tau eta omikithi dhiilunda niitakaya mokati koshigwana itatu ke wu pitika nande wu pangele.”Uunona inamu pitika nande mu ningwe oondjolo dhokukwata aakuluntu yeni noku ya fala muungundu wa hafele, ya ningwe omalimaalima,” Ngoloneya gwa Hangwena Usko Nghaamwa ta ti ngawo nokupandula ayehe mboka ye ya koshigongi shika shoSwapo, unene tuu uunona, mboka owo wa li oundji mpoka.Oshigongi shOswapo mEenhana mEtitano lya zi ko, osha li sha ningwa nElalakano lyokutula Oshikonga shOmahogololo gUukansela miilonga, molwashoka mOshikandjohogololo sha Eenhana omwe ya ompumbwe ya Kansela sho Kansela gwOshikandjohogololo shika kwali Karlous Max Shinohamba a etha po iilonga yUukaansela mOshikandjohogololo shoka shEenhana meti 31 Januali 2008.Omupresidende gwOpevi gwoSwapo Hage Geingob oye a tula mIilonga oshikonga shika, kombinga yOngundu yoSwapo.Swapo oya ulika Nehemia Haufiku oye a ninge omuhogololwa gwayo momahogololo ngoka ga thanekwa taga ka kala ko meti 29 Maalitsa nuumvo, nomoshigongi shoka shomEtitano lya zi ko, omusamane Hage Geingob okwa ulikile Aakwaswapo mboka ya li poshigongi oshinene mpoka, omuhogololwa gwawo nguka Haufiku.Ongundu ashike yoSwapo noyo RDP ya tula mo aahogololwa yawo momahogololo ngoka.RDP okwa ulika Thomas Ndiwakalunga omuhogololwa gwayo.Omupresidende manga gwa RDP Hidipo Hamutenya oye a tula miilonga oshikonga shomahogololo, sho RDP, e shi ningile pEenhana mOlyomakaya ngaka ga zi ko pethimbo lyoshigongi shawo oshinene, nokuulikila nee AakwaRDP omuhogololwa gwawo nguka Ndiwaakalunga.Aahogololwa ayehe yaali oya uvaneka kutya ngele oya hogololwa otaya ka yakula oshigwana nawa, nombili noku shi kaleka kumwe nombili nonesimanekathano.Swapo nee, pa Minista Nghimtina, ota ti Oshitopolwa sha Hangwena, mwa kwatelwa nEenhana, oshoSwapo otashi kala shoSwapo sigo aluhe, omanga RDP a ti kutya Eenhana okwe dhi hala oye a kale te dhi pangele, oshoka Oswapo oya kanitha ondjila yokulela nokukwatela oshigwana kumwe.Taya ti sho aantu taya zi mo moSwapo ngeyi koogumwe noogumwe mwakwatelwa naawiliki, noongundu dhOopolotika tadhi totwa, ondjo ya Swapo ngoka a ndopa okukaleka oshigwana kumwe omolu okuhapwaakena kwe komayele ngoka ta pewa ku yakwawo mboka ye wete kutya iinima itayi ende we nawa.